Hizqqeela 28:22 - Wolaytta Bible

²² Hagaadan yaaga; 'Ubbaa Haariya GODAI hagaadan yaagees; “Nenoo, Sidoonaa, taani neeyyo morkke! Taani ne bolli oottiyooban ta bonchchoi qonccana. Ne giddon de7iyaageeta pirddiyoogan taani ta geeshshatettaa bessiyo wode, taani GODAA gidiyoogaa eti ubbai erana.

Hizqqeela 28:22 Iomraidhean Croise

Mazamure Maxaafaa 83:17

Eti merinaayyo yeellatonanne hirggona; kauyyidi xayona.

Mazamure Maxaafaa 9:16

GODAI ba xillo pirddan baayyo erettiis; iita asi ba kushiyan oottido oosuwaa piriyan ohettiis.

Kessaabaa 14:17

Taani Gibxxetu wozanaa dammissin, eti intte geeduwaa kaallidi abban gelana. Taani kawuwaanne a olanchchatu ubbaa baggaara, a para gaaretunne a paraasatu baggaara bonchchuwaa taayyo demmana.

Kessaabaa 14:18

Taani kawuwaa baggaara, a para gaaretu baggaaranne a paraasatu baggaara taayyo bonchchuwaa demmido wode, taani GODAA gidiyoogaa Gibxxeti erana” yaagiis.

Kessaabaa 14:4

Taani kawuwaa wozanaa dammissana; i eta yedettana; taani kawuwaa baggaaranne a olanchchatu ubbaa baggaara bonchchettana; Gibxxetinne taani GODAA gidiyoogaa erana” yaagiis. Yaagin Israa7eelati i yootidoogaadan oottidosona.

Kessaabaa 15:21

Miiriyaama etayyo mazamuriyaa yexxaidda, “GODAI keehi xoqqu xoqqu giido gishshau, ayyo yexxite. Paraanne paraa toggidaagaa i abban oliis” yaagada yexxaasu.

Kessaabaa 9:16

Taani nena ta wolqqaa bessanaunne ta sunttai sa7a ubbaa bollan odettanau, hegau taani nena paxa wottaas.

Isiyaasa 23:4

Nenoo Sidoona katamau, abbaa qatuwan, abbai, “Taani na7a yelabeikke; taani attuma na7akka macca na7akka dichchabeikke” yaagidi haasayido gishshau yeellata.

Isiyaasa 37:20

Ha77i simmi abeet GODAU, nu Xoossau, ne xalaalai GODAA gidiyoogaa sa7aa kawotettati ubbai erana mala, neeni nuna a kushiyaappe wotta ekka!” yaagidi woossiis.

Ermmaasa 21:13

GODAI hagaadan yaagees; “Nenoo, Yerusalaamee, neeni dembban de7iya zaalladan, dilbbaappe pude xoqqu gaada beettaasa; shin taani nenaara olettana. Neeni, 'Ooninne ta bolli xalenna woikko ta de7iyoosaa gelenna' yaagaasa;

Ermmaasa 50:31

Godai, Ubbaappe Wolqqaama GODAI hagaadan yaagees; “Nenoo, otoranchchau, taani ne bolli denddaas. Aissi giikko, ne gallassai, neeni qaxxayettiyo wodee gakkiis.

Hizqqeela 20:41

Intte laalettido kawotettatu giddoppe taani inttena ehiyo wodenne hara biittatuppe taani inttena shiishshiyo wode, sawuwaa tonggu giya yarshshuwaa ekkiyoogaadan, taani inttena ekkana. Kawotettati xeellishin, taani intte giddon geeshshaa gidiyoogaa erissana.

Hizqqeela 21:3

Hagaadan yaaga; 'GODAI hagaadan yaagees; “Taani neeyyo morkke. Taani ta bisuwaa shoohuwaappe shoddada, xillo asaanne iita asaa ubbaa wurssana.

Hizqqeela 26:3

Hegaa gishshau, Ubbaa Haariya GODAI hagaadan yaagees; 'Nenoo, Xiiroosa katamau, taani neeyyo morkke. Abbaa beetai yiyoogaadan, taani daro kawotettata ne bollan ehaana.

Hizqqeela 29:10

taani ne bollinne ne shaafaa bolli denddaas. Taani huuphessa baggaara Migidoolappe doommada, tohossa baggaara Asiwaane katamaa gakkanaassi, hegaappekka Toophphiyaa zawaa gakkanaassi Gibxxe ubbaa asi bainna baisa soho kessana.

Hizqqeela 29:3

Hagaadan yaaga; 'Ubbaa Haariya GODAI hagaadan yaagees; “Nenoo, Naile SHaafaa giddon zin77ida, keehi gitanne yashshiya do7au, 'Naile SHaafai taagaa; a medhdhidai tana' yaagiya Gibxxe kawuwau, taani neeyyo morkke!

Hizqqeela 30:19

Taani Gibxxe hegaadan qaxxayana. Taani GODAA gidiyoogaa eti hegan erana” yaagees' yaaga” yaagiiddi yiis.

Hizqqeela 36:23

Intte tunissin, kawotettatu giddon tunida ta gita sunttaa geeshshatettaa taani bessana. Eti xeellishin, intte baggaara taani ta geeshshatettaa bessiyo wode, taani GODAA gidiyoogaa eti erana. Taani Ubbaa Haariya GODAI hagaa odais.

Hizqqeela 38:16

Biittaa kammiya shaaraadan, neeni ta asaa Israa7eela bolli woraajjana. Laa Googaa, sinttappe yaana wode, taani nena ta biittaa bolli woraajissana. Hegaa taani oottiyoogee kawotettati tana eranaassanne taani ne baggaara oottiyooban ta geeshshatettai eta sinttan beettanaassa” yaagees.

Hizqqeela 38:23

Hegaadan oottada, taani ta gitatettaanne ta geeshshatettaa bessana. Qassi daro kawotettata taani tanatettaa erissana. Taani GODAA gidiyoogaa eti hegan erana” yaagees' yaaga.

Hizqqeela 38:3

Hagaadan yaaga; 'Ubbaa Haariya GODAI hagaadan yaagees; “Laa Googaa, Meshekanne Tubaala asaayyo waanna halaqau, taani neeyyo morkke.

Hizqqeela 39:13

He biittan de7iya asai ubbai ahaa moogiyoogan maadettana; hegaa gishshau, taani xooniyo gallassi etau bonchcho gidana. Taani Ubbaa Haariya GODAI hagaa odais.

Hizqqeela 5:8

Hegaa gishshau, Ubbaa Haariya GODAI hagaadan yaagees; “Nenoo, Yerusalaamee, taani neeyyo morkke; hara kawotettati ubbai be7ishin, ne bolli ta pirddaa ehaana.

Wogaabaa 10:3

Hegaappe guyyiyan, Muusee Aaroona, “GODAI, 'Taani ta mati shiiqiyaageeta ta geeshshatettaa bessana. Qassi asa ubbaa sinttan taani bonchchettana' giidi haasayidoogee be7a hagaa” yaagiis. Yaagin Aarooni co77u giis.

Naahooma 1:6

A hanqquwaa sinttan eqqanai oonee? A hanqquwaa suuluwaakka danddayanai oonee? A hanqqoi tamaadan bukkiyo wode, zaallati za77idi phalqqettoosona.

Naahooma 2:13

Ubbaappe Wolqqaama GODAI hagaadan yaagees; “Be7a, taani ne bollan denddaas! Taani ne para gaareta taman xuuggana; ne wodala gaammotakka bisoi maana. Neeni hasiyoobaa taani biittaappe xaissana; neeyyo kiitettiyaageetu qaalaikka naa77antto mulekka siyettenna” yaagees.

Naahooma 3:5

Ubbaappe Wolqqaama GODAI hagaadan yaagees; “Be7a, taani ne bollan denddaas! Taani ne maayuwaa ne bollappe qaarana; qaarada ne kalluwaa dere asaa, ne pokkuwaakka kawotettata bessana.