Ermmaasa 47:6 - Wolaytta Bible

⁶ “Intte, 'Nenoo GODAA bisuwau, neeni co77u geennan ixxiyoogee aude gakkanaashiinee? Ne shoohuwau simma gela! Co77u gaada shemppa!' yaageeta.

Ermmaasa 47:6 Iomraidhean Croise

Sameela Maxaafaa Naa77anttuwaa 2:26

Hegaappe guyyiyan Abaneeri Yoo7aaba xeesidi, “Merinau olettiiddi de7aneeyye? Hagaa wurssettai camo gidanaagaa neeni erikkii? Ne asata, 'Intte ishantta gooddiyoogaa aggite' geennan aude gattuutee?” yaagiis.

Hanidabaa Odiya Koiro Maxaafaa 21:27

Hegaappe guyyiyan, GODAI kiitanchchaa azazin, kiitanchchai ba bisuwaa shoohuwau zaariis.

Mazamure Maxaafaa 17:13

Abeet GODAU, dendda. Ta morkketuura eqettada xoona; ne bisuwan iitatuppe tana ashsha ekka.

Isiyaasa 10:15

Tumu kalttai banan qanxxiya bitaniyaappe, “Taani aadhdhais” gaanau danddayiiyye? Woikko magaazee bana goochchiya bitaniyaappe, “Taani darais” giiyye? Xam77ai bana oiqqiya asa denttenna; cugoi asa denttenna.

Isiyaasa 10:5

Godai hagaadan yaagees; “Ta yiilluwau gatima gididanne ta eexxiya hanqquwau xam77a gidida Asoore biittaa asau aayye7ana!

Ermmaasa 12:12

Bazzuwan de7iya aibinne bainna xoqqa deretu ubbaa kanttidi, bonqqiyaageeti yiidosona; aissi giikko, GODAA bisoi biittaa ha gaxaappe hini gaxaa gakkanaassi miis. Hegaa gishshau, ooninne saro attanau danddayenna.

Ermmaasa 12:4

Biittai melanainne dembba ubban mokkida maatai shullanai aude gakkanaassee? Biittan de7iya asaa iitatettaa gishshau, do7ainne kafoi wuriis. Hegaa bollikka asati, “GODAI nuuni oottiyoobaa demmenna” yaagoosona.

Ermmaasa 15:3

GODAI hagaadan yaagees; “Taani oiddu qommo bashshaa eta bolli ehaana; hegeetinne, eta woranau bisuwaa, eta ahaa goochchanau kanata, eta ashuwaa miidi xaissanau saluwaa kafotanne sa7aa do7ata.

Ermmaasa 25:27

GODAI tana hagaadan yaagiis; “Hegaa gishshau, etayyo yoota; 'Ubbaappe Wolqqaama GODAI, Israa7eela Xoossai inttena, “Uyitenne mattottite. Cooyitenne kunddite. Taani intte giddo yeddiyo bisuwaa gaasuwan naa77antto denddoppite” yaagees' yaaga.

Ermmaasa 4:21

Taani aude gakkanau olaa malaataa xeellaneenne malkkataa punettaa siyanee?

Ermmaasa 48:10

“GODAA oosuwaa shenehoo giidi oottiya urai qanggettidaagaa gido! GODAI azazi wottin, suuttaa gussennaadan ba bisuwaa teqqiya uraikka qanggettidaagaa gido!

Ermmaasa 50:35

“Baabiloone asainne Baabiloone biittan de7iyaageeti bisuwan haiqqona! “A halaqatinne a aadhdhida eranchchati bisuwan haiqqona! Taani GODAI hagaa odais.

Hizqqeela 14:17

“Woikko taani he biittaa bollan bisuwaa ehaada, 'Ha biittaara bisoi kantto' gaada, an de7iya asaanne mehiyaa worikko,

Hizqqeela 21:30

Bisuwaa shoohuwau zaarite. Intte merettido sohuwan, intte yelettido biittan taani intte bolli pirddana.

Zakkaariyaasa 13:7

Ubbaappe Wolqqaama GODAI hagaadan yaagees; “Bisuwau, taayyo mata gidiya ta dorssaa heemmiyaagaa bolli beegotta! Beegottada dorssati laalettanaadan, dorssaa heemmiyaagaa wora. Taanikka he guutta dorssatu bollan ta kushiyaa denttana.

Yohaannisa 18:11

Yesuusi PHeexiroosa, “Ne bisuwaa shoohuwan zaarada wotta! Ta Aawai taayyo immido burccukkuwaappe taani uyennabaa neeyyo milatii?” yaagiis.

Daannatu Maxaafaa 7:20

Hara baggaara de7iya naa77u citatikka bantta malkkataa punnidi, xaarotakka menttidosona; haddirssa kushiyan eexxiya xomppiyaa, ushachcha kushiyan malkkataa oiqqidi punniiddi, “GODAASSINNE Geedoonassi bisuwan olettoos!” yaagidi waassidosona.