Ermmaasa 23:26 - Wolaytta Bible

²⁶ Ha hananabaa yootiyaageeti bantta qoppi ekkido wordduwan aude gakkanaassi ta asaa cimmanee?

Ermmaasa 23:26 Iomraidhean Croise

Mazamure Maxaafaa 4:2

Inttenoo asatoo, intte aude gakkanaassi ta bonchchuwaa kaushshuuteetii? SHori bainnabaakka aude gakkanaassi intte siiquuteetii? Wordduwaanne aude gakkanaassi caddi oiqqi kaalluuteetii?

Isiyaasa 30:10

Eti ajjuutaa yootiyaageeta, “Ajjuutaa be7oppite” yaagoosona; hananabaa yootiyaageetakka, “Ufaissiyaabaappenne milatiyaabaappe attin, nuuyyo suurebaa yootoppite.

Ermmaasa 13:27

Neeni laggettiyoogaa, neeni korima paraadan, ziitau caaggiyoogaanne ne yeelli bainna shaaramuxatettaa, neeni keraaninne dembban oottiyo sheneyiya oosuwaa taani be7aas. Yerusalaamee, neeyyo aayyee! Neeni aude gakkanaashin geeyennan de7uutee?” yaagees.

Ermmaasa 14:14

Yaagin GODAI taayyo hagaadan yaagiis; “Hananabaa yootiyaageeti ta sunttan wordduwaa yootoosona. Taani eta kiittabeikke, woikko azazabeikke, woikko etau yootabeikke. Eti intteyyo hananabaa giidi yootiyoobai worddo ajjuutaa, pattenna kaayuwaanne qoppi ekkidi yootiyo worddobaa.

Ermmaasa 17:9

“Asa wozani ubbabaappe aadhdhi cimmiyaabaanne keehi daro iita. A ooni eranau danddayii?

Ermmaasa 4:14

Nenoo Yerusalaamee, attana mala, ne wozanaa meeccada iitatettaappe geeshshargga! Iita qofai ne wozanan aude gakkanaashin gam77anee?

Hoose7a 8:5

Samaariyaa asau, mara milatissidi intte medhdhido eeqaa taani ixxaas; ta hanqqoi intte bolli eexxi kiyiis. Eti geeshsha gidennan aude gakkanaasshin daanee?

Yesuusi Kiittidoogeetu Oosuwaa 13:10

a, “Laa ha xalahe halaqaa na7au, gene ubbainne iitatetta ubbai kumidoogoo, xillotetta ubbau morkkiyau, Godaa ogiyaa suuriyaa geellayiyoogaa aggikkii?

Naa77antto Ximootiyoosa 4:3

Aissi giikko, asai tumu timirttiyaa ezggennan ixxiyo wodee yaana. SHin asai bantta amuwaa kaallidi, siyanau ufaissiyaabaa yootiya tamaarissiyaageeta gujji gujji shiishshana.

Naa77antto PHeexiroosa 1:21

Aissi giikko, hananabaa yootidobi ubbai geeshsha asati Geeshsha Ayyaanai kaalettin, Xoossaa qaalaa haasayidosonappe attin, asa sheniyan haasayettibeenna.