Ermmaasa 5:1 - Wolaytta Bible

¹ GODAI hagaadan yaagees; “Ane Yerusalaame ogiyaa pudenne duge hemettite; ane yuuyi aadhdhidi xeellitenne akeekite; a gutarankka koyite. Xillo pirddiyaanne tumaa koyiya issi asa intte demmikko, taani Yerusalaame maarana.

Ermmaasa 5:1 Iomraidhean Croise

Kawotu Maxaafaa Koiruwaa 19:10

Yaagin Eelaasi, “Ubbaappe Wolqqaama GODAAYYO Xoossaayyo taani daroppe mishettaas. Aissi giikko, Israa7eela asai nenaara maacettido maachchaa kanttiis; neeyyo yarshshiyoosaakka qoliis; ne sunttan hananabaa yootiyaageetakka bisuwan woriis. Yaatin, taani tarkka attaas; ha77i eti ta shemppuwaakka ekkanau koyoosona” yaagiis.

Hanidabaa Odiya Naa77antto Maxaafaa 16:9

Aissi giikko, ba kumetta wozanaappe GODAN ammanettiya asa minttettanau GODAA aifee sa7aa bollan ubbasaa xeellees. Neeni ha yohuwan eeyyadasa; hegaa gishshau, hachchippe doommin, neeppe oli shaahettenna” yaagiis.

Mazamure Maxaafaa 12:1

GODAU, nuna maaddarkkii? Aissi giikko, Xoossa asi mulekka baawa; asa giddon ammanettiyaabi xayiichchiis.

Mazamure Maxaafaa 14:2

Xoossaa koyiya eranchchati de7iyaakkonne be7anau, GODAI saluwaappe duge asaa xeellees.

Mazamure Maxaafaa 14:3

SHin ubbaikka wora simmidosona; ubbaikka muleera go77ennabaa gididosona. Lo77iyaabaa oottiya ooninne baawa; harai atto issoinne baawa.

Mazamure Maxaafaa 94:16

Makkalanchchatu bolli ta gishshaa denddiyai oonee? Iitaa oottiyaageetuura ta gishshaa eqettidai oonee?

Leemiso Maxaafaa 20:6

Daro asati bantta kehatettaa yootoosona; shin tumu ammanettiya asa demmanai oonee?

Leemiso Maxaafaa 23:23

Tumaa, aadhdhida eratettaa, timirttiyaanne akeekaa shammappe attin, mulekka baizzoppa.

Leemiso Maxaafaa 8:3

dirssaa penggiyaa lanqqen, katamaa geliyo penggen eqqada, ba qaalaa xoqqu oottada, hagaadan yaagausu;

Siiquwaa Sabaa 3:2

Katamaa giddon de7iya aahonne xuntta ogetu ubban yuuyaas; ta siiquwaa demmanau koyaas; minttada koyaas; shin demmanau danddayabeikke.

Isiyaasa 59:4

Xillotettan mootiyai baawa; tumatettan pirddiyaikka baawa. Eti mela palaman ceeqettoosona; wordduwaa haasayoosona. Qassi metuwaa shahaaridi, iitatettaa yeloosona.

Ermmaasa 2:29

GODAI hagaadan yaagees; “Intte tanaara aissi mootetteetii? Intte ubbaikka taayyo makkalideta.

Ermmaasa 44:15

Yaagin bantta maccaasati hara xoossatuyyo ixaanaa cuwayiyoogaa eriya attumaasati ubbainne hegan eqqida maccaasati ubbai gita maabara gididi, Gibxxen tohossa baggaara de7iya Patiroosa giyoosan de7iya asai ubbai Ermmaasa hagaadan yaagidosona;

Ermmaasa 8:6

Taani minttada ezggaas; shin eti tumaa haasayokkona. 'Ta ai oottidanaashsho?' giidi ba iita oosuwaa paaxiyaabi issoinne baawa. Ubbaikka olayyo piriixiya paraadan bau bau woxxees.

Ermmaasa 9:2

Taani ta asaappe shaahettada baana mala, taayyo bazzon manddarai aqiyo sohoi de7eerenneeshsha! Aissi giikko, eti ubbai shaaramuxa; eti makkaliya asaa zata.

Ermmaasa 9:7

Hegaa gishshau, Ubbaappe Wolqqaama GODAI hagaadan yaagees; “Taani eta seerissada paaccana. Ta asaa gishshau, simmi taani harabaa ai oottanau danddayiyaanaa?

Hizqqeela 22:30

“Taani biittaa xaissennaadan, eta giddon dirssaa gimbbee kolettido baggaara eqqidi naagiya issi asa koyaas; shin oonanne demmabeikke.

Hizqqeela 9:9

I zaaridi, taayyo hagaadan yaagiis; “Israa7eelanne Yihudaa nagarai keehi dariis; biitta ubban suuttaa gussiyaageeti kumidosona; qassi katama ubban tumu pirddaa geellayiyaageeti kumidosona. Aissi giikko, asai, 'GODAI ha biittaa aggiis; GODAI be7enna' yaagoosona.

Daaneela 12:4

“SHin nenoo Daaneelaa, neeni wurssettaa wodee gakkanaashin, ha maxaafaa qaalaa gorddada, maatafaa wotta. Daroti yaanne haanne bichchaarana; eraikka darana” yaagiis.

Yuu7eela 2:9

Eti katamaa eesuwan woraajjoosona; dirssaa gimbbiyaa bollankka woxxoosona. Eti keettaa bollikka kiyoosona; qassi kaisodan, maskkootiyaara geloosona.

Amoxa 8:12

Asai arshsho bagga abbaappe arggo bagga abbaa gakkanaashiininne huuphessappe tohossi gakkanaashin bichchaarana. Eti GODAA qaalaa koyanau yaanne haanne woxxana, shin demmokkona.

Zakkaariyaasa 2:4

Yiidi a hagaadan yaagiis; “Woxxa; woxxada he yelaga bitaniyaa, 'GODAI hagaadan yaagees; “Asaanne mehiyaa darotettaappe denddidaagan Yerusalaame katamaa yuushuwaa gimbbanau danddayettenna. Taani a yuushuwan tama dirssa gidana; taani a giddon bonchcho gidana” yaagees' yaaga” yaagiis.

Luqaasa 14:21

“Ashkkarai simmidi, hegaa godaassi odiis. Odin godai daro hanqqettidi, ba ashkkaraa, ‘Elle katamaa ogiyaanne toho ogiyaa baada, hiyyeesata, quunnida asata, wobbetanne qooqeta ekkada ya’ yaagiis.

Naa77antto Tasalonqqe 2:10

Hegaadankka, qassi xayiya asata dumma dumma iita cimuwan balettana. Xayiyaageeti attanau tumatettaa siiqidi ekkibeenna gishshau xayana.