Hizqqeela 23:40 - Wolaytta Bible

⁴⁰ “Hegaadankka qassi, eti haahosaappe attumaasati yaanaadan, asa kiittidosona; kiittin etikka yiidosona. Yin intte naa77u michcheti intte bollaa meecettideta; intte aifiyaakka qalamiyaa tiyideta; alleequwaakka wottideta.

Hizqqeela 23:40 Iomraidhean Croise

Kawotu Maxaafaa Naa77anttuwaa 9:30

Hegaappe guyyiyan, Yeehu Iziraa7eela katamaa biis. Elzzaabeela hegaa siyido wode, ba aifiyaa tiyada, ba huuphiyaakka pixada, maskkootiyaara duge ogiyaa xeellaasu.

Asttiri Maxaafaa 2:12

Geela7oti kawuwaakko gelanaappe kasetidi, issi laittaa kumettaa bantta puulaa loittiiddi gam77oosona; hegeekka, koiro usuppun aginaa karbbiyaa zaitiyan gorppettiiddi gam77idi, naa77antto usuppun aginaa qassi, lo77o sawiya shittuwan gorppettoosona.

Leemiso Maxaafaa 6:25

I puulaa ne wozanan qaaqqatoppa; i qim77otankka omoodettoppa.

Leemiso Maxaafaa 7:10

Hegaappe guyyiyan, maccaasiyaa a demmaasu. A shaaramuxa gidiyoogaa i maayoi erissees. A asaa cimmanau halchchada kiyaasu.

Isiyaasa 57:9

Zaitiyaa ekkidi, Molooka giyo eeqaakko biideta; intte shittuwaakka darissideta; inttiyo kiitettiyaageeta haahosaa kiittideta; harai attin, Si7ooliyaa gakkanaashin wodhdhideta.

Ermmaasa 4:30

Nenoo, moorettaichchidaaree, neeni ai oottai? Ne zo7o maayuwaanne aissi maayai? Worqqa alleeqonne aissi wottai? Ne aifiyaa ciruwaanne aissi tiyai? Neeni coo mela nena loittaasa. Ne laggettoti nena karidosona; eti nena woranau koyoosona.

Hizqqeela 23:13

Akka bana tunissidoogaa be7aas; eti naa77aikka issi ogiyaa boosona.

Hoose7a 2:13

A tana dogada, ba laggettota kaallaidda, gutuchchatuuninne alleeqotun bau alleeqettaidda, Ba7aala giyo eeqaayyo ixaanaa cuwayido baala gallassatu gishshau, taani o qaxxayana. Taani GODAI hagaa odaas.

Koiro PHeexiroosa 3:3

Intte intte huuphe pixiyoogaaninne worqqa wottiyoogan woi lo77o maayo maayiyoogan intteyyo bolla baggaa loittoppite.

Uruti Maxaafaa 3:3

Neeni meecetta; shittuwaa tistta. Yaatada ne lo77o maayuwaa maayada, duge audiyaa ba; shin baada Boo7eezi miidinne uyidi simmana gakkanaashin, a aifiyan beettoppa.