Hizqqeela 16:7 - Wolaytta Bible

⁷ Taani nena shooqan de7iya kattaadan dichchaas. Neeni dicca aduqqada, gamma gakkadasa. Ne xanttai uttiis; ne binnaanaikka dicciis; shin neeni kallo attadasa.

Hizqqeela 16:7 Iomraidhean Croise

Doomettaabaa 22:17

taani nena tumu anjjana; ne zerettaakka taani saluwaa xoolinttiyaa keenanne abbaa doona shafiyaa keeni oottada corayana. Ne zerettati bantta morkketu katamata laattana.

Iyyooba Maxaafaa 1:21

hagaadan yaagiis; “Taani ta aayee uluwaappe kallo yelettaas; haiqqiyoodekka taani ekkada biyoobi baawa. GODAI immiis; GODAI zaaridi ekkiis. GODAA sunttai galatetto” yaagiis.

Mazamure Maxaafaa 135:4

GODAI Yaaqooba ba huuphessi, Israa7eela asaakka bau buzo oottidi dooriis.

Mazamure Maxaafaa 147:20

I hara kawotettaa asaassi hagaa oottibeenna; eti a pirddaa erokkona. GODAA galatite!

Mazamure Maxaafaa 148:14

A bagga gidiya, ayyo matattiya Israa7eela asati a galatana mala, i eta minttiis. GODAA galatite!

Kessaabaa 1:7

shin Israa7eela zerettai aifidosonanne keehi daridosona; he biittaa kumana gakkanaassi eti keehi corattidosona.

Kessaabaa 12:37

Israa7eelati Raamisa giyo katamaappe denddidi Sukkota giyo sohuwaa tohuwan hemettidi biidosona. Asai naatanne maccaasaa gujjennan qoodin, usuppun xeetu sha7a.

Kessaabaa 3:22

Ibraawe maccaasi ubbai ba Gibxxe shooreekkonne ba son de7iya Gibxxe maccaasai oona gidinkka ikko biidi, bira miishshata, worqqa miishshatanne attuma naatinne macca naati maayana maayota 'Immite' giidi oichchana. Hegaadan oottidi intte Gibxxetu aquwaa bonqqana” yaagiis.

Siiquwaa Sabaa 4:5

Ne xanttati naa77ai mentte yelettida, woraa ciishshaa giddon miya genessa marata milatoosona.

Siiquwaa Sabaa 8:10

“Hekko taani dirssa gimbbe; ta xanttaikka gimbbiyaa bolli gimbbettida wochchiyoosaa; hegaa gishshau, taani ta siiquwaara de7iyo wode, i tanan ufaittees.

Siiquwaa Sabaa 8:8

“Nuuyyo tiran xanttai uttibeenna michchiyaa de7ausu; azini o oichchikko, nuuni iyyo oottanabi aibee?

Isiyaasa 61:10

Taani GODAN keehippe ufaittais; ta shemppiyaakka ta Xoossan hashshu gausu. Aissi giikko, bullachchiyaagee ba huuphiyan ciishsha akiliiliyaa wottiyoogaadan, bullashettiyaarakka dumma dumma alleequwan alleeqettiyoogaadan, i tana atotettaa maayuwaa maizziis; xillotettaa qumaashshaakka bollaara taayyo gujjiis.

Isiyaasa 62:3

Neeni GODAA kushiyan lo77ida akiliilenne kawotettaa kallachcha mala gidana.

Hizqqeela 16:16

Ne maayuwaappe amaridaagaa ekkada, ne goinniyo sohota alleeqissadasa; yaatada yan shaaramuxadasa. Hegaa mala hanotai hagaappe kase hanibeenna; hagaappe sinttanaukka hananau bessenna.

Hizqqeela 16:22

Neeni tunatettaaninne ne shaaramuxan ubban de7aidda, kase ne yelagatettaa laittaa, kallo ne suuttan murqquuqada, zohettido wodiyaa dogadasa.

Hizqqeela 16:6

“'“Hegaara taani kanttaidda, neeni ne suuttaa giddon murqquuqada zohettishin be7aas; be7ada neeni ne suuttaa giddon zin77idosan de7ishin, “Paxa de7a” yaagaas.

Hoose7a 2:3

Hegee xayikko, a yelettido gallassaadan, taani o xiire kallo ashshana. Qassi melida bazzo biittaadan o oottana; taani o saamuwan worana.

Yesuusi Kiittidoogeetu Oosuwaa 7:17

“SHin Xoossai Abrahaamassi immana giidoogee polettiyo wodee gakkana matin, Yooseefa erenna hara kawoi Gibxxe biittan denddana gakkanaassi, asai dari dari biis.

Zaarettido Wogaa 1:10

GODAI intte Xoossai intte qoodaa saluwaa xoolinttiyaadan darissiis.

Zaarettido Wogaa 1:11

GODAI intte aawatu Xoossai, inttena hagaappe sha7utoo gujjidi darissonne i giidoogaadan inttena anjjo.

Zaarettido Wogaa 4:8

Taani hachchi intte sinttan wottiyo ha higge ubbaadan xillo gidida awaajoinne higgee de7iyo hara ai gita kawotetti de7ii?