Ermmaasa 50:16 - Wolaytta Bible

¹⁶ Zerettaa zeriyaagaanne cahaa wode baacaara kiyiyaagaa ubbaa Baabilooneppe xaissite. Un77ettiyaageetu bisuwaassi yayyido gishshau, he biittan de7iya asai ubbai ba yaraakko yaraakko simmidi, ba biitti biitti baqatana.

Ermmaasa 50:16 Iomraidhean Croise

Isiyaasa 13:14

SHankkaappe baqatiya gaaraadan, woikko heemmiya asi bainna dorssaa wudiyaadan, asi ubbi ba asaakko asaakko simmana; ubbaikka ba biitti baqatana.

Ermmaasa 25:38

Gaammoi ba de7iyo woraappe kiyiyoogaadan, GODAIKKA ba de7iyoosaappe kiyana. Eta biittaikka naaqqiyaageetu bisuwaaninne GODAA suulo hanqquwan baisa biitta gidana.

Ermmaasa 46:16

Intte olanchchati xubettidi kunddidosona. Kunddidi issoi issuwaa, 'Denddite! Denddidi ha morkkiyaa bisuwaappe attanau, nu asaakko, nu biitti ane simmoos' yaagoosona.

Ermmaasa 51:23

Nenan henttanchchaanne a wudiyaa, goyiyaagaanne a waatta boorata, deriyaa haariyaageetanne halaqata mentterettaas” yaagees.

Ermmaasa 51:9

Baabiloonen de7iya allaga asati, 'Nuuni Baabiloone pattanau koyida; shin paxanau danddayibeenna. Ane a aggiigidi, nu biitti biitti simmoos. Aissi giikko, a pirddai haakkidi, saluwaa gakkiis; bolla saluwaa gufanttuwaa gakkanau pude xoqqiis' yaagidosona” yaagees.

Yuu7eela 1:11

Inttenoo goshshanchchatoo, azzanite! Inttenoo, woiniyaa turaa tokkiyaageetoo, zilaalite! Aissi giikko, cahau gakkida gistteenne banggai gaden xayiichchiis.

Amoxa 5:16

Hegaa gishshau, Godai, Ubbaappe Wolqqaama GODAI Xoossai hagaadan yaagees; “Dabaaba ubban waasoi kiyana; oge ubbankka asai, 'Aayye, aayye!' gaana. Goshshanchchati yeehuwau, koizziyaageetikka koissau xeegettana.