Hizqqeela 2:4 - Wolaytta Bible

⁴ Eti wozana muumenne morgge zozza gidiyo gishshau, taani nena etakko kiittais. Baada, 'Ubbaa Haariya GODAI hagaadan yaagees' yaaga.

Hizqqeela 2:4 Iomraidhean Croise

Kawotu Maxaafaa Koiruwaa 22:14

SHin Mikaayi he bitaniyaa, “GODAI ero! GODAI taayyo yootiyoobaa taani yootana” yaagiis.

Hanidabaa Odiya Naa77antto Maxaafaa 30:8

Intte GODAAYYO azazettiteppe attin, kase intte aawatudan intte morggiyaa zozzissoppite! GODAI merinau geeshshido Beeta Maqidasiyaa haa yiite. GODAA hanqqoi eexxiyaagee intte bollappe kichchanaadan, GODAAYYO, intte Xoossaayyo, goinnite.

Hanidabaa Odiya Naa77antto Maxaafaa 36:13

Sedeqiyaasi ammanettanaadan bana Xoossaa sunttan caaqettida Naabukadanaxoora bolli makkaliis. GODAAKKO Israa7eela Xoossaakko simmiyoogaa aggidi, ba morggiyaa zozzissiis; ba wozanaakka muumissiis.

Mazamure Maxaafaa 95:8

“Kase intte maizza aawati Mariiba giyo sohuwan hanidoogaadan, he gallassi Maasa Bazzuwan ixxidoogaadan, inttekka zore ekkennan ixxoppite.

Leemiso Maxaafaa 21:29

Iita asi taagaa xalaalai likke gees; shin suure asi yuushshi qoppees.

Isiyaasa 48:4

Aissi giikko, neeni yootin siyennaagaa, ne morggee birataa mala gidiyoogaa, ne som77oikka nahaasiyaa giyo birataadan leeqqamennaagaa taani eraas.

Ermmaasa 1:7

SHin GODAI tana hagaadan yaagiis; “'Taani na7a' gooppa. Taani nena kiittiyo asa ubbaakko ba. Taani azaziyoogaa ubbaakka yoota.

Ermmaasa 3:3

Hegaa gishshau, badhdheesai teqettiis; silaa iraikka bukkennan aggiis. Hegaa hanikkokka, neeyyo shaaramuxiyo merai de7ees; neeni yeellatennan ixxadasa.

Ermmaasa 36:21

Yootin he maxaafaa ehaana mala, kawoi Yihuuda kiittiis; kiittin Yihuudi xaatta maxaafaa Elishamaa7a kifiliyaappe ehiidi, kawuwaassinne a yuushuwan eqqida halaqatussi nabbabiis.

Ermmaasa 5:3

Abeet GODAU, ne aifeti tumaa xeellokkonaayye? Neeni eta dechchadasa, shin eta sakkibeenna. Neeni eta kinchcherettadasa, shin eti seeraa ekkennan ixxidosona. Eti bantta som77uwaa zaallaappe aatti minttidi, bantta nagaraappe simmennan ixxidosona.

Ermmaasa 6:15

Ha sheneyiya oosuwaa oottidi, eti yeellatidonaa? CHii, eti mulekka yeellatibookkona. Eti yeelli aibakkokka erokkona. Hegaa gishshau, etikka kunddidaageetu giddon kunddana. Taani eta qaxxayiyo wode, eta kaushshana” yaagees.

Ermmaasa 8:12

Ha sheneyiya oosuwaa oottidi, eti yeellatidonaa? CHii, eti mulekka yeellatibookkona. Eti yeelli aibakkokka erokkona. Hegaa gishshau, etikka kunddidaageetu giddon kunddana; eti qaxxayettiyo wode kauyyana. Taani GODAI hagaa odaas” yaagees' yaaga” yaagiis.

Hizqqeela 3:11

Ha77i dendda baada, omooduwan de7iya ne asau yoota. Eti siyin ixxinkka etau, 'Ubbaa Haariya GODAI hagaadan yaagees' yaagada yoota” yaagiis.

Hizqqeela 3:27

SHin taani neeyyo yootiyo wode, taani ne doonaa dooyin, neenikka etayyo, 'Ubbaa Haariya GODAI hagaadan yaagees' yaagana. Siyiya ooninne siyo; siyennan ixxiya ooninne ixxo. Aissi giikko, eti makkalanchcha asa.

Hizqqeela 3:4

Hegaappe simmidi, i tana hagaadan yaagiis; “Laa asa na7au, ha77i Israa7eela asaakko ba; baada ta qaalaa etayyo yoota.

Hizqqeela 3:7

Israa7eela asai taani yootiyoogaa siyanau koyenna gishshau, eti neeni yootiyoogaakka siyokkona. Aissi giikko, kumetta Israa7eela asai morgge zozzanne wozana muume gidiyo gishshau, ne yootiyoogaa siyokkona.

Amoxa 7:15

SHin GODAI tana dorssaa wudiyaa heemmiyoosaappe ekkidi, 'Baada ta asau Israa7eelau hananabaa yoota' yaagiis.

Zakkaariyaasa 7:12

Ubbaappe Wolqqaama GODAI ba Ayyaanan kase ba hananabaa yootiyaageetu baggaara kiittido higgiyaanne qaalaa siyenna mala, eti bantta wozanaa zaallaadan minttidosona. Hegaa gishshau, Ubbaappe Wolqqaama GODAA matappe gita hanqqoi eta bolli yiis.

Maatiyoosa 10:16

“Be7ite! Taani inttena dorssaa wanggireello giddo yeddiyoogaadan yeddais. Hegaa gishshau, shooshshadan cincca gidite; qassi haraphphedan, ashkke gidite.

Zaarettido Wogaa 10:16

Hegaa gishshau, intte wozanaa shoohuwaa qaxxarite; qassi hagaappe sinttanau morgge zozza gidoppite.

Zaarettido Wogaa 31:27

Intte woisa makkalanchchakkonne woisa morgge zozzakko taani erais. Be7ite, ta inttenaara de7ido laitta ubban intte GODAU iita makkala; shin taani haiqqaichchin, ubba woisaa makkalanddetii?