Hizqqeela 20:12 - Wolaytta Bible

¹² Qassi eta geeshshiyaagee tana GODAA gidiyoogaa eti erana mala, taani ta Sambbataa taappenne etappe gidduwan malaata oottada immaas.

Hizqqeela 20:12 Iomraidhean Croise

Doomettaabaa 2:3

Qassi Xoossai laappuntta gallassaa anjjiisinne geeshsha oottiis; aissi giikko, Xoossai ba oottiyo oosuwaa wurssidi shemppidoi he gallassaana.

Nahimiyaa Maxaafaa 9:14

Geeshsha ne Sambbataa eti bonchchana mala, eta tamaarissadasa. Ne ashkkaraa Muuse baggaara etayyo azazuwaa, wogaanne higgiyaa immadasa.

Kessaabaa 16:29

GODAI intteyyo Sambbataa immidoogaa akeekite; usuppuntta gallassan i intteyyo naa77u gallassa oittaa immiyoogee hegaa gishshaassa. Laappuntta gallassi ubbai ba de7iyoosan de7iyoosan takko; ooninne kare kiyoppo” yaagiis.

Kessaabaa 35:2

Saaminttaa giddon usuppun gallassa xalaalan oosuwaa oottite; shin laappuntta gallassai intteyyo geeshsha gallassa; GODAAYYOOKKA shemppo Sambbata. He gallassi ai oosonne oottiya uri ooninne haiqqanau bessees.

Isiyaasa 56:2

Hagaa oottiya uraa, Sambbataa tunissennaadan bonchchiya uraanne iitabaa oottennan ixxiya uraa taani anjjana” yaagees.

Ermmaasa 17:22

Sambbata gallassan intte keettaappe tooho tookkidi kessoppite, woikko aiba oosonne oottoppite. Kase intte aawata taani azazidoogaadan, Sambbata gallassaa dummayidi bonchchite.

Hizqqeela 20:20

Taappenne intteppe gidduwan malaata gidana malanne taani GODAA intte Xoossaa gidiyoogaa intte erana mala, Sambbataa hara gallassaappe dummayite' yaagaas.

Hizqqeela 20:26

Eti bantta yarshshuwan tunanaadan, eti bantta baira naata yarshshanaadan, taani eta yedda bessaas. Taani hegaa oottidoogee eta qaxxayanaassanne taani GODAA gidiyoogaa eta erissanaassa” yaagees' yaaga.

Hizqqeela 37:28

Ta Beeta Maqidasee eta giddon merinau de7iyo wode, Israa7eelata geeshshiyaagee tana, GODAA gidiyoogaa kawotettati erana” yaagees' yaaga” yaagiiddi yiis.

Hizqqeela 44:24

Ai mootoi denddikkokka, qeeseti higgee odiyoogaadan pirddona. Ta higgiyaanne ta wogaa naagidi, ta baalata bonchchona; ta Sambbataakka dummayidi bonchchona.

Wogaabaa 20:8

Ta higgiyaa naagitenne oottite. Taani inttena geeshshiya GODAATTENNEE.

Wogaabaa 21:15

Yaanana xayikko, i ba asaa giddon ba zeretta gidiya ba naata tunissana. Taani a geeshshiyaagee, GODAATTENNEE' yaaga” yaagiis.

Wogaabaa 21:23

SHin ayyo bollai tilla gidenna gishshau, i ta Dunkkaaniyaa tunissennaadan, magalashuwaakko woi yarshshiyoosaakko shiiqoppo. Aissi giikko, eta geeshshiyaagee taani GODAATTENNEE' yaaga” yaagiis.

Wogaabaa 21:8

Qeesee intte Xoossaassi qumaa yarshshuwaa shiishshiyaagaa gidiyo gishshau, i hara asaappe dummato. Taani inttena geeshshiya intte GODAI geeshsha gidiyo gishshau, ikka geeshsha gido.

Wogaabaa 23:24

“Israa7eela asaayyo hagaadan yaagada yoota; 'Laappuntta aginan koiro gallassaa shemppo gallassaa oottidi bonchchite; hassayissuwaa malkkataikka punettiyo wode, geeshsha yaa7aa shiiqite.

Wogaabaa 23:3

“'Intte usuppun gallassaa oosuwaa ootteeta; shin laappuntta gallassi intte shemppiyo Sambbata gallassa; he gallassan geeshsha yaa7aa shiiqite; aiba oosonne oottoppite; intte de7iyo sohuwan ubban hegee GODAASSI Sambbata.

Wogaabaa 23:32

Hegee intte waanna shemppuwaa shemppiyo Sambbata gallassa. He gallassan intte huuphiyaa kaushshite. He aginan uddufuntta gallassan omarssaappe doommidi, tammantta gallassaa omarssai gakkanaashin, intte Sambbataa bonchchite” yaagiis.

Wogaabaa 23:39

“'Laappuntta aginan tammanne ichchashantta gallassan intte biittan mokkidabaa cakkidi shiishshidoogaappe guyyiyan, GODAA baalaa laappun gallassaa bonchchite; koiro gallassainne hosppuntta gallassai intteyyo waanna shemppo gallassa.

Wogaabaa 25:4

SHin laappuntta laittai biittaayyo shemppo Sambbata; hegee GODAAYYOOKKA Sambbata. He laappuntta laittan intte shooqan zeroppite; intte woiniyaa xeeraakka xunqqoppite.

Qolasiyaasa 2:16

Hegaa gishshau, meettan woi ushshan, baala gallassaa woi aginai xeeriyo wodiyaa bonchchiyoogan, woi Sambbataa bonchchiyoogan, ooninne intte bolli pirddoppo.

Koiro Tasalonqqe 5:23

Sarotettaa Xoossai ba huuphen inttena ubbaban geeshsho; qassi nu Godai Yesuusi Kiristtoosi yiyo wode, Xoossai intte ayyaanaa, shemppuwaanne kumetta asatettaa borettennaagaa oottidi naago.

Yihudaa 1:1

Taani Yesuus Kiristtoosa ashkkarai Yihudai, Yaaqooba ishai, Xoossai xeegidoogeetuyyo, Xoossai Aawai siiqiyoogeetuyyo, qassi Yesuus Kiristtoosi naagiyoogeetuyyo, ha dabddaabbiyaa xaafais.