Ermmaasa 30:18 - Wolaytta Bible

¹⁸ GODAI hagaadan yaagees; “Taani Yaaqooba zaretu keettaa omoodettosaappe guyye zaarada, ishalissana; eti de7iyo sohuwaukka qarettana. Yerusalaame katamaikka kase ba qolettidosan, kawo keettaikka kase ba sohuwan simmidi keexettana.

Ermmaasa 30:18 Iomraidhean Croise

Hanidabaa Odiya Koiro Maxaafaa 29:1

Hegaappe guyyiyan, Kawoi Daawiti shiiqida asau ubbau hagaadan yaagiis; “Xoossai dooridoi ta na7aa Solomona; i yelaganne oosuwaayyookka lammachcha. Ha keexettana keettai asa keetta gidennan GODAA Xoossaa Beeta Maqidasiyaa gidiyo gishshau, oosoi gita.

Hanidabaa Odiya Koiro Maxaafaa 29:19

Ne wogaa, ne azazuwaanne ne higgiyaa naaganaadaaninne taani halchchada giigissa wottidoban Beeta Maqidasiyaa i keexxanaadan ta na7aa Solomonau kumetta wozanaa imma” yaagidi galatiis.

Nahimiyaa Maxaafaa 7:4

He wode Yerusalaame katamai keehi aahonne gita; shin a giddon de7iya asaa qoodai keehi guutta. Qassi daro keettikka biron keexettibeenna.

Mazamure Maxaafaa 102:13

Neeni denddada, Xiyoonessi qarettana; aissi giikko, neeni a maariyo wodee gakkiis; hagee neeni doorido wodiyaa.

Mazamure Maxaafaa 102:14

I qolettidaagaa gidikkokka, ne ashkkarati a siiqoosona. I moorettidaagaa gidikkokka, eti ayyo qarettoosona.

Mazamure Maxaafaa 122:7

Ne gimbbetu giddon saroi de7o! Ne qatotakka bochchiyaabai xayo!” yaagidi woossite.

Mazamure Maxaafaa 48:13

Yiya yeletau yootanaadan, i gimbbiyaa akeekitenne i qatota xomoosite.

Mazamure Maxaafaa 48:3

He katamaa gimbbiyaa giddon, banan saro sohoi de7iyoogaa Xoossai bessiis.

Mazamure Maxaafaa 78:69

Hegan i ba Beeta Maqidasiyaa saluwaadan xoqqan keexxiis; sa7aadan merinau essiis.

Mazamure Maxaafaa 85:1

Abeet GODAU, neeni ne biittaa maaradasa; Yaaqooba asaa omooduwaa zaaradasa.

Isiyaasa 44:26

Taani ta ashkkaraa qaalaa minttais; ta kiittidoogeeti hanana giidobaakka polais. Taani Yerusalaame katamaa, 'Neeni asi de7iyo soho gidana' yaagais; Yihudaa katamatakka, 'Intte simmidi keexettana; intte gimbbiyaakka ooraxissana' yaagais.

Isiyaasa 44:28

Qassi Qiiroosa, 'Neeni ta asaa heemmiyaagaa; neeni Yerusalaame katamaa, “Ne simmada keexettana” yaagadanne, Beeta Maqidasiyaakka, “Ne baasoi baasettana” yaagada ta halchchuwaa poliyaagaa' yaagais” yaagees.

Ermmaasa 23:3

Hegaappe guyyiyan, ta wudiyaappe attidaageeta kase laalido biitta ubbaappe taani ta huuphen shiishshana. SHiishshada eta guyye eta hentta gade zaarana. Etikka hagan yelettidi corattana.

Ermmaasa 29:11

Aissi giikko, taani intteyyo halchchiyo halchchuwaa taani GODAI erais; hegeenne, intteyyo sintta wodiyaanne ufaissaa immana mala, saro halchchoppe attin, iita halchcho gidenna.

Ermmaasa 29:14

Taani intteyyo beettana. Taani inttena omooduwaappe zaarana. Taani inttena laalido kawotettatu ubbaappenne soho ubbaappe shiishshana. SHiishshada taani inttena omooduwau yeddanaappe kase intte de7ido sohuwaa guyye zaarada ehaana. Taani GODAI hagaa odaas' yaagees.

Ermmaasa 30:3

Taani ta asaa Israa7eelanne Yihudaa omooduwaappe guyye zaarada ishalissiyo gallassati yaana; taani eta maizza aawatussi immido biittau eta zaarana; etikka laattana. Taani GODAI hagaa odais” yaagees.

Ermmaasa 31:23

Ubbaappe Wolqqaama GODAI, Israa7eela Xoossai, hagaadan yaagees; “Taani Israa7eela asaa omooduwaappe zaarada ishalissiyo wode, Yihudaa biittaaninne a katamatun eti naa77anttuwaa, 'Nenoo xillotettai de7iyo sohuwau, nenoo geeshsha deriyau, GODAI nena anjjo' yaagana.

Ermmaasa 31:38

GODAI hagaadan yaagees; “Hanaani7eela Adussa Gimbbiyaappe doommidi, Zooziyaa Penggiyaa gakkanaashin, Yerusalaame katamai taayyo, GODAAYYO, katama gididi, simmidi keexettiyo gallassati yaana.

Ermmaasa 31:4

Geeshsha Israa7eela asau, taani inttena zaarettada keexxana; inttekka keexettana. Zaarettidikka karaabiyaa oikkidi, ufaittiyaageetuura yexxananne durana.

Ermmaasa 31:40

Ahaa moogiyoonne bidinttaa oliyo zanggaarainne Qediroona Zanggaaraappe qommoora arshsho baggaara biidi, Paraa Penggiyaa zooziyaa gakkanaashin de7iya gade ubbai GODAASSI dummatidi, geeshsha gidana. Hagaappe sinttanau katamai merinau shodettennanne qolettenna” yaagees.

Ermmaasa 32:15

Aissi giikko, Ubbaappe Wolqqaama GODAI, Israa7eela Xoossai, hagaadan yaagees; “Ha biittan asai zaaridikka keettaa, gadiyaanne woiniyaa turaa tokkiyo sohuwaa shammana” yaagees' yaagaas” yaagiis.

Ermmaasa 32:44

Asai gadiyaa miishshan shammana; markkaa sinttan paramaa paramidi, maatafaa wottana. Hagee ubbai Biniyaama biittan, Yerusalaame yuushuwan de7iya heeratun, Yihudaa katamatun, gezziyan de7iya katamatun, bargguwan de7iya katamatuuninne Neegeeba Bazzuwan de7iya katamatu ubban hanana. Aissi giikko, taani eta zaarada ishalissana. Taani GODAI hagaa odais” yaagees.

Ermmaasa 33:7

Taani Yihudaa asaanne Israa7eela asaa omooduwaappe zaarada ishalissana; eti kase de7idoogaadan oottada taani eta gimbbana.

Ermmaasa 46:27

“Inttenoo, ta ashkkaratoo, Yaaqooba zaretoo, yayyoppite! Inttenoo, Israa7eelatoo, dagammoppite! Intte haahosan de7ishin, taani inttena ashshana; intte zaretakka eti omoodettido biittaappe yedissana. Yaaqooba zareti simmidi, aibakko bochchennan saro de7ana. Eta ai asinne yashissenna.

Ermmaasa 49:39

“Gidikkonne, wurssetta wodetun taani Elaama asaa zaarada ishalissana. Taani GODAI hagaa odais” yaagees.

Ermmaasa 49:6

“Gidikkonne, wurssetta wodetun taani Amoona asaassi zaarada ishalissana. Taani GODAI hagaa odais” yaagees.

Hizqqeela 36:11

Taani asaakka mehiyaakka intte bolli darissana; eti yelettananne corattana. Beniigaadankka intte bolli asai de7anaadan taani oottana. Taani intteyyo kaseegaappe aadhdhiya lo77obaa oottana. Taani GODAA gidiyoogaa intte hegan erana.

Amoxa 9:14

Omooduwan biida ta asaa Israa7eela zaarada ishalissana. Eti qolettida katamata zaaretti keexxidi, etan de7ana. Woine turaakka tokkidi, appe woine eessaa uyana. Qassi ataakilttetakka tokkidi, eta aifiyaa maana.

Zakkaariyaasa 1:12

“Hegaappe guyyiyan, GODAA kiitanchchai hagaadan yaagiis; 'Abeet Ubbaappe Wolqqaama GODAU, neeni hanqqettoosappe laappun tammu laittaa gidido ha Yerusalaamenne Yihudaa katamata maarennan aude gakkanaashin gam77uutee?' yaagiis.

Zakkaariyaasa 1:16

Hegaa gishshau, taani GODAI hagaa odais; taani Yerusalaame maarotaara simmaas. Ta Beeta Maqidasee yan keexettana; Yerusalaame katamaikka wodoruwan likettana. Taani Ubbaappe Wolqqaama GODAI hagaa odais' yaagees” yaagada awaajja.

Zakkaariyaasa 12:6

“He gallassi taani Yihudaa zareta mittaa dooriyaa giddon de7iya xiifanne mirqqetu giddon lacottiya xomppe oottana. Eti bantta ushachchan haddirssaaninne bantta yuushuwan de7iya asaa ubbaa maana; shin Yerusalaame katamai asai saro de7iyo soho gidana.

Zakkaariyaasa 12:7

“Daawita zaretu bonchchoinne Yerusalaamen de7iyaageetu bonchchoi Yihudaa asaa bonchchuwaappe aadhdhenna mala, taani GODAI kasetada Yihudaa asaassi xoonuwaa immana.

Zakkaariyaasa 14:10

Gebaa7appe doommidi, Yerusalaameppe tohossa baggaara de7iya Rimmoona giyo katamaa gakkanaashin de7iya biittai ubbai dembbattana. SHin Yerusalaamee Biniyaama Penggiyaappe biidi, beni penggiyaa ginaara Zooziyaa Penggiyaa gakkanaashiininne, qassi Hanaani7eela Adussa Gimbbiyaappe biidi, kawo woiniyaa gum77iyoosaa gakkanaashin, ba sohuwan xoqqu giidi de7ana.