Hizqqeela 14:4 - Wolaytta Bible

⁴ Hegaa gishshau, neeni etayyo hagaadan yaagada yoota; 'Ubbaa Haariya GODAI hagaadan yaagees; “Israa7eela asaappe ooninne eeqaa ba wozanan wottikko, a nagarai ayyo xubbiya shuchcha mala gidikko, qassi hananabaa yootiyaagaakko i biikko, taani GODAI ta huuphen a eeqatu coratettaadan ayyo zaarana.

Hizqqeela 14:4 Iomraidhean Croise

Kawotu Maxaafaa Naa77anttuwaa 1:16

Wodhdhidi i kawuwaayyo, “GODAI nena hagaadan yaagees; 'Neeyyo oichchanau Israa7eelan Xoossi xayiinee, neeni Eqiroona xoossaa Bi7eeli-Zeebula oichchanau asaa kiittidoogee? Neeni hagaa oottido gishshau, haiqqana! Ne zin77ido hiixaappekka denddakka' yaagees” yaagiis.

Isiyaasa 3:11

Iitatuyyo aayye7ana! Etau iitana; aissi giikko, eti bantta kushiyaa oosuwaa waagaa ekkana.

Isiyaasa 66:4

Hegaa gishshau, taani metuwaa etayyo doorana; eti yayyidobaakka taani eta bollan ehaana. Aissi giikko, taani xeesido wode, ooninne koyibeenna; taani haasayido wodekka ooninne ezggibeenna. Eti ta sinttan iitabaa oottidosona; taani ufaittennabaa dooridosona” yaagees.

Hizqqeela 14:3

“Laa asa na7au, ha asati bantta wozanan eeqaa essidosona; qassi eta nagarai etayyo xubbiya shuchchaa mala gidiis. Yaatin, taani eti tana oichchanaadan oottooyye?

Hizqqeela 14:6

“Hegaa gishshau, Israa7eela asaassi hagaadan yaagada oda; 'Ubbaa Haariya GODAI hagaadan yaagees; “Nagaraa paaxite! Intte eeqaappe simmite! Intte tuna ooso ubbaappekka simmite!

Hizqqeela 14:7

“'“Israa7eela asa gidin, woikko Israa7eela biittan de7iya allaga asa gidinkka, taappe shaahettidi, ba wozanan eeqaa wottikko, a nagarai ayyo xubbiya shuchchaa mala gidikko, qassi i ta zoriyaa oichchanau hananabaa yootiyaagaakko biikko, taani GODAI ta huuphen ayyo zaaruwaa immana.

Hizqqeela 2:7

Eti makkalanchcha zare gidiyo gishshau, siyin ixxin, ta qaalaa etau yoota.

Hizqqeela 3:4

Hegaappe simmidi, i tana hagaadan yaagiis; “Laa asa na7au, ha77i Israa7eela asaakko ba; baada ta qaalaa etayyo yoota.

Hizqqeela 44:12

SHin eti kase Israa7eela asaa eeqatussi goinissido gishshaunne asaa nagaran onggiya xube gidido gishshau, eti bantta nagaraa qixaatiyaa ekkanaadan, taani caaqqaas. Taani Ubbaa Haariya GODAI hagaa odais.

Sofonaasa 1:3

Taani asaanne mehiyaa, saluwaa kafotanne abbaa moletakka xaissana. Qassi taani iita asata aatta yeggana; asa zariyaakka biittaa bollappe xaissana” yaagees GODAI.