Ermmaasa 6:12 - Wolaytta Bible

¹² Taani he biittan de7iyaageetu bolli ta kushiyaa yeddiyo wode, eta keettati, eta goshshaarakka eta maccaasaarakka ubbai haratuyyo imettana” yaagees.

Ermmaasa 6:12 Iomraidhean Croise

Hanidabaa Odiya Koiro Maxaafaa 21:16

Kiitanchchai ba bisuwaa ba kushiyan oiqqidi, Yerusalaame bashshanau sa7aappenne saluwaappe giddon eqqidaagaa Daawiti be7iis. Hegaappe guyyiyan, Daawitinne cimati waaruwaa maayidi, bantta som77uwan gufannidosona.

Isiyaasa 10:4

Intte olan haiqqana; qachchidi goochchin, intte baana. Hegee ubbai haninkka, GODAA hanqqoi wuribeenna; qaxxayanau i ba kushiyaa yeddi wottiis.

Isiyaasa 5:25

Hegaa gishshau, GODAA hanqqoi a asaa bolli eexxi kiyees; i ba kushiyaa eta bolli denttidi, eta diippees. Dereti qaaxxoosona; haiqqida asaa ahai ogiyan buura mala gidees; yaaninkka a hanqqoi simmenna; a kushee ha77ikka denddidosan de7ees.

Isiyaasa 9:12

Awai mokkiyo baggaappe Sooriyaa biittaa asatinne awai wulliyo baggaappe Pilisxxeema biittaa asati bantta doonaa hanggidi, Israa7eela miidosona. He ubbankka GODAA hanqqoi simmibeenna; a kusheekka biron denddidosan de7ees.

Isiyaasa 9:17

Hegaa gishshau, Godai eta yelaga asatun ufaittenna; aawi bainna naatussinne am77etussi qarettenna. Aissi giikko, asi ubbi iitanne Xoossaa erennaagaa; asi ubbi ba doonan iitabaa haasayees. He ubbankka Godaa hanqqoi simmibeenna; a kusheekka biron denddidosan de7ees.

Isiyaasa 9:21

Minaasee Efireema, Efireemikka Minaasa maana; eti issippe gididi, Yihudaa biittaa morkkana. He ubbankka GODAA hanqqoi simmibeenna; a kusheekka biron denddidosan de7ees.

Ermmaasa 15:6

GODAI hagaadan yaagees; “Intte tana aggideta; ha77i ha77ikka intte guyye simmideta. Hegaa gishshau, taani intte bolli ta kushiyaa yeddada inttena xaissaas; taani intteyyo qarettaidda daafuraas.

Ermmaasa 21:5

Taani ta huuphen yeddido kushiyan, wolqqaama qesiyan, yiilluwan, hanqquwaaninne gita teegan nena olana.

Ermmaasa 38:22

Hegeekka aibee giikko, Yihudaa kawuwaa keettan attida maccaasati ubbai omoodettidi, Baabiloone halaqatukko baana. Biiddi eti nena hagaadan yaagana; 'Neeyyo mata lagge gidiyaageeti nena balettidosona; eti nena xoonidosona. SHin ha77i ne tohoi silimuwaa giddo gelin, he laggeti nena yeggidi biidosona' yaagana.

Ermmaasa 38:23

Qassi ne keettaayetinne ne naati ubbai Baabiloonetun omoodettidi baana. Neenikka eta kushiyaappe kessa ekkakka; Baabiloone kawoi nena oiqqana. Ha katamaikka taman xuugettana” yaagiis.

Ermmaasa 7:20

Hegaa gishshau, Ubbaa Haariya GODAI hagaadan yaagees; “Be7ite, ta yiilloinne ta hanqqoi ha sohuwaa bolli, asaa bollinne mehiyaa bolli, gaden de7iya mittaa bollinne biittan de7iya kattaa bolli gukkana. Gukkidi eexxana; to77anaukka danddayenna” yaagees.

Ermmaasa 8:10

Hegaa gishshau, taani eta machcheta haratuyyo, eta gadiyaakka eta xoonidaageetuyyo immana. Aissi giikko, guuttaikka gitaikka ubbai woriyaa maanau yiiqetoosona. Hananabaa yootiyaageetikka qeesetikka ubbai asaa cimmoosona.

Ermmaasa Zilaassaa 2:8

GODAI Xiyooni gimbbiyaa qolanau qachchiis; o likkiyo wodoruwaa micciis; o xaissennan de7iiddi, ba kushiyaa zaarenna. Hegaa gishshau, gimbbeenne qatoi issippe kunddanaadan oottiis.

Ermmaasa Zilaassaa 3:3

I zaari zaaridikka gallassa muliyaa tana shocanau ba kushiyaa ta bollan denttiis.

Ermmaasa Zilaassaa 5:11

Xiyoonen maccaasata, Yihudaa katamatunkka geela7ota wolqqan oiqqidi mooridosona.

Ermmaasa Zilaassaa 5:2

Nu laata biittai allagatussi, nu keettaikka betetussi imettiis.

Ermmaasa Zilaassaa 5:3

Nuuni aawi haiqqiichchido naata gidida; nu aayetikka am77e maccaasa gididosona.

Hizqqeela 35:3

Hagaadan yaaga; 'Ubbaa Haariya GODAI hagaadan yaagees; “Nenoo, Se7iira Deriyau, taani neeyyo morkke; taani ta kushiyaa ne bolli yeddada, nena moorettidanne baisa kessana.

Hizqqeela 7:24

Eta keettata baassa oottana mala, taani ubbaappe iita kawotettaa ehaana. Wolqqaamatu otoruwaakka taani xaissana; eta geeshsha sohotikka tunana.

Mikiyaasa 2:4

He gallassi eti intte bollan leemisi leemisidi qilliiccana; qassi hagaadan yaagidi zilaaliiddi, inttena baceessana; 'Nuuni ubbaikka muleera xayida. GODAI nu biittaa ekkidi, makkalanchchatussi shaakki shaakkidi immirggiis' yaagana” yaagees.

Sofonaasa 1:13

Eta aqoi bonqqettana; eta keettaikka yoodettana. Eti keettaa keexxana, shin he keettan de7okkona; qassi woiniyaa turatakka tokkana, shin he woiniyaa eessaa uyokkona” yaagees.

Sofonaasa 1:4

Qassikka GODAI hagaadan yaagees; “Taani Yihudaaninne Yerusalaamen de7iya ubbaa qaxxayanau ta kushiyaa denttana; Ba7aala giyo eeqaayyo goinniyaageetanne ayyo oottiya qeeseta he sohuwaappe mulxxu oottada xaissana.