Hizqqeela 1:4 - Wolaytta Bible

⁴ Taani xeelliyo wode, gotee huuphessaara yiyaagaa be7aas; wolqqaama poo7oi gita shaaraa dooddi wottiis; he shaaraa giddoora wolqqanttai pozhzhu gees. Wolqqanttau giddo wozanai phooliya nahaasiyaa milatees.

Hizqqeela 1:4 Iomraidhean Croise

Kawotu Maxaafaa Koiruwaa 19:11

Yaagin GODAI a, “Hegaappe kiyada baada, deriyaa huuphiyan ta sinttan eqqa” yaagiis. Yaagin Eelaasi eqqidaashin GODAI a mataara kanttiis. He wode mino wolqqaama carkkoi deriyaa phalqqerettiis; zaallatakka kinchcherettiis; shin GODAI he carkkuwaa giddon baawa. Carkkuwaappe simmin biittai qaaxxiis; shin GODAI he biittaa qaattankka baawa.

Kawotu Maxaafaa Naa77anttuwaa 2:11

Hegaappe guyyiyan, eti issippe haasayiiddi hemettishin, tamaa paratinne eti goochchiyo tamaa gaaree akeekennan puttu giidi, eta naa77aappe gidduwan gelidi, shaakki bayiis. SHaakkin Eelaasi gotiyan saluwaa kiyiis.

Iyyooba Maxaafaa 38:1

Hegaappe guyyiyan, GODAI gotiyaa giddoppe Iyyoobassi hagaadan yaagidi zaariis;

Mazamure Maxaafaa 50:3

Nu Xoossai yaana; co77u geenna. Eexxiya tamai a sinttaana; wolqqaama gotee a yuushuwaana.

Kessaabaa 9:24

SHachchai wodhdhiis; wolqqanttai yaanne haanne wolqqammiis; Gibxxe biittan kawoi kawotoosappe doommin, Gibxxe biitta ubban wodhdhida shachcha ubbaappe hegee aadhdhiya iita shachcha.

Isiyaasa 19:1

Gibxxe biittaabaa GODAI hagaadan yaagees; “Be7ite, GODAI eesotiya shaaraa toggidi, Gibxxe yees. Gibxxe eeqati a sinttan kokkorana; Gibxxe asaa wozanaikka eta giddon seerana” yaagees.

Isiyaasa 21:1

Abbaa lanqqen de7iya bazzuwau odettida GODAA qaalai hagaa. Tohossa baggappe gotiyaa carkkoi suraggiiddi yiyoogaadan, bashshai bazzoppe, hanttaara biittaappe yees.

Ermmaasa 23:19

GODAA gotee, aatti yeggiya gaga hanqqoi hageeho kiyiis! I iita asatu huuphiyan eqqana.

Ermmaasa 25:32

Ubbaappe Wolqqaama GODAI, “Be7a, iitabai kawotettaappe kawotettau laalettees; sa7aa gaxaappe gaganttiya carkkoi denddees” yaagees.

Ermmaasa 25:9

taani huuphessa bagga asaa ubbaanne ta ashkkaraa, Baabiloone Kawuwaa Naabukadanaxoora xeegana. Xeegada eta ha biittaa bolli, ha biittan de7iya asaa bollinne hagaa heeran de7iya kawotettatu ubbaa bolli ehaana. Taani ha biittata muleera xaissana; qassi be7idai dagammiyoobaa, “Poora!” giyoobaanne merinau baisa oottana. Taani GODAI hagaa odaas.

Ermmaasa 4:6

Asai Xiyoone baana mala malaatite! Intteyyo saro attanau baqatite! Gam77oppite! Aissi giikko, taani huuphessa bagga biittaappe iitabaanne gita bashshaa ehais.

Ermmaasa 6:1

Qassikka GODAI, “Inttenoo, Biniyaama asatoo, intte shemppuwaa ashshanau baqatite! Yerusalaameppe kiyite! Taqo7a kataman malkkataa punnite! Beeti-Hakkareema giyoosan malaataa bessite! Aissi giikko, huuphessa baggappe iitabainne hanttaara bashshai yaana hanees.

Hizqqeela 1:27

Taani a be7iyo wode, a xeessaappe bolla baggai taman de7iya nahaasiyaa birataadan phoolees; qassi xeessaappe garssa baggai tamaa milatees; a yuushuwan phooliya poo7oi de7ees.

Hizqqeela 13:11

Hegaa gishshau, he tiyiyaageeta, 'He intte tiyido gimbbee kunddana! Wolqqaama irai bukkana; qassi taani GODAI ordde shachchaa duge yeggana; hanttaara goteekka denddana' yaagidi yootite.

Hizqqeela 13:13

“'Hegaa gishshau, Ubbaa Haariya GODAI hagaadan yaagees; “Taani ta hanqquwan hanttaara gotiyaa yeddana; qassi biittaa bashshanau ta yiilluwan ordde shachchaanne wolqqaama iraa suulliya hanqquwaara kiittana.

Hizqqeela 43:3

Taani be7ido ajjuutai kase GODAI Yerusalaame katamaa xaissanau yiido wode be7ido ajjuutaa milatees; qassi Kabaara SHaafaa matan taani be7ido ajjuutaakka milatees. Hegaa be7ada, taani ta som77uwaa biittaa gattada gufannaas.

Hizqqeela 8:2

Taani xeellada, asa milatiyaagaa be7aas; ayyo xeessaappe garssa baggai tamaa milatees; qassi xeessaappe bolla baggai phooliya nahaasiyaa birataa milatees.

Zakkaariyaasa 6:6

Karetta parati goochchiyo gaaree huuphessa bagga biitti bees; bootta parati goochchiyo gaaree arggo baggi bees; bure parati goochchiyo gaaree qassi tohossa baggi bees” yaagidi zaariis.

Ibraawe 12:29

Aissi giikko, nu Xoossai tumu bashshiya tama.

Ajjuutaa 1:15

A tohoikka coociyaa taman seeridi phooliya nahaase giyo birataa milatees; a cenggurssaikka gita shaafaa gunttaa mala.