Ermmaasa 23:36 - Wolaytta Bible

³⁶ Hegaa gishshau, ooninne, 'GODAA toohuwaa' yaagidi naa77antto haasayanau bessenna. Aissi giikko, aawu doonaappe kiyiya qaalai aawussi tooho gidees. Hegan de7o Xoossaa, Ubbaappe Wolqqaama GODAA, nu Xoossaa qaalaa intte mirqqeeta.

Ermmaasa 23:36 Iomraidhean Croise

Kawotu Maxaafaa Naa77anttuwaa 19:4

De7o Xoossaa cayanaadan, a godai, Asoore kawoi, kiittido gadaawaa qaalaa ubbaa GODAI, ne Xoossai siyennan aggenna. Qassi GODAI, ne Xoossai he siyido qaalaa daafan a qaxxayennan aggenna. Hegaa gishshau, nu asaa giddon palahi attanaageetussi woossa!' yaagees” yaagidosona.

Mazamure Maxaafaa 12:3

Abeet GODAU, ha sheleeshshiya doonaa bara. Otoruwan, “Nuuni nu inxxarssan xoonana; nu inxxarssai nuugaa; nu godai oonee?” yaagidi, ceeqettiya inxxarssa ubbaa neeni qanxxa ola.

Mazamure Maxaafaa 120:3

Inttenoo worddanchchatoo, GODAI inttena waatanddeeshsha? Simmi harabaa ai gujjanddeeshsha?

Mazamure Maxaafaa 149:9

eta bolli xaafettida pirddaa polanaassa. Hegee Xoossaa asatu ubbaayyo xoono. GODAA galatite!

Mazamure Maxaafaa 64:8

Eta maqquwaa gishshau, i eta xaissana; eta be7iya ubbai huuphiyaa qaattana.

Leemiso Maxaafaa 17:20

Geella qofai de7iyo asi lo77obaa demmenna; shikkaalobaa haasayiya asikka metuwan gelees.

Isiyaasa 28:22

Godaappe, Ubbaappe Wolqqaama GODAAPPE i boshaa biitta ubbaa bolli ehaanau qachchidoogaa taani siyido gishshau, intte qashoi minnenna mala, qilliicciyoogaa aggite.

Isiyaasa 3:8

Yerusalaamee ganddigaarees; Yihudai kunddees; aissi giikko, eti bantta oduwaaninne bantta oosuwan GODAA bolli denddidi, a bonchchuwaa toochchoosona.

Ermmaasa 10:10

SHin GODAI tumu Xoossaa; i de7o Xoossaanne merinaa Kawuwaa. A hanqquwan biittai qaaxxees; kawotettatikka a yiilluwaa danddayokkona.

Ermmaasa 23:37

“Neenikka hananabaa yootiyaageeta, 'GODAI inttena woigidee?' woikko, 'Ai yootidee?' yaagada oichchanau bessees.

Ermmaasa Zilaassaa 2:14

Ne hananabaa yootiyaageeti neeyyo worddonne pattenna ajjuutaa be7idosona; eti neeni omooduwau beenna mala, ne nagaraa qonccissidi yootibookkona. Eti balettiya worddo ajjuutaa neeyyo be7idosona.

Maatiyoosa 12:36

Taani intteyyo odais; asi ba haasayido pattenna haasaya ubbau pirddaa gallassi zaaro immana.

Luqaasa 19:22

“Yaagin, ‘Neeni iita ashkkara; ne doonai haasayidoban nena taani pirddana. Taani tabaa gidennabaa ekkiyaagaa, qassi zerabeennabaa cakkiya meqetti bainna asa gidiyoogaa eradasa.

Yesuusi Kiittidoogeetu Oosuwaa 14:15

bantta qaalaa xoqqu oottidi, hagaadan yaagidosona; “Asau, hagaa aissi ootteetii? Nuunikka inttenadan merettida asa; ha pattenna yohuwaappe saluwaanne sa7aa, abbaanne eta giddon de7iya ubbabaa medhdhida de7o Xoossaakko intte simmana mala, inttessi nuuni wonggeliyaa mishiraachchuwaa yootoos.

Galaatiyaa 6:5

Aissi giikko, asai ubbai huuphiyan huuphiyan ba toohuwaa tookkanau bessees.

Zaarettido Wogaa 5:26

Aissi giikko, asho maayidaban, nuuni siyidoogaadan tamaa giddon gididi haasayishin, de7o Xoossaa qaalaa siyidi, paxa de7ida asi oonee?

Koiro Tasalonqqe 1:9

Aissi giikko, nuuni inttekko biido wode, intte nuna waati mokkidaakkonne qassi intte intte eeqaa aggidi, worddotenna de7o Xoossaayyo oottanau waani simmidaakko, eti bantta huuphen haasayoosona.

Naa77antto PHeexiroosa 3:16

Ba xaafiyo dabddaabbe ubban, he yohuwaabaa xaafiyo wode, i giyoogee hagaa. Tamaaribeenna asatinne minnibeenna asati Xoossaa maxaafata harata geellayiyoogaadankka, he dabddaabbiyaa giddon de7iya akeekanau waayissiya yohuwaa geellayoosona. Eti hegaa oottiyoogan bantta bolli bashshaa ehoosona.

Sameela Maxaafaa Koiruwaa 17:26

Yaagin Daawiti ba matan eqqida asaa, “Ha Pilisxxeemiyaa woridi, ha yeellaa Israa7eelappe qucciya uraassi aibi oosettanee? Ha qaxxarettibeenna Pilisxxeemee, de7o Xoossaa olanchchata naassiyaagee i oonee?” yaagidi oichchiis.

Sameela Maxaafaa Koiruwaa 17:36

Taani ne ashkkarai gaammuwaanne beeriyaa woraas; ha qaxxarettibeenna Pilisxxeemee de7o Xoossaa olanchchata naassido gishshau, ikka etappe issuwaadan hanana.