Hizqqeela 16:43 - Wolaytta Bible

⁴³ “'“Neeni ne yelagatettaa laittaa dogada, ha iita ooso ubban tana hanqqetissadasa. Hegaa gishshau, tumaappe ne oottidobaa ubbaa taani ne bollan zaarana. Neeni ne tuna oosotu ubbaa bolli shaaramuxatettaa aibissi gujjadii? Taani Ubbaa Haariya GODAI hagaa odais.

Hizqqeela 16:43 Iomraidhean Croise

Mazamure Maxaafaa 106:13

Gidikkonne, eti i oottidoogaa sohuwaarakka dogidosona. A zoretaa naagennan bantta koyidoogaa oottidosona.

Mazamure Maxaafaa 78:40

Eti bazzon a bolli woqqutoo makkalidonaa! Mela bazzon woqqutoo lanccissidonaa!

Mazamure Maxaafaa 78:42

Eti a wolqqaabaa dogidosona; i eta morkketuppe wozido gallassaa, i Gibxxe biittan malaataa, Xo7aane Dembban maalaalissiyaabaa oottido wodiyaa hassayibookkona.

Mazamure Maxaafaa 95:10

Taani he yeletaa oitamu laittaa shenetaas; 'Eti ubba wode bantta wozanan baliya asa; eti ta ogiyaa eribokkona' yaagaas.

Isiyaasa 63:10

SHin eti makkalidosona; a Geeshsha Ayyaanaakka azzanissidosona. Hegaa gishshau, i simmidi, etau morkke gidiis; etaarakka olettiis.

Ermmaasa 2:32

Geela7iyaa ba alleequwaa woikko bullashettiyaara ba bullachchaa maayuwaa dogai? SHin ta asai tana qoodi bainna gallassaa dogiis.

Hizqqeela 11:21

SHin he sheneyiya misiliyaunne tuna eeqau goinnanau dosidaageeta gidikko, taani eta oosuwaadan eta oottana. Taani Ubbaa Haariya GODAI hagaa odais” yaagiiddi yiis.

Hizqqeela 16:22

Neeni tunatettaaninne ne shaaramuxan ubban de7aidda, kase ne yelagatettaa laittaa, kallo ne suuttan murqquuqada, zohettido wodiyaa dogadasa.

Hizqqeela 16:58

Ne shaaramuxatettaaninne ne tuna oosotun qaxxayettana. Taani GODAI hagaa odais” yaagees.

Hizqqeela 17:19

“'Hegaa gishshau, taani Ubbaa Haariya GODAI ta de7uwan caaqqais; i karido ta caaquwaanne i kanttido ta maachchaa taani a bolli zaarada ehaana.

Hizqqeela 22:31

Hegaa gishshau, ta hanqquwaa eta bolli gussana; taani ta hanqquwaa taman eta xaissana; taani eti oottido oosuwaa eta bolli zaarana. Taani Ubbaa Haariya GODAI hagaa odais” yaagiiddi yiis.

Hizqqeela 6:9

Kessi ekkidi attidaageeti yan omooduwan de7ana. Yan de7iyo wode, eti tana hassayana; qassi eeqau goinniyoogaaninne iitaa oottiyoogan eti tana azzanissidoogaa akeekana. Eti bantta oottido iita oosuwaappenne eta yeellayiya hanotaappe denddidaagan, banttarkka banttana shenetana.

Hizqqeela 9:10

Hegaa gishshau, taani etayyo qarettikkenne etappe issuwaanne ashshikke. Taani etayyo eta oosuwaadan oottana” yaagiis.

Daaneela 9:13

Muuse Higgiyan xaafettidoogaadan, ha bashshai ubbai nu bolli gakkiis. Gakkinkka nu nagaraappe simmibookko; ne tumaa ezggibookko; nena, GODAA nu Xoossaakka maarotaa oichchibookko.

Daaneela 9:14

GODAI ha bashshaa nu bollan ehaanau guyye gibeenna; aissi giikko, GODAI nu Xoossai ba oottiyooban ubban xillo; shin nuuni ayyo azazettennan ixxida.

Amoxa 2:13

“Be7ite, kattaa darissidi caanido gaaree me77iyoogaadan, taani inttena menttana.

Yesuusi Kiittidoogeetu Oosuwaa 7:51

“Intte aiba morgge zozzida asee? Intte wozanai Xoossaa qaalaa ekkanau aiba dammidee? Intte haittaikka aiba tullidee? Ubba wode Geeshsha Ayyaanaassi azazettennan ixxeeta.

Efisoona 4:30

Xoossai inttena woziyo gallassau intte parametti uttido Xoossaa Geeshsha Ayyaanaa azzanissoppite.

Zaarettido Wogaa 32:21

Xoossa gidennaban tana mishissidosona; bantta eeqatun tana hanqqetissidosona. Taanikka eta zare gidennaageetun mishissana; eeyya asa zaretun taani eta hanqqetissana.