Ermmaasa 32:19 - Wolaytta Bible

¹⁹ Ne zoree gita; ne oottiyo oosoikka wolqqaama. Asaa ogiyaa ubbaa neeni be7aasa; asau ubbaukka a ogiyaadaaninne a oosuwaadan zaaraasa.

Ermmaasa 32:19 Iomraidhean Croise

Kawotu Maxaafaa Koiruwaa 8:32

neeni saluwan siya; siyada ootta. Ne ashkkaratu gidduwan pirdda. Mooranchchaa bolli pirddada, i oottidobaa a bolli zaara; xilluwaa shatinttada, ayyo a xillotettaadan zaara.

Hanidabaa Odiya Naa77antto Maxaafaa 16:9

Aissi giikko, ba kumetta wozanaappe GODAN ammanettiya asa minttettanau GODAA aifee sa7aa bollan ubbasaa xeellees. Neeni ha yohuwan eeyyadasa; hegaa gishshau, hachchippe doommin, neeppe oli shaahettenna” yaagiis.

Iyyooba Maxaafaa 34:11

Xoossai asassi a oosuwaadan immees; aawu ogiyaadan aawussi qanxxees.

Iyyooba Maxaafaa 34:21

“Xoossai asaa hemetaa xeellees; a tanggo ubbaakka wochchees.

Mazamure Maxaafaa 111:2

GODAA oosoti ai keena gitee! Etan ufaittiyaageeti ubbai eta qoppanau bessees.

Mazamure Maxaafaa 34:15

GODAA aifee xillotukko xeellees; qassi i ubba wode eta waasuwaa ezggees.

Mazamure Maxaafaa 62:12

Aggenna siiqoi Xoossaabaa” yaagiis. Abeet GODAU, neeni asa ubbaassi a oosuwaadan oosuwaadan qanxxana.

Mazamure Maxaafaa 92:6

Eeyya asi eranau danddayenna; damma asikka akeekanau danddayenna.

Kessaabaa 15:11

Abeet GODAU, Xoossatu giddon ne malai oonee? Geeshshatettan bonchchettiyaabi, bonchchuwan yayettiyaabi, garamiyaabaa oottiyaabi ne malai oonee?

Leemiso Maxaafaa 5:21

Aissi giikko, asi oottiyoobaa ubbaa GODAI be7ees; i hemettiyo loosso ubbaa xeellees.

Leemiso Maxaafaa 8:14

Zoreenne lo77o erai taageeta; akeekainne wolqqainne taassi de7oosona.

Eranchchaa Maxaafaa 12:14

Xoossai ooso ubbaa bollan, qassi geemmida yoho ubbaa bollan, lo77o gidin, iita gidinkka pirddanau de7ees.

Isiyaasa 28:29

Hageekka qassi maalaalissiya zoriyaa zoriya, oosuwaakka aadhdhida eran oottiya Ubbaappe Wolqqaama GODAAPPE yees.

Isiyaasa 40:13

GODAA Ayyaanaa azazidai, woikko a zoriyaabaa gididi tamaarissidai oonee?

Isiyaasa 59:18

I etau eta oosuwaadan oosuwaadan zaarana; ba morkketussi hanqquwaa, ba baarigaaratussikka qixaatiyaa zaarana. Abbaa doona biittatun de7iyaageetussikka eta oosuwau bessiyaagaa immana.

Isiyaasa 9:6

Na7i nuuyyo yelettiis! Attuma na7i nuuyyo imettiis! Kawotettai a hashiyan wodhdhana; a sunttai, “Maalaalissiyaabaa Zoriyaagaa, Wolqqaama Xoossaa, Merinaa Aawaa, Sarotettaa Halaqaa” geetettana.

Ermmaasa 16:17

Aissi giikko, taani eta ogiyaa ubbaa be7ais. Eti taappe qosettibookkona; eta nagaraikka ta aifiyaappe geemmibeenna.

Ermmaasa 17:10

Taani GODAI asau ubbau a ogiyaadaaninne a oosuwaadan zaaranau, asaa wozanaa qoraisinne a kahaa paaccais” yaagees.

Ermmaasa 21:14

shin taani GODAI nena ne oosuwaadan qaxxayana. Taani ne kawo keettan tamaa oittana; oittin ne yuushuwan de7iyaabaa ubbaa mi xaissana” yaagees.

Ermmaasa 23:24

Taani be7ennaadan, geema sohon bana qottanau asi danddayii? Saluwaaninne sa7an kumidaagee tana GODAA gidikkinaa?” yaagees.

Ermmaasa 25:14

Daro kawotettatinne gita kawoti Baabilooneta ailleyidi haarana. Taani etayyo eta hanuwaadaaninne eta kushiyaa oosuwaadan qanxxana' yaagees” yaagiis.

Daaneela 2:45

Asa kushee bochchennan deriyaappe xoqoletti wodhdhidi, birataappe, nahaasiyaappe, urqqaappe, biraappenne worqqaappe merettida misiliyaa gaacerettida shuchchaa birshshettai he kawotettaa. “Gita Xoossai sinttanau hananabaa kawuwaa bessiis. Aimoikka tuma; birshshettaikka ammanettidaagaa” yaagidi zaariis.

Daaneela 4:35

Sa7an de7iya asai ubbai ayyo aibanne gidenna. Saluwan de7iya kiitanchchatu bollinne sa7an de7iya asaa bolli i ba dosaa oottees. A kushiyaa teqqanau danddayiyaabi baawa, woikko a 'Ai oottai?' yaagidi oichchiyaabi baawa.

Zakkaariyaasa 9:1

Hadiraaka giyo biittainne Damasqqo katamai xayanaagaa GODAI odido pirddaa qaalai hagaa. Sooriyaa waanna katamai Damasqqoikka GODAABAA gidiyo gishshau, Israa7eela zaretu xalaala gidennan asa ubbaa aifee pude GODAAKKO xeellees.

Maatiyoosa 16:27

Aissi giikko, taani, Asa Na7ai, ta Aawaa bonchchuwan ta kiitanchchatuura yaana hanais; asa ubbau he wode a oosuwaa malaa immana.

Yohaannisa 5:29

Siyidi eti duufuwaappe gaxi kiyana; lo77obaa oottidaageeti de7anau denddana; qassi iitabaa oottidaageeti pirddettanau denddana.

Naa77antto Qoronttoosa 5:10

Aissi giikko, nuuni huuphiyan huuphiyan oottido oosoi lo77o gidin, woi iita gidin, nuuyyo bessiyaagaa ekkanau, Kiristtoosa pirdda araataa sinttan ubbaikka beettanau bessees.

Efisoona 1:11

Ubbabai Xoossaa qofaadaaninne i giidoogaadan haniis; Xoossai kasetidi qoppi wottidoogaadan, Kiristtoosa baggaara nuuni aageeta gidanaadan, nuna dooriis.

Ibraawe 4:13

Nuuni oottiyoobaa wochchiya Xoossaa sinttan ubbabaikka beettiyoogaappenne qoncciyan de7iyoogaappe attin, a aifiyan geemmiya mereti aibinne baawa.

Ajjuutaa 2:23

Taani i naatakka worana; qassi woosa keetta ubbaikka taani asa qofanne amo eriyaagaa gidiyoogaa erana; taani intteyyo intte oosuwaa malaa immana.

Ajjuutaa 22:12

Yesuusi, “Be7a! Taani matan yaana. Asa ubbau a oosuwaadan immanau, ta woituwaa ekka yaana.