Ermmaasa 48:19 - Wolaytta Bible

¹⁹ “Aaro7era kataman de7iyaageetoo, ogiyaa doonan eqqidi xeellite; kessi ekkidi baqatiya attumaasaanne maccaasaa, 'Aibee kiyidai?' yaagidi oichchite.

Ermmaasa 48:19 Iomraidhean Croise

Sameela Maxaafaa Naa77anttuwaa 24:5

Eti Yorddaanoosa SHaafaa pinnidoogaappe guyyiyan, zanggaaraappe tohossa baggan de7iya Aaro7era kataman uttidosona; hegaappe qassi Gaada kanttidi Yaa7izeera gakkidosona.

Hanidabaa Odiya Koiro Maxaafaa 5:8

Belaa7a. Belaa7i Azaaza na7aa; Azaazi SHemaa7a na7aa; SHemaa7i Yuu7eela zare. Yuu7eela zareti Aaro7era kataman, Nabo biittaaninne Ba7aali-Ma7oona biittan de7idosona.

Qoodaabaa 32:34

Gaada zareti Diboona, Axaaroota, Aaro7era

Zaarettido Wogaa 2:36

“Arnnoona Zanggaaraa gaxan de7iya Aaro7erappenne he wombbaa giddon de7iya katamaappe doommidi biidi Gala7aade biittaa gakkanaashin, nuuyyo minnida issi kataminne de7ibeenna. GODAI nu Xoossai eta ubbaa nu kushiyan aatti immiis.

Yaasu Maxaafaa 12:2

Etappe issoi, Haseboona kataman uttida Amooretu Kawuwaa Sihoona. I Haaridosai Arnnoona Zanggaaraa lanqqiyan de7iya Aaro7era katamaappe denddidi, Amoonatu zawaa gakkanaassi de7iya Yaabooqa SHaafaa gakkees; he sohoi Gala7aade giyo biittaassi baggaa.

Daannatu Maxaafaa 11:26

“Israa7eela asai Haseboona, Aaro7eranne eta yuushuwan de7iya katamata ubbaa, hegaadankka, qassi Arnnoona SHaafaa lanqqiyan de7iya katamata ubbaa laattidi, heezzu xeetu laittaa de7iis. Yaatin, he wode aibissi wotti ekkibeekketii?

Sameela Maxaafaa Koiruwaa 4:16

Bitanee Eelassi, “Olaa dembbaappe yiidaagee tana; taani hachchi yaappe baqataas” yaagiis. Yaagin Eeli, “Ta na7au, yaatin waanidee?” yaagidi oichchiis.