Hizqqeela 22:9 - Wolaytta Bible

⁹ Ne giddon de7iyaageetuppe issooti issooti harata worissanau wordduwaa yootoosona; haraati deriyaa bolli de7iya eeqau goinniyo sohotun moosona; qassi haraati maccaasaara shaaramuxoosona.

Hizqqeela 22:9 Iomraidhean Croise

Mazamure Maxaafaa 101:5

Geeman ba shooruwaa zigiriyaagaa taani sirphphi oottana. Otorettiyaanne ayyiya asa taani danddayikke.

Mazamure Maxaafaa 106:28

Hegaappe guyyiyan, eti Pa7ooran de7iya Ba7aala eeqaayyo goinniyaageetuura issippe gaittidosona; shemppoi bainna eeqatuyyo yarshshettida yarshshuwaa miidosona.

Mazamure Maxaafaa 50:20

Ne uttidosan ne ishaa iissada haasayaasa; ne aayee na7aa zigiraasa.

Kessaabaa 20:16

“Ne shooruwaa bollan wordduwaa markkattoppa.

Kessaabaa 23:1

“Worddo odo puukkoppa; worddo markka gidada, iita asa maaddoppa.

Leemiso Maxaafaa 10:18

Ixxiiddi ba ixxiyoogaa erissenna urai worddanchcha; zigirssaa laaliya uraikka eeyya.

Leemiso Maxaafaa 18:8

Zigirssanchchaa qaalai mal77o qumaa mala; ufaissiiddi duge ganjjiyaa gakkees.

Leemiso Maxaafaa 26:22

Zigirssanchchaa qaalai mal77o qumaa mala; ufaissiiddi duge ganjjiyaa gakkees.

Ermmaasa 6:28

Eti ubbai zigiri yuuyiya, odin ekkenna makkalanchcha. Eti nahaasenne birata; eti ubbaikka mooruwaa oottoosona.

Ermmaasa 9:4

Qassikka GODAI hagaadan yaagees; “SHooroi shooruwaappe naagettite; intte ishatakka ammanettoppite. Aissi giikko, ishi ubbi cimmiyaagaanne shooro ubbi zigiriyaagaa.

Hizqqeela 11:6

Ha kataman intte daro asaa woridi, oge ubban ahaa kunttideta” yaagees.

Hizqqeela 16:43

“'“Neeni ne yelagatettaa laittaa dogada, ha iita ooso ubban tana hanqqetissadasa. Hegaa gishshau, tumaappe ne oottidobaa ubbaa taani ne bollan zaarana. Neeni ne tuna oosotu ubbaa bolli shaaramuxatettaa aibissi gujjadii? Taani Ubbaa Haariya GODAI hagaa odais.

Hizqqeela 18:11

ba aawai oottibeennabaa ubbabaa oottees. I deriyaa bolli de7iya eeqau goinniyo sohotun mees; i ba shooruwaa maccaasaa tunissees;

Hizqqeela 18:15

i deriyaa bolli de7iya eeqau goinniyo sohotun maana xayikko, Israa7eela asaa eeqau goinnana xayikko, i ba shooruwaa maccaasaa tunissana xayikko,

Hizqqeela 18:6

i deriyaa bolli de7iya eeqau goinniyo sohotun maana xayikko, i Israa7eela asaa eeqau goinnana xayikko, ba shooruwaa maccaasaa tunissana xayikko, qassi kushe qitai yiido maccaasaara zin77ana xayikko,

Hizqqeela 23:29

Eti nena ixxananne neeni daafurada demmidobaa bonqqirggidi, nena kallo xiire ashshana. Ne shaaramuxatettaa pokkoi qonccanaadan oottana. Ne ziitainne ne shaaramuxatettaa amoi,

Hizqqeela 24:13

Bii Yerusalaamee, hegee shiyai ne shaaramuxatettaa leemiso. Taani nena geeshshanau daafurinkka, neeni ne tunatettaappe geeyennan ixxido gishshau, ne bollan ta hanqqoi wurana gakkanaashin, neeni naa77antto geeyakka.

Hoose7a 4:10

Eti GODAA aggido gishshau, maana, shin kallokkona; shaaramuxana, shin naata corayokkona.

Hoose7a 4:14

Intte macca naati shaaramuxiyo wodenne intte naatu maccaasati shaaramuxiyo wode, taani qaxxayikke; aissi giikko, attuma asati bantta huuphiyan shaaramuxiyaageetuura zuppetoosona; shaaramuxiyaageetuura yarshshuwaa yarshshoosona. Hegaa gishshau, akeekai bainna asai aadhdhi wodhdhana.

Hoose7a 4:2

Ha biittan de7iyaabai qanggetta, worddo, asa woro, wuussanne shaaramuxa xalaala. Eti maachcha ubbaa kanttidosona; asaa woroi woruwaa kaallees.

Hoose7a 6:9

Panggati asa woranau qosetti uttidi naagiyoogaadan, qeesetu citaikka hegaadan naagees; naagidi Sekeema katamaa efiya ogiyan asaa worees. Ee, eti yeellayiya kobabaa oottoosona.

Hoose7a 7:4

Eti ubbaikka makkalanchcha; daabbuwaa uukkiyaagee coociyan eettido tamaadan, eti hanqquwan eexxi kiyoosona. He uukkiyaagee munaqqiyoogaa polidi, munaqai denddana gakkanaashin, tamaa eettenna.

Wogaabaa 19:16

“'Ne asaa giddon iita zigirssaa ekkada yuuyoppa. “'Ne shooruwaa woriyoobaa aibanne oottoppa. Taani GODAA.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Maatiyoosa 26:59

Qeese halaqatinne yaa7aa asai ubbai Yesuusa woranau a bolli worddo markka demmanau koyidosona.

Yesuusi Kiittidoogeetu Oosuwaa 24:13

Eti ha77ikka tana mootiyoobaa shatimmanau danddayokkona.

Yesuusi Kiittidoogeetu Oosuwaa 24:5

Aissi giikko, ha bitanee xube gididi, sa7a ubban de7iya Aihudatu giddon ooshsha denttiiddi, Naaziraawetu bagga asaa kaalettiyaagaa gididoogaa erida.

Daannatu Maxaafaa 20:6

Haiqqin taani i ahaa ekkada qanxxerettidoogaappe guyyiyan, eti ha tunabaanne pokkobaa Israa7eelan oottido gishshau, Israa7eela asai laattido biitta ubbaa issi issi qanxxuwaa kiittaas.

Sameela Maxaafaa Koiruwaa 24:10

Ha gonggoluwaa giddon GODAI nena hachchi taayyo aatti immidoogaa neeni ne aifiyan be7adasa; taani nena woranaadan amaridaageeti tana denttettidosona; shin taani, 'GODAI tiyidi kawoyidoogaa i gidiyo gishshau, taani ta godaa bolli ta kushiyaa denttikke' yaagada nena ashshaas.