Hizqqeela 23:8 - Wolaytta Bible

⁸ A Gibxxen doommido shaaramuxatettaa ha77ikka aggabeikku; i yelagatettaappe doommidi, attumaasati i xanttaa kaa7oosonanne iira shaaramuxoosona.

Hizqqeela 23:8 Iomraidhean Croise

Kawotu Maxaafaa Koiruwaa 12:28

Hegaa gishshau, kawoi zorettidoogaappe guyyiyan worqqaappe naa77u maratu misileta medhdhiis. Medhdhidi asaayyo, “Intte hagaappe Yerusalaame biido keenai gidana. Inttenoo Israa7eela asatoo, inttena Gibxxeppe kessida intte xoossati hageetihoona!” yaagiis.

Kawotu Maxaafaa Naa77anttuwaa 10:29

Gidikkonne Nabaaxa na7ai Iyorbbaami Israa7eela asaa ootissido nagaraa oottiyoogaa i aggibeenna. Beeteeleeninne Daanan Iyorbbaami essido worqqa maratu misiletuyyo i ba huuphen goinniis.

Kawotu Maxaafaa Naa77anttuwaa 17:16

GODAA bantta Xoossaa azazuwaa ubbaa aggiigidosona. Aggiigidi mara milatiya, naa77u goinniyo misiletanne Asheero giyo xoossee misiliyaa medhdhidosona. Saluwan de7iya xoolintte ubbaassi goinnidosonanne Ba7aala giyo eeqaassi oottidosona.

Kessaabaa 32:4

Ehin i hegaa eta kushiyaappe ekkidi, seerissiis; seerissidoogaappe guyyiyan, qoxxiyooban qoxxidi, mara milatiya eeqa oottidi medhdhiis. Medhdhin asai, “Israa7eelatoo, inttena Gibxxe biittaappe kessida intte xoossati hageeta” yaagiis.

Hizqqeela 20:7

Qassi taani eta, 'Intteppe issoi issoi ba siiqiyo tuna eeqata diggo; Gibxxe eeqatun tunoppite. Taani GODAA intte Xoossaa' yaagaas.

Hizqqeela 23:19

SHin a Gibxxen shaaramuxa gidada de7iyo, ba yelagatettaa wodiyaa hassayada, ba shaaramuxaa kaseegaappe yaa darissaasu.

Hizqqeela 23:21

(Nenoo, Ohoolibee, ne yelagatettaa wode, attumaageeti ne xanttan kaa7ishin, ne geela7otettaakka ekkishin, neeni polido shaaramuxatettaa zaaradakka ha77i oottanau amottaasa.)

Hizqqeela 23:3

Eti Gibxxen de7iiddi, bantta yelagatettaappekka doommidi, shaaramuxa gididosona. He biittan eta xanttan attumaasai kaa7iis; eta geela7otettaikka ekettiis.

Hizqqeela 23:34

Ne a cinggada uyana; uyada xuu7aakka menttana; menttido kon77ankka ne xanttaa gaarana. Taani Ubbaa Haariya GODAI hagaa odais' yaagees.

Ajjuutaa 11:8

Eta Godai masqqaliyaa bollan misimaariyan xishettidi kaqettido katamaa wogga ogiyan eta ahai zin77ana. He katamai leemisuwan Sadooma woi Gibxxe geetettidi xeesettees.