Hizqqeela 16:13 - Wolaytta Bible

¹³ Neeni worqqaaninne biran alleeqettadasa; ne maayoi ubbai payya liinuwaa, al77o kutaanne alleeqo qamise. Ne miyo qumai muruta xiilliyaa, eessaanne zaitiyaa. Neeni keehi puulanchcha gidada, kawiyo kiyanau denddadasa.

Hizqqeela 16:13 Iomraidhean Croise

Doomettaabaa 17:6

Taani nena keehi yeletissana; taani neeppe kawotettata medhdhana; kawotikka neeppe kiyana.

Sameela Maxaafaa Naa77anttuwaa 8:15

Hegaadan oottidi, Daawiti Israa7eela ubbaa bolli kawotiis; kawotidi ba asaa ubbaa xillotettaaninne suure pirddan aissiis.

Kawotu Maxaafaa Koiruwaa 4:21

Solomoni Efiraaxiisa SHaafaappe doommidi Pilisxxeema biittaa gakkanaashin, hegaappekka Gibxxe zawaa gakkanaashin de7iya kawotettata ubbaa haariis. He biittaa asati au giiraa giiridosona; eti a de7o laitta ubban ayyo haarettidosona.

Izira Maxaafaa 4:20

Yerusalaamen wolqqaama kawoti kawotidosona; Efiraaxiisa SHaafaappe Arggo Bagga Biittaappekka he kawoti giiraanne qaraxaa ekkidosona.

Izira Maxaafaa 5:11

“Oichchin, eti hagaadan yaagidi zaaridosona; 'Nuuni saluwaanne sa7aa Xoossaa ashkkarata; qassi nuuni Israa7eela kawuwaa gitai daro laittaappe kase baggan keexxi polido Beeta Maqidasiyaa zaaretti keexxeettees.

Iyyooba Maxaafaa 29:6

Taani ta kushiyaa maattan meecettaas; ta gaacciyo woxaappekka zaitee shaafaadan goggiis.

Mazamure Maxaafaa 147:14

I ne zawaa sarotettan naagees; nena keehippe lo77iya gisttiyaa kalssees.

Mazamure Maxaafaa 48:2

Xoossaa dere gidiya Xiyoonee xoqqanne lo77o. He gita kawuwaa katamai sa7a ubbaassi ufaissa.

Mazamure Maxaafaa 50:2

Merai kumetta lo77o gidiyo Xiyooneppe Xoossai poo7ees.

Mazamure Maxaafaa 81:16

Taani inttena lo77o gisttiyaa mizana shin; qassi eessaa shuchchaa kooppuwaappe kalissana shin” yaagees.

Isiyaasa 64:11

Nu aawati nena galatido geeshshanne lo77o gidida nu Beeta Maqidasee taman xuugettiis; qassi nu lo77o sohoti ubbaikka moorettidosona.

Ermmaasa 13:20

Qassikka GODAI, “Ane xoqqu gaada, huuphessa baggaappe yiyaageeta xeella. Neeyyo imettida wudee, neeni ceeqettido dorssati awan de7iyoonaa?

Ermmaasa Zilaassaa 2:15

Ne mataara aadhdhiya ubbai ba biradhdhiyaa ne bollan dukkees. Qassi, “Biittan sa7an ubbaappe aadhdhada lo77iya katamiyaa hannii? Kumetta biittau ufaissa geetettida katamiyaa hannii?” yaagidi nena baceessees; ba huuphiyaakka qaattees.

Hizqqeela 16:10

Taani nena alleeqo qamisiyaa maizzaas; qassi lo77o galbbaappe oosettida caammaakka wotissaas; qassi liinuwaa shaashiyaakka nena qacissaas; qassi al77o kutaakka qumaashshaas.

Hizqqeela 16:17

Taani neeyyo immido worqqaappenne biraappe oosettida lo77o alleequwaa, attuma misileta oottada medhdhadasa; yaatada etaara shaaramuxadasa.

Hizqqeela 16:19

Qassi taani neeyyo immido qumaa, muruta xiilliyaa, zaitiyaanne eessaa eta sinttan sawuwaa tonggu giya yarshsho oottada shiishshadasa. Taani Ubbaa Haariya GODAI hagaa odais.

Hizqqeela 23:40

“Hegaadankka qassi, eti haahosaappe attumaasati yaanaadan, asa kiittidosona; kiittin etikka yiidosona. Yin intte naa77u michcheti intte bollaa meecettideta; intte aifiyaakka qalamiyaa tiyideta; alleequwaakka wottideta.

Hizqqeela 27:16

“'“Ne duretettaa daruwaa gaasuwan, Sooriyaa asatikka nenaara zal77idosona; eti maata milatiya inqquwaa, zo7o inqquwaa, yeleelluwaappe oosettida alleequwaa, ochchaa teeraa milatiya carqqiyaa, lee7e liinuwaanne alleequwaa sikkido maayuwaa immidi, ne miishshaara laammidosona.

Hoose7a 2:5

Eta aayyiyaa shaaramuxaasu; eta ba uluwan tookkidaara kaushshabaa hanaasu. Waanada giikko, a, 'Taani ta kattaanne ta haattaa, ta suufiyaanne ta liinuwaa, ta zaitiyaanne ta ushshaa taassi immiya ta laggettota kaallada baana' yaagaasu.

Zaarettido Wogaa 8:8

He biittai gistteenne banggai, woinee, balaseenne roomaanee, wogaraa zaiteenne eessai kumido biitta.

Sameela Maxaafaa Koiruwaa 10:1

He wode Sameeli tigiyoobaara zaitiyaa ekkidi, Saa7oola huuphiyan tigiis; tigidi Saa7oola yeridi, hagaadan yaagiis; “Ba asaa Israa7eela haarana mala GODAI nena tiyiis gidennee? Neeni a asaa kaalettada, eta yuushuwan de7iya morkketu kushiyaappe eta ashshana. A asaa neeni haarana mala, GODAI nena tiyidoogau malaatai hagaa.

Sameela Maxaafaa Koiruwaa 12:12

“Amoona asatu Kawoi Naa7oosi inttekko yiidoogaa be7ido wode, GODAI intte Xoossai intte kawo gidikkokka, intte tana, 'CHii, nuuni nuna haaranau kawo koyoos' yaagideta.