Ermmaasa 27:9 - Wolaytta Bible

⁹ Hegaa gishshau, inttena, 'Baabiloone kawuwaassi haarettekketa' yaagiya intte hananabaa yootiyaageeti, intteyyo kaayiyaageeti, intte aimuwaa birshshiyaageeti, intte shareechchotinne maliyaageeti yootiyoogaa siyoppite.

Ermmaasa 27:9 Iomraidhean Croise

Kessaabaa 22:18

“Bitiya mishiriyo paxa wottoppa.

Kessaabaa 7:11

Hegaappe guyyiyan kawoi aadhdhida eranchchatanne bitanchchata xeesissiis; xeesissin etikka, ha Gibxxetu shareechchoti bantta eeqan hegaadan oottidosona.

Leemiso Maxaafaa 19:27

Ta na7au, neeni zoriyaa siyiyoogaa aggidabaa gidikko, erau zokkuwaa zaaradasa.

Isiyaasa 8:19

“Saasukkidinne zuuzummidi haasayiya shareechchotanne moitilliyaa haasayissiyaageeta oichchite” yaagidi inttena zoriya asai de7ees. Haiqqidaageeta paxa de7iyaageetubaa oichchiyoogaappe, asai bantta Xoossaa oichchanau bessennee?

Ermmaasa 14:14

Yaagin GODAI taayyo hagaadan yaagiis; “Hananabaa yootiyaageeti ta sunttan wordduwaa yootoosona. Taani eta kiittabeikke, woikko azazabeikke, woikko etau yootabeikke. Eti intteyyo hananabaa giidi yootiyoobai worddo ajjuutaa, pattenna kaayuwaanne qoppi ekkidi yootiyo worddobaa.

Ermmaasa 23:16

Ubbaappe Wolqqaama GODAI hagaadan yaagees; “Hananabaa yootiyaageeti yootiyoobaa siyoppite. Eti hanennabaa, 'Hanana' giidi, wordduwaa odoosona. GODAI ba doonaappe yootin gidennan, eti banttappe qoppi ekkidi, ajjuutaa yootoosona.

Ermmaasa 23:25

GODAI hagaadan yaagees; “Ta sunttan wordduwaa hananabaa yootiyaageeti giyoobaa siyaas. Eti, 'Taani aimottaas; taani aimottaas!' yaagoosona.

Ermmaasa 23:32

Taani GODAI hagaa odais! Wordduwaa aimottidi, hananabaa yootiyaageetu bolli taani de7ais. Eti he aimuwaa yootidi, bantta wordduwaaninne bantta ceequwan ta asaa wora kaalettoosona. Taani eta kiittabeikke woikko, 'Yootite' gabeikke. Eti ha asaa ainne maaddokkona. Taani GODAI hagaa odaas” yaagees.

Ermmaasa 29:8

“Ee, Ubbaappe Wolqqaama GODAI, Israa7eela Xoossai hagaadan yaagees; 'Intte giddon de7iya intte hananabaa yootiyaageetinne shareechchoti yootiyooban cimettoppite. Eti aimottiyo aimokka siyoppite.

Hizqqeela 21:29

Intte be7iyo ajjuutai worddo; intte yootiyo hiraagaikka worddo. Intte iitanne tuna asa; intte wurssetta pirddaa gallassai gakkiis. Intte qooriyan bisoi wodhdhana hanees.

Daaneela 4:7

He wode shareechchoti, murunniyaageeti, aadhdhida eranchchatinne xoolinttiyaa paidiyaageeti taakko yin, ta aimuwaa etau yootaas; shin eti birshshettaa tana erissanau danddayibookkona.

Mikiyaasa 3:7

Ajjuutaa be7iyaageeti yeellatana; murunniyaageetikka kauyyana. GODAA matappe etau zaaroi bainna gishshau, eti yeellatidi, ubbaikka bantta doonaa oiqqana” yaagees.

Zakkaariyaasa 10:2

So giddo eeqaa misiletussi yootiyoobai hada; kaayiyaageeti worddo ajjuutaa be7oosona; aimottiyaageetikka worddo aimuwaa yootoosona; hada minttettuwaakka minttettoosona. Hegaa gishshau, asai duuxxida dorssaadan toilattees; eta heemmiyaabi bainna gishshau, eti qohettidosona.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Yesuusi Kiittidoogeetu Oosuwaa 8:11

Daro wodiyaappe doommidi, kaayuwan Samaariyaa asaa “Laa hagee aiba oorattabee” giissido gishshau, asai abaa ezggees.

Efisoona 5:6

Inttena ooninne pattenna haasayan cimmoppo; aissi giikko, hagaa gaasuwan Xoossaa hanqqoi azazettenna asaa bolli yaana.

Zaarettido Wogaa 13:2

i yootido malaatai woikko maalaalissiyaabai tumu gididi polettin, i inttena, 'Ane kase intte erenna hara xoossatussi goinnoos' yaagikko,

Zaarettido Wogaa 18:14

“Ha intte laattanau biyo biittan de7iya kawotettati murunniyaageetinne maracciyaa xeelliyaageeti odiyoogaa siyiyaageeta. SHin intte hegaa oottennaadan GODAI intte Xoossai inttena teqqiis.

Yaasu Maxaafaa 13:22

Israa7eela asai olan worido asaappe haraa, shareechchuwaa, Ba7oora na7aa Balaamakka bisuwan woridosona.

Ajjuutaa 18:23

Xomppiyaa poo7oikka naa77anttuwaa ne giddon poo7enna. Machchiyaagaa cenggurssainne bullashettiyaari cenggurssai sinttanau ne giddon siyettenna. Ne zal77anchchati sa7a ubban erettida wolqqaamata. Ne bitiyoogan asa zare ubbai cimettiis” yaagiis.

Ajjuutaa 21:8

SHin yayyiyaageeti, ammanennaageeti, tunati, shemppo woriyaageeti, shaaramuxiyaageeti, bitiyaageeti, eeqassi goinniyaageetinne worddotiyaageeti ubbai de7iyo sohoi tamainne dinnee eexxiyo abbaa gidana. Hegee naa77antto haiqo” yaagiis.

Ajjuutaa 22:15

SHin kanati, bitiyaageeti, shaaramuxiyaageeti, shemppuwaa woriyaageeti, eeqassi goinniyaageetinne bantta haasayaaninne bantta oosuwan worddotiyaageeti kareera de7oosona.

Ajjuutaa 9:21

Asai ba woridoogaa, woi ba bitidoogaa, woi ba shaaramuxidoogaa, woi ba wuuqqidoogaa aggidi, ba nagaraappe simmibeenna.