Ermmaasa 51:39 - Wolaytta Bible

³⁹ Etau bollai ho77iyo wode, taani etayyo ufaissiya ushshaa gibiraa giigissana; eti hegaappe uyidi, banttana balana gakkanaashin, taani eta mattoyana. Eti naa77antto denddennaadan, merinau xiskkana. Taani GODAI hagaa odais.

Ermmaasa 51:39 Iomraidhean Croise

Mazamure Maxaafaa 13:3

GODAU ta Xoossau, haa taakko xeellada, taayyo zaara. Zaarada ta aifiyaa poo7issada, haiquwaappe tana ashsha.

Ermmaasa 25:27

GODAI tana hagaadan yaagiis; “Hegaa gishshau, etayyo yoota; 'Ubbaappe Wolqqaama GODAI, Israa7eela Xoossai inttena, “Uyitenne mattottite. Cooyitenne kunddite. Taani intte giddo yeddiyo bisuwaa gaasuwan naa77antto denddoppite” yaagees' yaaga.

Ermmaasa 48:26

“GODAA bollan otorettido gishshau, Moo7aaba ushshidi mattoyite. Mattoyin ba cooyido cooshshaa bollan gonddoretto; asai ubbaikka a bollan qilliicco.

Ermmaasa 51:57

Taani a halaqata, a aadhdhida eranchchata, a deriyaa haariyaageeta, a ola gadaawatanne a olanchchata mattoyana; eti naa77antto denddennaadan, merinau xiskkana. Taani Kawoi, Ubbaappe Wolqqaama GODAA geetettiyaagee hagaa odais” yaagees.

Daaneela 5:30

He galla qammi morkketi gelidi, Baabiloone Kawuwaa Belshshaaxaara woridosona.

Naahooma 1:10

Eti, xaxiballettida aguntta malati, qassi uyidi mattottidabaadan ganddigaariyaageeti, mela utulaadan taman xuugetti xayana.

Naahooma 3:11

Nenoo Nanawe katamee, neeni qassi mattottidi ganddigaariya asadan hanana. Ne morkketu sinttappe baqatada attiyoosaa neeni koyana.

Naahooma 3:18

Nenoo Asoore kawuwau, ne henttanchchati xiskkidosona; ne bonchchettida asatikka zaqqullidosona. Ne asai deretu bollan laalettiis; eta shiishshiyaabikka baawa.