Ermmaasa 3:23 - Wolaytta Bible

²³ Nuuni keratu huuphiyaaninne deretu huuphiyan eeqau goinniyoogee tumuppe cimo. Tumuppe nuuyyo, Israa7eelatuyyo atotettai GODAANA, nu Xoossaana.

Ermmaasa 3:23 Iomraidhean Croise

Mazamure Maxaafaa 3:8

Ashettai GODAAGAA; GODAU, ne asaa neeni anjja.

Mazamure Maxaafaa 62:7

Ta atotettainne ta bonchchoi Xoossaana; i ta mino zaallaanne ta qatuwaa.

Leemiso Maxaafaa 21:31

Olaayyo paraa kooranau danddayettees; shin olaa xoonissiyaagee GODAA.

Isiyaasa 10:20

He gallassan Israa7eelappenne Yihudaappe attidaageeti banttana shocidaageetun zemppokkona; shin eti tumuppe GODAN, Israa7eela Geeshshan zemppana.

Isiyaasa 12:2

“Be7ite, Xoossai ta atotettaa; taani an ammanettada, yayyikke. Aissi giikko, GODAI Xoossai taayyo wolqqanne yetta. I ta atotettaa gidiis” yaagana.

Isiyaasa 43:11

“Tanattennee; taani GODAA. Taappe attin, hara ashshiyaabi baawa.

Isiyaasa 44:9

Eeqa misileta massidi medhdhiya ubbati hada; eti an ufaittiyoobati eta go77okkona. Eta markkatikka be7okkonanne erokkona. Hegaa gishshau, eti yeellatana.

Isiyaasa 45:15

Abeet Xoossau, Israa7eela Ashshiyaagoo, tumuppe neeni nena genttiya Xoossaa.

Isiyaasa 45:17

SHin Israa7eela GODAI merinaa atotettan ashshirggiis; intte merinaukka yeellatekketanne kauyyekketa.

Isiyaasa 45:20

“Inttenoo kawotettatuppe attidaageetoo, issippe shiiqidi haayite; mataa shiiqite. Mittaappe oosettida eeqa misiliyaa tookki yuuyiyaageetaunne, ashshanau danddayenna xoossaa woossiyaageetau eri baawa.

Isiyaasa 63:1

Eedooma biittan de7iya Booxira giyo katamaappe zo7o maayuwaa maayidi yiyaagee, hegee i oonee? Ha puulaara de7iya maayuwaa maayidi, ba wolqqaa minotettan sinttau horddofiyai oonee? GODAI, “Hegee xilluwaa haasayiyaanne wolqqan ashshiya tana gidikkinaa!” yaagees.

Isiyaasa 63:16

Abrahaami nuna erana xayikkokka, Yaaqoobi nuna akeekennan xayikkokka, abeet GODAU, neeni nu aawaa. Beni wodiyaasappekka doommidi, ne sunttai nuna woziyaagaa.

Ermmaasa 14:8

Abeet Israa7eeli naagiyo ufaissau, metuwaa wodiyan a ashshiyaagoo, neeni biittan imattadan, issi qamma aqanau gelida ogiyaasadan aissi hanai?

Ermmaasa 17:14

Abeet GODAU, tana patta; taani paxana. Tana ashsha; taani attana. Aissi giikko, neeni taani galatiyoogaa.

Ermmaasa 17:2

Eta naati irxxa mitta ubbaa garssan, xoqqa keratu bollaaninne dembba biittan de7iya deretu bollan, giigissido yarshshiyo sohotun Asheero giyo xoosseessi essido misiliyau goinnoosona. Intte biitta ubbaa bollan oottido nagaraa acuwau qanxxo oottada, intte miishshaanne intte aqotaa ubbaa taani intte morkketuyyo immana.

Ermmaasa 3:6

Kawoi Yoosiyaasi kawotido laitti, GODAI tana hagaadan yaagiis; “Hanna ammanoi bainna Israa7eela oottidobaa neeni be7adii? A dere ubbaa bollinne daashsha mittatu ubbaa garssi baada, yan shaaramuxaasu.

Ermmaasa 31:7

GODAI hagaadan yaagees; “Yaaqooba asaassi ufaissan yexxite; kawotettatu ubbaappe aadhdhiya Israa7eelassi hombbocite. 'GODAI Israa7eela asaappe attidaageeta ashshiis' yaagidi galataa mazamuriyaa yexxite.

Hizqqeela 20:28

Taani etau immanau caaqqido biittaa eta ehaas. Etikka xoqqa keraanne irxxa mittaa be7ido wode, etan ubban bantta yarshshuwaa yarshshidosona. Eti bantta xuuggiyo yarshshuwan, bantta cuwayiyo ixaanaaninne bantta gussiyo ushshaa yarshshuwan tana hanqqetissidosona.

Hoose7a 1:7

SHin taani Yihudaa asaassi qarettana; taani GODAN, eta Xoossan, eta ashshanaappe attin, wonddafiyan woikko bisuwan woikko olan woikko paratun woikko paraasatun ashshikke” yaagiis.

Yohaannisa 4:22

Intte Samaariyaa asai intte erennabau goinneeta; atotettai Aihudatuppe yiyo gishshau, nuuni Aihudati nu eriyoogau goinnoos.