Hizqqeela 16:49 - Wolaytta Bible

⁴⁹ Ne michchiyaa Sadooma oottido nagarai hagaa: anne i macca naati otoranchcha, kallidaageetanne ishaluwan de7iyaageeta gidikkonne, eti metootanchchaanne hiyyeesaa maaddibookkona.

Hizqqeela 16:49 Iomraidhean Croise

Doomettaabaa 13:10

Yaagin Looxee yuuyi aadhdhi xeellidi, Yorddaanoosa SHaafaa wombbai ubbai biidi Zoo7aara gakkanaassi, GODAA gannatiyaa woikko Gibxxe biittaa mala daro haattai de7iyoogaa gidiyoogaa be7iis. (Hegeenne GODAI Sadoomanne Gamoora geetettiya katamata xaissanaappe kase).

Doomettaabaa 13:13

He wode Sadooma asati iitanne GODAA bolli pala nagaraa oottiyaageeta.

Doomettaabaa 18:20

Yaagidi GODAI Abrahaama, “Sadoomappenne Gamoorappe waassiyo waasoi keehi darido gishshaunne eta nagarai keehi deexxido gishshau, eti oottidobi taakko gakkida waasuwaa keesa iitakkonne be7anau ane taani duge wodhdhais; hegaa mala iita gidana xayikkonne erana” yaagiis.

Doomettaabaa 19:24

GODAI he wode tamaanne eexxiya dinniyaa Sadoomanne Gamoora bollan GODAA matappe saluwaappe bukissi bayiis.

Doomettaabaa 19:9

Yaagin asati a, “Nu sinttappe kichcha!” yaagidosona; qassikka eti, “Ha bitanee ha biittan bete gididi yiidi, ha77i nu bolli pirddanau kajjeelees! Ha77i nuuni nena etau qoppidoogaappe iitaa oottana baawee!” yaagidosona. Yaagidi eti Looxa guyye sugi yeggidi penggiyaa menttanau shiiqidosona.

Mazamure Maxaafaa 138:6

GODAI bolla xoqqan de7ikkokka, hiyyeesata keha aifiyan xeellees. SHin otoranchchata i haahuwan erees.

Leemiso Maxaafaa 16:18

Otoruwaa geeduwaa bashshai kaallees; ayyuwaa geeduwaakka kunddettai kaallees.

Leemiso Maxaafaa 16:5

GODAI otorettiya ubbaa shenetees; eti qaxxayettennan attokkona.

Leemiso Maxaafaa 18:12

Asi kunddanaappe kase a wozanai otorettees; bonchchettiyoogaappekka ba huuphiyaa ziqqi oottiyoogee sinttatees.

Leemiso Maxaafaa 21:13

Hiyyeesaa waasuwaa siyanaappe giidi, ba haittaa tucciya uri, ikka waassana; waassin alliyaabai xayana.

Leemiso Maxaafaa 21:4

Iitati otorettiyoogaaninne ayyiyoogan erettoosona; hegeekka nagara.

Isiyaasa 1:10

Inttenoo, Sadooma haariyaageetu malatoo, GODAA qaalaa siyite! Inttenoo, Gamoora asaa malatoo, nu Xoossaa higgiyaa ezggite!

Isiyaasa 16:6

Yihudaa asai hagaadan yaagana; “Moo7aaba biittaa asai ai keenaa otorettiyaakko, nu eta otoruwaabaa siyida; eta ayyuwaanne eta cashshaakka siyida; shin eta otoroi hada” yaagana.

Isiyaasa 3:9

Eta som77uwaa merai eta bolli markkattees; eti bantta nagaraa Sadooma asaadan awaajjoosona; bantta nagaraa qottokkona. Etau aayye7ana! Aissi giikko, eti bantta bolli iitabaa ehiidosona.

Isiyaasa 47:8

“Nenoo woppu gaada uttidaareenne ishaluwaa dosiyaaree, siya. Ne wozanan, 'Tana; taappe attin, hari baawa. Taani am77e kiyikke; woikko yelada na7i bainna maine gidikke' yaagadasa.

Ermmaasa 48:11

“Moo7aabi yelagatettaappe doommidi, ishaluwan de7ida asa mala; i hara biittau omoodettibeenna. Moo7aabi baattaappe baattau tigettennaaninne qaaxxennan, mal77oi laamettennaaninne sawoi aggennan, uttidi de7i bayida woine eessaa mala.

Hizqqeela 16:46

Ne baira michchiyaa ba macca naatuura neeppe huuphessa baggaara de7iya Samaariyo; qassi neeppe kaalo michchiyaa ba macca naatuura neeppe tohossa baggaara de7iya Sadoomo.

Hizqqeela 18:12

i hiyyeesaanne manqquwaa huqqunnees; i asabaa bonqqees; acuwaassi oiqqidobaa zaarenna; eeqaukka goinnees; tunabaakka oottees;

Hizqqeela 18:16

i oonanne huqqunnana xayikko, acuwaassi oiqqidobaa guyye zaarikko, i asabaa bonqqana xayikko, bau de7iyaabaappe namisettidaageeta mizikko, kallottidaageetakka maizzikko,

Hizqqeela 18:7

oonanne huqqunnana xayikko, acuwaassi oiqqidobaa guyye zaarikko, issi uraanne bonqqana xayikko, bau de7iyaagaappe namisettida asa mizikko, kallottidaagaa maizzikko,

Hizqqeela 23:42

Hirggi bainna asaa cenggurssai intte achchan siyettees; mattottidaageetikka maari bainna asaara bazzoppe yiidosona. Yiidi intte kushiyan sagaayota wottidosona; qassi lo77iya kallachchatakka intte huuphiyan goxxidosona.

Hizqqeela 28:17

Neeni puulanchcha gidiyo gishshau, daro otorettadasa; ne bonchchuwaa gaasuwan, ne aadhdhida eraa tunissadasa. Hegaa gishshau, taani nena sa7an olaas; hara kawoti nena qilliiccanaadan oottaas.

Hizqqeela 28:2

“Laa asa na7au, Xiiroosa halaqaayyo hagaadan yaagada yoota; 'Ubbaa Haariya GODAI hagaadan yaagees; “Ne wozanai otorettido gishshau, 'Taani xoossa; taani abbaa giddo ginan, xoossatu araatan uttaas' yaagadasa. Neeni, 'Taani xoossadan, aadhdhida eranchcha kiyaas' gaada qoppikkonne, neeni asappe attin, xoossa gidakka.

Hizqqeela 28:9

Yaatin, nena worana haniyaagaa sinttan neeni, 'Taani xoossa' guutee? Nena woriyaageetu kushiyan neeni asappe attin, xoossa gidakka.

Hizqqeela 29:3

Hagaadan yaaga; 'Ubbaa Haariya GODAI hagaadan yaagees; “Nenoo, Naile SHaafaa giddon zin77ida, keehi gitanne yashshiya do7au, 'Naile SHaafai taagaa; a medhdhidai tana' yaagiya Gibxxe kawuwau, taani neeyyo morkke!

Daaneela 4:30

hagaadan yaagiis; 'Hagee ta kawo keettai an de7ana mala, taani ta gita wolqqan, ta gitatettaa bonchchuwaassi gimbbissido Baabiloone katamaa gitaa gidennee?' yaagiis.

Daaneela 4:37

“Ha77i simmi taani Naabukadanaxoori saluwaa Kawuwaa galatais; a xoqqu xoqqu oottaisinne bonchchais. Aissi giikko, i oottiyoobai ubbai likke; a ogeti ubbaikka xillo; qassi otoruwan biyaageeta i kaushshanau danddayees” yaagidi xaafiis.

Daaneela 5:23

Qassi Saluwaa Godaa bollan otorettada, ne huuphiyaa xoqqu xoqqu oottadasa. A Beeta Maqidasiyaappe bonqqiyan yiida worqqa miishshata neeni ehiissin, ne oosanchchati, ne keettaayetinne ne baakkoti woiniyaa eessaa etan uyidosona. Qassi xeellanau, siyanaunne eranau danddayenna xoossata, biraappe, worqqaappe, nahaasiyaappe, birataappe, mittaappenne shuchchaappe oosettidaageeta galatadasa. Ne shemppuwaanne ne gelaa kessaa ba kushiyan oiqqida Xoossaa bonchchabaakka.

Abddiyyu 1:3

Nenoo, zaallaa kooppuwaa giddon de7iyaagoo, ne keettaa xoqqa deretu bollan keexxidaagoo, qassi ne wozanan, 'Tana hagaappe duge ooni wottii?' yaagiyaagoo, nena ne wozanaa otoroi cimmiis.

Luqaasa 17:28

“Qassi Looxe wode hanidoogaadankka hegaadan hanana; eti moosona, uyoosona, shammoosona, baizzoosona, kattaa zeroosona, keettaakka keexxoosona.

Luqaasa 21:34

“SHin muussan, ushshan, mattooninne aqossi hirggiyooban intte wozanai balenna mala, qassi intte qoppennan he gallassai intte bolli yeennaadan, inttena naagite.

Zaarettido Wogaa 32:15

“Yaanidi Israa7eeli orddiis; makkaliis; mii miidi, boborcciis. Bana medhdhida Xoossaa aggiis; ba Atotettaa Zaallaa bollankka qilliicciis.

Yaaqooba 5:5

Intteyyo injjetin, sa7an ishalidi de7ideta; shuha gallassau xiikkiyoogaadan, intte bollaa xiikkideta.

Koiro PHeexiroosa 5:5

Hegaadankka yelaga asatoo, cimatuyyo haarettite. Ubbaikka issoi issuwau oottanau intte huuphiyaa kaushshiyoogaa afaladan maayite. Aissi giikko, Xoossai otorettiyaageeta ixxees; shin banttana kaushshiyaageetuyyo aaro kehatettaa immees.

Ajjuutaa 11:8

Eta Godai masqqaliyaa bollan misimaariyan xishettidi kaqettido katamaa wogga ogiyan eta ahai zin77ana. He katamai leemisuwan Sadooma woi Gibxxe geetettidi xeesettees.