Hizqqeela 17:15 - Wolaytta Bible

¹⁵ SHin Yihudaa kawoi makkali denddidi, paratanne daro olanchchata yeddanaadan, Gibxxe kiittiis. Ayyo hegee hananddeeshsha? Hagaa malabaa oottidaagee i bau kessi ekkanddee? Qassi maachchaa kanttidi, i bau kessi ekkanddee?

Hizqqeela 17:15 Iomraidhean Croise

Kawotu Maxaafaa Naa77anttuwaa 24:20

GODAI hanqqettido gishshau, Yerusalaame asaa bollinne Yihudaa asaa bolli hagee haniis; wurssettan eta i ba sinttappe diggiis. Sedeqiyaasi Baabiloone kawuwaa bolli makkaliis.

Hanidabaa Odiya Naa77antto Maxaafaa 36:13

Sedeqiyaasi ammanettanaadan bana Xoossaa sunttan caaqettida Naabukadanaxoora bolli makkaliis. GODAAKKO Israa7eela Xoossaakko simmiyoogaa aggidi, ba morggiyaa zozzissiis; ba wozanaakka muumissiis.

Mazamure Maxaafaa 55:23

SHin Abeet Xoossau, neeni iita asata ciimma ollan duge olana. Suuttaa gussiyaageetinne cimmiyaageeti bantta daana laittau baggaanne de7okkona; shin taani nenan ammanettana.

Mazamure Maxaafaa 56:7

Eta iitatettaa gishshau, eta yeddoppa; ne hanqquwan he asata ziqqi ootta.

Leemiso Maxaafaa 19:5

Worddo markki qaxxayettennan beenna; wordduwaa haasayiyaageetikka kessi ekkokkona.

Isiyaasa 36:5

Neeni coo mela, 'Olaa olettanau taayyo aadhdhida erainne wolqqai de7ees' yaagaasa. SHin neeni oonan ammanettada ta bolli hagaa makkaladii?

Ermmaasa 32:4

Yihudaa Kawoi Sedeqiyaasi Baabiloonetu kushiyaappe kessi ekkenna; i tumaappe Baabiloone kawuwaa kushiyan gelana. I a sinttan eqqidi, aara haasayana; i a ba aifiyan be7ana.

Ermmaasa 34:3

Neeni a kushiyaappe kessa ekkakka; neeni omoodettananne ayyo aadhdha imettana. Neeni ne aifiyan Baabiloone kawuwaa be7ana; ikka nenaara haasayana. Hegaappe guyyiyan, neeni Baabiloone biitti baana” yaagees.

Ermmaasa 38:18

SHin neeni etassi kushiyaa immennan ixxikko, ha katamaa Baabilooneti omooddana; eti a xuuggana; neenikka etappe kessa ekkakka' yaagees” yaagiis.

Ermmaasa 38:23

Qassi ne keettaayetinne ne naati ubbai Baabiloonetun omoodettidi baana. Neenikka eta kushiyaappe kessa ekkakka; Baabiloone kawoi nena oiqqana. Ha katamaikka taman xuugettana” yaagiis.

Ermmaasa 52:3

GODAI Yerusalaame asaa bollinne Yihudaa asaa bolli hanqqettido gishshau, wurssettan eta ba sinttappe diggiis. Sedeqiyaasi Baabiloone kawuwaa bolli makkalidi denddiis.

Hizqqeela 17:18

I caaquwaa kariis; maachchaa kanttiis. I ba kushiyaakka immidi, ba giidoogaa polibeenna. Hegaa gishshau, au kessi ekkiyoosi baawa.

Hizqqeela 17:7

“'“Hegaadankka, lo77iya baalletinne gita gita qefeti de7iyo hara issi argganttai de7ees. Haattaa demmana giidi, he turai ba tokettidosaappe he argganttai de7iyoosaakko, ba xaphuwaanne ba daashshaa yeddiis.

Hizqqeela 17:9

“Etayyo neeni hagaadan yaaga; 'Ubbaa Haariya GODAI hagaadan yaagees; “He turai diccanee? Koiro a tokkida argganttai a shoddennee? SHoddidi a aifeta qoqqofidi, a irxxa haittata melissennee? A he sohuwaappe xaphuwaara pude shoddanau gita wolqqaa, woikko daro asaa koshshenna.

Hizqqeela 21:25

“Nenoo iitanne tuna gidida Israa7eela halaqau, ne wurssetta pirddaa gallassai gakkiis.

Hizqqeela 21:28

“Laa asa na7au, hagaadan yaagada hananabaa yoota; 'Israa7eela cayiya Amoonatuyyo Ubbaa Haariya GODAI hagaadan yaagees; “Bisuwaa! Bisoi siifanau shoohuwaappe shodettiis; wurssanaunne wolqqanttaadan pholqqu gaanau qucettiis.

Hizqqeela 23:20

Eta attumatettai hariyaagaa mala, etappe kiyiya zerettaikka paraagaa mala gidido ba laggettota minttada siiqaasu.

Hizqqeela 29:16

Israa7eela asai naa77antto maado demmanau etan ammanettenna; Gibxxen ammanettidoogee ai keena moorokko Israa7eela asai akeekana. Taani Ubbaa Haariya GODAA gidiyoogaa eti hegan erana” yaagees' yaaga” yaagiiddi yiis.

Hizqqeela 29:7

eti nena oiqqido wode meqqada, eta kushiyaa caddadasa; eti nenan zemppido wode meqqada, eta zokkuwaa duuttadasa.

Maatiyoosa 23:33

“Ha shooshshatoo, shooshshaa naatoo, gaannabiyaa pirddaappe waanidi attuuteetii?

Zaarettido Wogaa 17:16

He kawoi paraa daruwaa shiishshanau bessenna; qassi asaikka paraa corayanau naa77antto Gibxxe simmanaadan oottoppo. Aissi giikko, GODAI, 'He ogiyaara naa77antto mulekka simmoppite' yaagiis.

Ibraawe 2:3

yaatin, nuuni ha gita atotettaa wudennaageeta gidikko, waanidi kessi ekkanee? Godai koiro ba huuphen ha atotettaa yootiis; qassi i yootidoogaa siyidaageeti nuuyyo geeshshidi yootidosona.

Yaasu Maxaafaa 9:20

SHin nuuni eta hagaadan oottana; nuuni etayyo caaqqido caaquwaa kaddin GODAA hanqqoi nu bollan wodhdhennaadan, eti paxa de7ona.