Ermmaasa 48:7 - Wolaytta Bible

⁷ “Nenoo, Moo7aaba biittau, neeni ne wolqqaaninne ne duretettan ceeqettido gishshau, neenikka omoodettana. Qassi Kamoosha giyo xoossaikka ba qeesetuuranne ba halaqatuura issippe omoodettidi, harasaa baana.

Ermmaasa 48:7 Iomraidhean Croise

Sameela Maxaafaa Naa77anttuwaa 5:21

Pilisxxeemati bantta eeqata he sohuwan yeggidi biidosona. Yaatin Daawitinne a asai he eeqata ekkidi efiidosona.

Kawotu Maxaafaa Koiruwaa 11:33

Taani hagaa oottana gaasoi, Solomoni tana aggidi Sidoonatu xoossee Asttaarootiyyo, Moo7aabatu xoossaa Kamooshayyoonne Amoonatu xoossaa Molookayyo goinnido gishshaassanne ta ogiyan hemettennan, ta sinttan suurebaa hanennaaninne a aawai Daawiti naagidoogaadan ta wogatanne ta higgeta naagennan ixxido gishshaassa.

Kawotu Maxaafaa Koiruwaa 11:7

Hegaappe guyyiyan Solomoni Kamoosha giyo tuna eeqaayyoonne Amoonati eeqiyo, Molooka giyo tuna eeqaayyo Yerusalaame katamaappe arshsho baggan de7iya deriyaa huuphiyan goinniyo xoqqa sohota keexxiis.

Mazamure Maxaafaa 40:4

GODAA bau ammanettiyoobaa oottida asi, otoranchchatukkonne worddo xoossatussi goinniyaageetukko simmenna asi anjjettidaagaa.

Mazamure Maxaafaa 52:7

“Xoossaa baayyo qato oottibeenna, ba duretettaa daruwan ammanettida, iita oosuwan minnida bitaniyaa hagaa be7ite!” yaagana.

Ermmaasa 43:12

Gibxxe xoossatu keettata i taman oittana; eeqatakka xuuggana, woikko omooduwau ekkidi efaana. Henttanchchai ba calaa maayiyoogaadan, i Gibxxe biittaa maayana. Yaatidi hegaappe saro baana.

Ermmaasa 48:13

Yaatin, Israa7eela asai ba ammanettido, Beeteelen de7iya eeqan kauyyidoogaadan, Moo7aaba asaikka ba xoossan Kamooshan kauyyana.

Ermmaasa 48:46

Moo7aaba asau, intteyyo aayye7ana! Kamoosha giyo xoossaassi goinniyaageeti xayidosona; eta attuma naatinne macca naati omoodettidi biidosona.

Ermmaasa 49:3

“Inttenoo, Haseboona asatoo, Aaya katamai kolettiichchido gishshau zilaalite! Inttenoo, Raaba asatoo, yeekkite! Waaruwaa maayidi kayyottite! Qassi wozanaa bayidi, katamaa gimbbiyaa giddon woxerettite! Aissi giikko, intte xoossai Molooki ba qeesetuuranne ba halaqatuura omoodettana.

Ermmaasa 49:4

Inttenoo, ammanoi bainna asatoo, intte, 'Nu bollan ooni woraajjii?' yaagidi intte duretettaaninne intte aradda wombbatun aissi ceeqetteetii?

Ermmaasa 9:23

GODAI hagaadan yaagees; “Aadhdhida eranchchai ba eran ceeqqoppo; wolqqaamai ba wolqqan ceeqqoppo; woikko duree ba duretettan ceeqqoppo.

Hoose7a 10:13

“Intte iitatettaa zeridi, nagaraa cakkideta; intte wordduwaa aifiyaakka miideta. “Intte intte wolqqaaninne intte daro olanchchatun ammanettido gishshau,

Qoodaabaa 21:29

Moo7aabaa, neeyyo aayye7ana! Kamooshau goinniyaageetoo, intte xayideta. Intte xoossai, Kamooshi, intte attuma naata baqatau, intte macca naata omooduwau, Amooretu Kawuwaa Sihoonayyo immiis.

Koiro Ximootiyoosa 6:17

Ha77i ha wodiyan dure gidiyaageeti otorettennaadaaninne qassi nuuni ufaittanaadan, ubbabaa palahissidi nuuyyo immiya de7o Xoossan ammanettanaagaappe attin, aadhdhiya duretettan eti ammanettennaadan, eta azaza.

Ajjuutaa 18:7

A bonchchettidoogaanne ishalidoogaa keenaa o tuggayitenne kayyoyite. A ba wozanan, ‘Taani kaweedan uttais; taani azini bainna maccaasa gidikke; qassi mulekka kayyottikke’ yaagausu.

Daannatu Maxaafaa 11:24

Neeni ne xoossai Kamooshi neeyyo immiyoobaa ekkikkii? Hegaadankka, nuuni GODAI nu Xoossai nuuyyo immidobaa ubbaa laattidi de7ana.