Hizqqeela 18:24 - Wolaytta Bible

²⁴ “SHin xillo asi ba xillotettaappe guyye simmidi, nagaranchcha asi oottiyo nagaraanne tuna oosuwaa oottikko, i paxa de7anee? CHii, i oottido xillo oosuwaappe issoinne qofettenna; i ammanettennan ixxido gishshaunne i oottido nagaraa ubbaa gishshau, i haiqqana.

Hizqqeela 18:24 Iomraidhean Croise

Hanidabaa Odiya Naa77antto Maxaafaa 24:2

Qeesee Yoodaahee de7ido laitta ubban Yo7aashi GODAA sinttan suurebaa oottiis.

Mazamure Maxaafaa 125:5

Bantta geella ogiyaa simmiyaageeta neeni iitaa oottiyaageetuura issippe qaxxaya. Israa7eelayyo saroi gido!

Leemiso Maxaafaa 14:32

Iitati bantta iita oosuwan kunddana; shin xilloti bantta suuretettan naagettana.

Leemiso Maxaafaa 21:16

Akeeka ogiyaappe haddirida uraa haiqoi naagees.

Ermmaasa 34:16

SHin ha77ikka intte intte qofaa laammidi, ta sunttaa tunissideta. Waatidi giikko, eti koyidoogaadan, ailletettaappe kessido intte attumanne macca ailleta zaaridi ailleyideta.

Hizqqeela 17:20

Taani ta gitiyaa a bolli miccin, i ta piriyan ohettana. I taayyo ammanettennan ixxido gishshau, taani a Baabiloone efaada, hegan a bolli pirddana.

Hizqqeela 18:18

SHin a aawai ba ishantta wolqqan bonqqido gishshaunne ba asaa giddon iitaa oottido gishshau, ba nagaran haiqqana.

Hizqqeela 18:22

I oottido naaquwaappe issoinne qofettenna. Ba oottido xillo oosuwaa gishshau, i paxa de7ana.

Hizqqeela 18:26

Xillo asi ba xillotettaappe guyye simmidi, nagaraa oottiyo wode, i ba oottido nagaraa gishshaa haiqqana.

Hizqqeela 20:27

“Hegaa gishshau, asa na7au, Israa7eela asaassi hagaadan yaagada yoota; 'Ubbaa Haariya GODAI hagaadan yaagees; “Intte aawatikka tanan ammanettennan ixxidi, hegan tana cayidosona.

Hizqqeela 33:18

Xillo asi ba xillotettaa aggidi, nagaraa oottikko, i ba nagaran haiqqana.

Hizqqeela 33:6

SHin he wochchiyaagee morkkee yiyoogaa be7iiddi, malkkataa punnennan aggikkonne asaa erissana xayikko, olaikka yiidi, he asaappe issi uraa worikko, he urai ba nagaran haiqqees; shin taani a suuttaa wochchiyaagaa achchana' yaaga.

Sofonaasa 1:6

GODAA kaalliyoogaa aggidi guyye simmidaageeta, GODAA koyibeennaageetanne oichchibeennaageetakka taani xaissana” yaagees.

Marqqoosa 13:13

Asai ubbai inttena ta sunttaa gishshau ixxana; shin wurssettai gakkanaashin gencciyaagee attana.

Yohaannisa 8:21

Qassikka Yesuusi eta, “Taani baana. Bin intte tana koyana; shin intte intte nagaran haiqqana. Taani biyoosaakka baanau intte danddayekketa” yaagiis.

Yohaannisa 8:24

Intte intte nagaran haiqqanaagaa taani intteyyo yootidoogee hegaassa; taani tana gidiyoogaa intte ammanana xayikko, intte intte nagaran haiqqana” yaagiis.

Galaatiyaa 3:3

Intte hegaa keena eeyyee? Xoossaa Ayyaanan doommidi, ha77i intte wolqqan poleetii?

Galaatiyaa 3:4

Intte daafura ubbau ainne go77i baawee? Tumaappe go77ai de7ees.

Galaatiyaa 5:7

Kase lo77o ootteeta; shin tumatettaayyo intte azazettenna mala, oonee inttena diggidai?

Koiro Yohaannisa 2:19

Ha morkketi nu bagga gidenna gishshau, nu giddoppe kiyidosona; aissi giikko, eti nu bagga gidiyaabaa gidiyaakko, nu giddon de7ana; shin etappe ooninne nu bagga gidennaagee erettana mala, nu giddoppe kiyidosona.

Naa77antto Yohaannisa 1:8

Intte oottidoogau kumetta woituwaa ekkanaappe attin, intte oottidoogaa bashshenna mala, inttena naagite.

Yihudaa 1:12

Hegeeti siiquwan gibiraa intte miyoosan inttenaara yashshi bainnan miyo wode, qita mala. Eti bantta xalaalaa naagoosona. Eti carkkoi efiyo iri bainna shaara mala; qassi eti boniyan aifiyaa aifenna, xaphuwaara shodettidi, muleera melida mitta mala.

Ajjuutaa 2:10

Neeni waayettana waayiyau yayyoppa. Be7a, xalahe halaqai intteppe amaridaageeta xomoosanau qasho keettan yeggana; tammu gallassa gakkanaassi intte waayettana. Haiqqana gakkanaassikka ammanettidaagaa gida; taani neeyyo de7o akiliiliyaa immana.

Ajjuutaa 3:11

Taani eesuwan yaana; ooninne ne akiliiliyaa ekkenna mala, neeyyo de7iyaabaa mintta oiqqa.

Sameela Maxaafaa Koiruwaa 15:11

“Taani Saa7oola kawo kessidoogau azzanais; aissi giikko, Saa7ooli tana kaalliyoogaa aggiis; ta azazuwaa oottibeenna” yaagiis. Yaagin Sameeli metootiis; metootidi he qamma kumettaa GODAAKKO waassiis.