Ermmaasa 5:31 - Wolaytta Bible

³¹ Hananabaa yootiyaageeti wordduwaa yootoosona; qeesetikka eta zoriyan aissoosona. Ta asaikka hegaa malabaa dosees! SHin wurssettan waanuuteetii?” yaagees.

Ermmaasa 5:31 Iomraidhean Croise

Kawotu Maxaafaa Koiruwaa 22:6

Yaagin Israa7eela kawoi hananabaa yootiya oiddu xeetu asata issippe shiishshidi, “Gala7aaden de7iya Raamoota katamaa olanau booyye booppoo?” yaagidi eta oichchiis. Oichchin eti, “Ba; aissi giikko, GODAI he katamaa kawuwaa kushiyan aattidi immana” yaagidosona.

Leemiso Maxaafaa 17:4

Iita asi iita uraa haasayaa siyees; worddanchchaikka genanchchaa oduwaa ezggees.

Isiyaasa 10:3

Haaho biittaappe yiya metuwan i inttena qaxxayiyo wode, waanuuteetii? Maaduwaa demmanau ookko baqatuuteetii? Intte duretettaa awan qottuuteetii?

Isiyaasa 20:6

Abbaa lanqqiyan de7iya asai he gallassi hagaadan yaagana; 'Be7ite, nuuni Asoore kawuwaappe attanau maaddoosona giidi nu ufaissaa wottidonne etakko baqatido asaa bolli hagee gakkiis; yaatin, nuuni waanidi kessi ekkanau danddayiyoonii?' yaagana” yaagiis.

Isiyaasa 33:14

Xiyoonen de7iya nagaranchchati yayyidosona; Xoossaasa gidennaageeta kokkorssai oiqqiis. Hegaa gishshau, eti, “Miya tamaara de7anau danddayiya uri nu giddon oonee? Eexxiiddi de7i aggiyaabaara de7anau danddayiya uri nu giddon oonee?” yaagoosona.

Isiyaasa 43:27

Ne koiro aawai nagaraa oottiis; nena tamaarissiyaageetikka tana naaqqidosona.

Isiyaasa 47:7

Neeni, 'Taani merinau kawiyo gidana' yaagadasa. Hegaa gishshau, ha yohota ne wozanan qoppabaakka; eta wurssettaakka hassayabaakka.

Ermmaasa 12:4

Biittai melanainne dembba ubban mokkida maatai shullanai aude gakkanaassee? Biittan de7iya asaa iitatettaa gishshau, do7ainne kafoi wuriis. Hegaa bollikka asati, “GODAI nuuni oottiyoobaa demmenna” yaagoosona.

Ermmaasa 14:14

Yaagin GODAI taayyo hagaadan yaagiis; “Hananabaa yootiyaageeti ta sunttan wordduwaa yootoosona. Taani eta kiittabeikke, woikko azazabeikke, woikko etau yootabeikke. Eti intteyyo hananabaa giidi yootiyoobai worddo ajjuutaa, pattenna kaayuwaanne qoppi ekkidi yootiyo worddobaa.

Ermmaasa 26:7

Ermmaasi GODAA Beeta Maqidasiyan ha qaalaa yootishin, qeeseti, hananabaa yootiyaageetinne asai ubbai siyidosona.

Ermmaasa Zilaassaa 1:9

I tunatettai i afalaa xeeraa baqqi oiqqiis. Sinttappe ba bolli hananabaa a qoppabeikku. Hegaa gishshau, i kunddettai daganttiyaagaa. A, “Abeet GODAU, ta tuggaa be7a! Ta morkketi tana xoonidosona” ginkka, o minttettiyaabi issoinne baawa.

Ermmaasa Zilaassaa 2:14

Ne hananabaa yootiyaageeti neeyyo worddonne pattenna ajjuutaa be7idosona; eti neeni omooduwau beenna mala, ne nagaraa qonccissidi yootibookkona. Eti balettiya worddo ajjuutaa neeyyo be7idosona.

Ermmaasa Zilaassaa 4:13

SHin hagee hanidoogee a hananabaa yootiyaageetinne a qeeseti oottido nagaraa gishshaassa; qassi eti xillotu suuttaa a giddon gussido gishshaassa.

Ermmaasa Zilaassaa 4:18

Asati nu kottiyaa kaalliyo gishshau, nu katamaa ogiyan hemettanau danddayibookko. Nu wurssettai matattiis; nu laittai wuriis; nu xayiyo wodeekka gakkiis.

Hizqqeela 13:10

“'“Saroi bainnan de7ishin, eti ta asaa, 'Sa7i saro!' yaagidi wora kaalettidosona. Qassi asai shuchchaa coo keelidi dirin, eti nooraa tiyoosona.

Hizqqeela 13:6

Eta ajjuutai worddo, qassi eta murunnoikka worddo. Eti GODAI kiittennan, 'GODAI hagaadan yaagees' yaagoosona. Yaatidi eti yootidoogaa GODAI polana yaagidi naagoosona.

Hizqqeela 22:14

Taani nena qaxxayiyo gallassi ne goobatettai nenaara de7anee? Woikko ne kushee mino gidanee? Taani GODAI hagaa yootaas; taani yootidoogaa taanikka oottana.

Hoose7a 4:9

Qeesetikka asai haniyoogaadan hanana. Taani eta hanotaa gishshau, eta qaxxayana; qassi eta oosuwaadan, etau zaarana.

Hoose7a 6:10

Taani Israa7eela asan daganttiyaabaa be7aas. Efireema giddon shaaramuxatettai de7ees; Israa7eelikka tuniis.

Hoose7a 9:5

Keerido baala gallassinne GODAA bonchchiyo baala gallassi, intte ai oottuuteetii?

Mikiyaasa 2:11

“Issi cimmiya worddanchchai yiidi, 'Intteyyo sinttappe woine eessainne mattoyiya ushshai guufettana' yaagidi wordduwaa hananabaa yootiyaakko, i intteyyo hananabaa yootiyaagaa gidana.

Mikiyaasa 2:6

Asai tana hagaadan yaagees; “Nu bolli hananabaa yootoppa. 'Hagee hagee intte bolli hanana' giidi ooninne haasayanau koshshenna. Hegaa mala kaushshai nu bolli mulekka yeenna” yaagoosona.

Mikiyaasa 3:11

A halaqati mattaayiyan pirddoosona; a qeeseti damoozan tamaarissoosona; qassi a hananabaa yootiyaageetikka miishshaa qanxxin murunnoosona. SHin yaatidikka, “GODAI nu giddon de7ees gidennee? Nu bolli aiba iitabaikka yeenna” yaagidi an ammanettoosona.

Sofonaasa 3:4

An de7iya hananabaa yootiyaageeti otoranchchanne genanchcha. A qeesetikka geeshshabaa tunissiyaageeta; qassi eti GODAA higgiyaa banttau injjetiyaagaadan, mirqqidi birshshoosona.

Zaarettido Wogaa 32:20

Yaatidi hagaadan yaagiis; 'Taani ta som77uwaa etappe genttana; eti geellanne ammanettenna dere gidiyo gishshau, eta omarssaa co77u gaada xeellana.

Zaarettido Wogaa 32:29

Eti xoonettidoi aibiinakko be7anau etau ixettiis; bantta wurssettaikka aibakko erokkona.