Hizqqeela 25:3 - Wolaytta Bible

³ Hagaadan yaaga; 'Ubbaa Haariya GODAA qaalaa siyite. Ubbaa Haariya GODAI hagaadan yaagees; “Intte ta Beeta Maqidasee tuniyo wode, Israa7eela biittai baisa attiyo wodenne Yihudaa asai omooduwau biyo wode, 'Hashshu!' giido gishshau,

Hizqqeela 25:3 Iomraidhean Croise

Mazamure Maxaafaa 35:21

Eti bantta inxxarssaa ta bolli qarayidi, “Ee, ee, neeni oottidoogaa nuuni nu aifiyan be7ida” yaagoosona.

Leemiso Maxaafaa 17:5

Hiyyeesatu bolli qilliicciya asi eta medhdhida Xoossaa cayees; hara asa gakkiya metuwan ufaittiya asi qaxxayettennan attenna.

Ermmaasa Zilaassaa 1:7

Yerusalaama ha77i ba tuggaanne ba un77uwaa gallassatun beni ba bonchcho buquraa hassayausu. I asai ubbai morkketu kushiyan aadhdhidi imettido wode, o maaddiyaabi issoinne attibeenna. I morkketi o xeellidi, i bashshan miiccidosona.

Ermmaasa Zilaassaa 4:21

Inttenoo, Uuxa biittan de7iya Eedooma asatoo, ufaittitenne poocu giite. SHin hanqquwaa xuu7ai inttekkokka gakkana; inttekka mattottidi, kallo attana.

Hizqqeela 21:28

“Laa asa na7au, hagaadan yaagada hananabaa yoota; 'Israa7eela cayiya Amoonatuyyo Ubbaa Haariya GODAI hagaadan yaagees; “Bisuwaa! Bisoi siifanau shoohuwaappe shodettiis; wurssanaunne wolqqanttaadan pholqqu gaanau qucettiis.

Hizqqeela 25:6

“'Aissi giikko, Ubbaa Haariya GODAI hagaadan yaagees; “Intte Israa7eela bashshan kushiyaa baqqido gishshau, guppido gishshaunne ufaittido gishshau,

Hizqqeela 25:8

“'Ubbaa Haariya GODAI hagaadan yaagees; “Moo7aabinne Eedoomi, 'Be7ite, Yihudai hara kawotettatukka mala' yaagido gishshau,

Hizqqeela 36:2

Intte morkketi, “Beni xoqqa dereti ubbai nubaa gididosona!” yaagido gishshau, eti inttena mentterettidi baisa oottido gishshau, intte cora kawotettatun haarettanaadan oottido gishshaunne inttena daro cayettiyaabaanne qilliicettiyaabaa oottido gishshau,

Mikiyaasa 7:8

Ta morkkiyau, ta metuwan ufaittoppa. Taani kunddikkokka denddana; taani xuman uttikkokka, GODAI taayyo poo7ana.

Sofonaasa 2:8

Ubbaappe Wolqqaama GODAI, Israa7eela Xoossai, hagaadan yaagees; “Taani Moo7aaba asaa qilliicciyaanne Amoona asaa cashshaa siyaas. Eti ta asaa qilliiccidosona; eta zawaa bollankka otorettidosona. Hegaa gishshau, ta de7o sunttan caaqqais, Moo7aabi Sadoomadan hanana; Amoona asaikka Gamoora asaadan hanana. Eti merinau maxiniyaa bookkiyo ollanne agunttai maayido bazzo gidana. Ta asaappe attidaageeti eta aquwaa bonqqana; eta biittaakka laattana” yaagees.

Daannatu Maxaafaa 6:3

Israa7eela asai kattaa zerido wode ubban, Midiyaama asai Amaaleeqa asaaranne arshsho bagga biittan de7iya asaara yiidi eta oloosona.