Ermmaasa 9:5 - Wolaytta Bible

⁵ SHooroi shooruwaa cimmees; issoinne tumaa haasayenna. Eti bantta inxxarssaa wordduwaa haasayanau tamaarissi wottidosona. Eti nagaraa oottidi daafuroosona.

Ermmaasa 9:5 Iomraidhean Croise

Doomettaabaa 19:11

Hegaappe guyyiyan, eti keettaa penggen de7iya asaa, guuttaappe gitaa gakkanaassi qooqissi aggidosona. Yaatin eti penggiyaa demmanau koyiiddi daafuridosona.

Iyyooba Maxaafaa 11:3

Ne mela haasayai asaa co77u oottii? Neeni qilliicciyo wode, nena seeriyaabi baawa gaadiiyye?

Iyyooba Maxaafaa 15:5

Ne iitatettai ne haasayan erettees; ne cincca haasayai nena genttees.

Mazamure Maxaafaa 140:3

Eti bantta inxxarssaa shooshshaagaadan qarayoosona; eta doonaappe asa woriya shooshshaa yiishshaa mala haasayai kiyees.

Mazamure Maxaafaa 50:19

“Neeni ne doonaa iitabaa haasayanau birshsha yeddaasa. Ne inxxarssaikka wordduwaa haasayaa meezetiis.

Mazamure Maxaafaa 52:3

Neeni lo77uwaappe iitaa siiqaasa; qassi tumaa haasayiyoogaappe wordduwaa haasayiyoogaa dosaasa.

Mazamure Maxaafaa 64:3

Eti bantta inxxarssaa bisodan leefidosona; qassi marzze qaalata wonddafiyaa zubbiyaadan dukkanau giigissidosona.

Mazamure Maxaafaa 7:14

Iitatettaa shahaaridi, geniyaa abbe ixetidaagee, wordduwaa yelees.

Leemiso Maxaafaa 12:5

Xillotu qofai suure; shin iitatu zoree cimo.

Leemiso Maxaafaa 4:16

Aissi giikko, eti iitabaa oottana gakkanaashin, xiskkanau danddayokkona; eti asa xubbennan eta xiskkoi efeenna.

Isiyaasa 5:18

Cimo baqettan nagaraa, gaare wodoruwan iitatettaa goochchiyaageetuyyo aayye7ana!

Isiyaasa 57:10

Intte hara xoossata koyiiddi daafurideta; shin, 'Hidooti baawa' yaagibeekketa. Intte wolqqai haa ooraxxiis; hegaa gishshau, labbanidi kunddibeekketa.

Ermmaasa 12:13

Eti gisttiyaa zeridi, agunttaa cakkidosona. Eti daro daafuridosona; shin ainne worissibookkona. GODAA hanqquwaa teegaa gaasuwan eta kattai xayiis” yaagiis.

Ermmaasa 12:6

Ne ishati, intte so asati nena aattidi immidosona; eti nena iiggidosona. Hegaa gishshau, eti neeyyo lo77obaa haasayikkonne, etan ammanettoppa.

Ermmaasa 13:23

Tumu Toophphiyaa asi ba bollaa meraa, woikko maahee ba gazzatettaa laammanau danddayii? Danddayenna! Hegaadankka, iita oosuwaa ootti meezetidaageeti intte, lo77o oosuwaa oottanau mulekka danddayekketa” yaagiis.

Ermmaasa 4:22

GODAI hagaadan yaagees; “Ta asai eeyya; eti tana erokkona. Eti qofi bainna naata; etayyo akeeki baawa. Eti iitabaa oottanau eranchcha; shin lo77obaa oottanau erokkona” yaagees.

Ermmaasa 51:58

Ubbaappe Wolqqaama GODAI hagaadan yaagees; “Orddiyan gimbbettida Baabiloone yuushuwaa gimbbee sa7an belettana; a adussa penggetikka taman xuugettana. Asai oottidobai ubbai hada; kawotettatikka tami maanabau coo daafuroosona” yaagees.

Ermmaasa 51:64

Olada, '“Taani GODAI a bollan ehiyo iitaa gaasuwan, Baabilooneekka hagaadan naa77antto denddennaadan muukettana” yaagais' yaaga” yaagiis. Ermmaasi haasayido qaalai hagan polettiis.

Ermmaasa 7:28

Hegaa gishshau, Ermmaasaa, neeni etayyo hagaadan yaaga; 'GODAU ba Xoossau azazettenna woikko seerin simmenna kawotettai hagaa. Tumai xayiis; tumai eta inxxarssaappe bayiis.

Ermmaasa 9:3

GODAI hagaadan yaagees; “Ta asati bantta inxxarssan wordduwaa odanau ubba wode giigi uttidosona; eta biittan tumaa gishshaa worddoi minniis. Eti iitaappe iitau aadhdhoosona; tana erokkona” yaagees.

Ermmaasa 9:8

Eta inxxarssai woriya zubbe mala; eti an cimuwaa haasayoosona. Bantta doonan issoi issuwaassi saro qaalan haasayoosona; shin bantta wozanan piriyaa wottoosona.

Hizqqeela 24:12

He daafurai ubbai coo mela gidiis; a bollan de7iya daro shiyai harai atto, tamankka kichchibeenna.

Mikiyaasa 6:12

He katamaa dureti makkalan kumidaageeta; an de7iya asai ubbai worddanchcha. Eta doonaa giddon de7iya eta inxxarssaikka ba huuphiyau geella.

Mikiyaasa 6:3

GODAI eta hagaadan yaagees; “Ta asau, taani inttena waatidanaa? Taani intteyyo waanada tooho gididanaa? Ane taayyo odite!

Imbbaaqooma 2:13

Ubbaappe Wolqqaama GODAI asai oottiyoobai ubbai tama kaho gidanaadan, qassi kawotettati ubbai daafuriyoobai coo mela gidanaadan, qofaa qachchi wottiis.

Milkkiyaasa 2:10

Nuussi ubbaassi issi aawai de7ees gidenneeyye? Nuna issi Xoossai medhdhiis gidenneeyye? Yaatin, nuuni nu maizza aawatu maachchaa koliyoogan issoi issuwaassi aissi ammanettennan ixxiyo?

Efisoona 4:25

Simmi worddotoppite. Nuuni ubbai Kiristtoosa asatettan issi asa gidiyo gishshau, asai ubbai ba ishau tumaa haasayanau bessees.

Koiro Ximootiyoosa 4:2

Hagaa mala timirttee zoriya wozanai taman bonqqida biratan xuuggidobaadan donjjillida worddanchcha asatu baggaara yiis.

Daannatu Maxaafaa 2:10

He yeleta ubbai haiqqidi ba maizzan gaittidoogaappe guyyiyan, GODAA woikko Israa7eela asaassi i oottidobaa ubbaa erenna hara yeletai denddiis.