Hizqqeela 17:12 - Wolaytta Bible

¹² “Ha makkalanchcha asaayyo hagaadan yaaga; 'He leemisuwaa birshshettai aibakko erekketii? Hegee aibee giikko, Baabiloone kawoi Yerusalaame yiidi, eta kawuwaanne eta halaqata omooddidi, Baabiloone efiis.

Hizqqeela 17:12 Iomraidhean Croise

Kawotu Maxaafaa Naa77anttuwaa 24:20

GODAI hanqqettido gishshau, Yerusalaame asaa bollinne Yihudaa asaa bolli hagee haniis; wurssettan eta i ba sinttappe diggiis. Sedeqiyaasi Baabiloone kawuwaa bolli makkaliis.

Kessaabaa 12:26

Intte naati inttena, 'Ha bonchcho baalaa birshshettai aibee?' yaagidi oichchiyo wode,

Isiyaasa 1:2

Salotun de7iyaageetoo, siyite; sa7an de7iyaageetoo, ezggite; aissi giikko, GODAI hagaadan yaagiis; “Taani naata dichcha gattaas; shin eti taayyo makkalidosona.

Isiyaasa 3:2

Kattaa minjjaanne haattaa minjjaa ubbaa, minotanne olanchchata, daannatanne hananabaa yootiyaageeta, kaayiyaageetanne cimata,

Isiyaasa 39:7

Qassi neeyyo yelettana, ne ashonne ne suutta gidiya, ne attuma zaretuppekka omoodettidi baana; biidi Baabiloone kawo keettan mureessa gididi oottana' yaagees” yaagiis.

Ermmaasa 34:21

“Taani Yihudaa Kawuwaa Sedeqiyaasanne a halaqatakka eta morkketu kushiyan, eta woranau koyiyaageetu kushiyaaninne inttena oliyoogaa aggida Baabiloone kawuwaa olanchchatu kushiyan aattada immana.

Ermmaasa 37:1

Baabiloone Kawoi Naabukadanaxoori Yo7aqeema na7aa Yo7aakiina sohuwan Yoosiyaasa na7aa Sedeqiyaasa Yihudaa biittan kawoyiis.

Ermmaasa 52:3

GODAI Yerusalaame asaa bollinne Yihudaa asaa bolli hanqqettido gishshau, wurssettan eta ba sinttappe diggiis. Sedeqiyaasi Baabiloone kawuwaa bolli makkalidi denddiis.

Hizqqeela 1:2

Kawoi Yo7aakiini omoodettoosappe ichchashantta laittan, ichchashantto aginan,

Hizqqeela 17:11

Hegaappe guyyiyan, GODAA qaalai taakko hagaadan yaagiiddi yiis;

Hizqqeela 17:3

Hagaadan yaaga; 'Ubbaa Haariya GODAI hagaadan yaagees; “Lo77iya baalletinne gita gita qefeti de7iyo issi argganttai de7ees. He argganttai Liibaanoosa yiis; yiidi zigaa xeeran uttiis.

Hizqqeela 2:8

“SHin, asa na7au, taani neeyyo yootiyoogaa siya! He makkalanchchatudan, neenikka makkalanchcha gidoppa; ne doonaa dooyada, taani neeyyo immiyoogaa ma” yaagiis.

Hizqqeela 24:19

Yaatin, asai tana, “Ha neeni oottiyoogaayyo birshshettai aibakko nuussi aissi yootikkii?” yaagidi oichchiis.

Hizqqeela 3:9

Taani ne som77uwaa salo giyo shuchchaappe aaro minniya shuchchaa oottana. Eti makkalanchcha asa gidikkokka, etayyo yayyoppa; woikko etayyo shabbirettoppa” yaagiis.

Hizqqeela 37:18

“Ne biittaa asai nena, 'Hagee neeni oottiyoogee aibee? Nuuyyo birshshettaa oda' yaagidi oichchiyo wode,

Maatiyoosa 13:51

“Hagee ubbai intteyyo gelidee?” yaagidi eta oichchiis. Eti, “Ee” yaagidosona.

Maatiyoosa 16:11

Taani inttena Parisaawetu irshshuwaappenne Saaduqaawetu irshshuwaappe naagettite giyoogaappe attin, oittabaa intteyyo haasayabeennaagaa intte waanidi akeekekketii?” yaagiis.

Marqqoosa 4:13

Yesuusi eta, “Ha leemisuwaa erekketii? Yaatin, leemiso ubbaa waati eruuteetii?

Luqaasa 9:45

SHin i giyoogaa eti akeekibookkona; eti akeekenna mala, etappe yohoi geemmiis. He yohuwaa a oichchanau yayyoosona.

Yesuusi Kiittidoogeetu Oosuwaa 8:30

Yaagin Piliphphoosi woxxidi, hananabaa yootiya Isiyaasa maxaafaa mureessai nabbabishin siyidi a, “Neeni nabbabiyoogaa akeekai?” yaagiis.

Zaarettido Wogaa 6:20

“Sinttappe intte naati, 'GODAI nu Xoossai inttena azazido ha wogaa, awaajuwaanne higgiyaa birshshettai aibee?' yaagidi inttena oichchiyo wode,

Yaasu Maxaafaa 4:21

Essidi Israa7eela asaa hagaadan yaagiis; “Wodeppe intte zareti bantta aawata, 'Ha shuchchati aibabee?' yaagidi oichchiyo wode,

Yaasu Maxaafaa 4:6

Ha shuchchati GODAI hachchi oottidobaa inttena hassayissiya malaata gidona. Wodeppe intte naati inttena, 'Ha shuchchati aibabee?' yaagidi oichchiyo wode,