Ermmaasa 50:4 - Wolaytta Bible

⁴ GODAI hagaadan yaagees; “He wodiyaaninne he gallassatun Israa7eela asainne Yihudaa asai issippe gididi, yeekkiiddi yaana; yiidi GODAA bantta Xoossaa koyana.

Ermmaasa 50:4 Iomraidhean Croise

Hanidabaa Odiya Naa77antto Maxaafaa 7:14

ta sunttan xeesettida ta asati bantta asatettaa kaushshidi woossikko, eti tana koyikkonne bantta iita ogiyaappe simmikko, taani saluwan eta woosaa siyana. Siyada eta nagaraa atto gaana; eta biittaakka pattana.

Mazamure Maxaafaa 105:4

GODAANNE a wolqqaa xomoosite; ubbatoo a sinttaa koyite.

Isiyaasa 14:1

GODAI Israa7eela asau qarettana; Israa7eelakka zaarettidi doorana. Eta eta buzo biittan wottana; betetikka etaara gaittidi, Israa7eela asaara issippe de7ana.

Isiyaasa 45:19

taani geeman, awankko issi xuma biittan haasayabeikke. Yaaqooba zerettaassikka, 'Tana mela sohuwan koyite' gabeikke. Taani GODAI tumaa haasayais; likkebaa odais.

Isiyaasa 55:6

GODAI beettiyo wode a koyite; matan de7iyo wode a xeesite.

Isiyaasa 63:4

Taani ta asaa woziyo gallassainne eta morkketussi haluwaa kessiyo laittai gakkiis.

Ermmaasa 31:31

GODAI hagaadan yaagees; “Taani Israa7eela asaaranne Yihudaa asaara ooratta maachchaa maacettiyo gallassati yaana.

Ermmaasa 33:15

he gallassatuuninne he wodetun taani Daawita zariyaappe issi xillo Aacaa denttana; i he biittan suure pirddaanne xillotettaa oottana.

Ermmaasa 41:6

Isimaa7eeli Mixiphphappe kiyidi, yeekkiiddi etan gaittanau biis; biidi etan gaittido wode, “Ahiqaama na7aa Gadaaliyaakko haa yiite; yiidi a be7ite” yaagiis.

Hizqqeela 16:61

Hegaappe guyyiyan, taani ne bairanne ne kaalo michcheta neekko ehiyo wode, neeni ne hemetaa hassayada yeellatana. Taani eta neeyyo macca naata oottada immana; shin hegee taani nenaara maacettido maachchaadan gidenna.

Hizqqeela 39:25

“Ubbaa Haariya GODAI hagaadan yaagees; 'Ha77i taani Yaaqooba zareta omooduwaappe zaarada ehaana; qassi Israa7eela asaa ubbaayyo qarettana. Taani ta geeshsha sunttai cayettennaadan oottana.

Hoose7a 1:11

Yihudaa asainne Israa7eela asai issippe shiiqana; shiiqidi banttau issi halaqaa doorana; dooridi omoodo biittaappe simmananne ishalidi de7ana. Aissi giikko, Iziraa7eela gallassai gita gallassa gidana.

Hoose7a 11:10

“Eti GODAA kaallana; ikka gaammodan gudana. I gudiyo wode, a naati arggo baggappe yaana;

Hoose7a 3:5

Hegaappe guyyiyan, Israa7eela asai simmidi, GODAA bantta Xoossaanne Daawita bantta kawuwaa koyana; koyidi wurssetta gallassatun eti kokkoriiddi, GODAAKKONNE a anjjuwaakko yaana.

Hoose7a 6:1

Israa7eela asai hagaadan yaagees; “Haayite! Ane GODAAKKO simmoos. I nuna mentterettiis, shin i nuna pattana; i nuna masunxxissiis, shin i nu masunttaa qachchana.

Yuu7eela 2:12

GODAI hagaadan yaagees; “Ha77ikka xoomiiddi, yeekkiiddinne kayyottiiddi polo wozanaappe taakko simmite.

Zakkaariyaasa 12:10

“Taani Daawita zaretu bollinne Yerusalaamen de7iya asaa bolli qaretaanne woosaa ayyaanaa gussana; hegaa gishshau, eti bantta caddidoogaa be7iyo wode, asi ba mexi issi na7au yeekkiyoogaadan yeekkana; qassi ba baira na7aukka kayyottiya asadan kayyottana.

Yaaqooba 4:9

Tuggatite; kayottitenne yeekkite. Intte miichchaa yeehuwau laammite; intte ufaissaakka kayyuwau laammite.