Ermmaasa 23:14 - Wolaytta Bible

¹⁴ Qassi Yerusalaamen de7iya hananabaa yootiyaageetu giddonkka daganttiyaabaa be7aas. Eti shaaramuxoosonanne worddotiiddi hemettoosona. Ooninne ba iita oosuwaappe simmennaadan, eti iitaa oottiyaageeta gede minttettoosona. Eti ubbaikka taayyo Sadooma mala; Yerusalaame asaikka Gamoora mala” yaagees.

Ermmaasa 23:14 Iomraidhean Croise

Doomettaabaa 13:13

He wode Sadooma asati iitanne GODAA bolli pala nagaraa oottiyaageeta.

Doomettaabaa 18:20

Yaagidi GODAI Abrahaama, “Sadoomappenne Gamoorappe waassiyo waasoi keehi darido gishshaunne eta nagarai keehi deexxido gishshau, eti oottidobi taakko gakkida waasuwaa keesa iitakkonne be7anau ane taani duge wodhdhais; hegaa mala iita gidana xayikkonne erana” yaagiis.

Doomettaabaa 19:24

GODAI he wode tamaanne eexxiya dinniyaa Sadoomanne Gamoora bollan GODAA matappe saluwaappe bukissi bayiis.

Doomettaabaa 19:25

Hegaadan oottidi GODAI he katamata, he wombbaa ubbaa, he katamatu giddon de7iya ubbaanne he biittan de7iya mittaa maataa xaissiis.

Isiyaasa 9:15

Cimatinne bonchchettidaageeti huuphe; wordduwaa tamaarissiya hananabaa yootiyaageeti goina.

Ermmaasa 14:14

Yaagin GODAI taayyo hagaadan yaagiis; “Hananabaa yootiyaageeti ta sunttan wordduwaa yootoosona. Taani eta kiittabeikke, woikko azazabeikke, woikko etau yootabeikke. Eti intteyyo hananabaa giidi yootiyoobai worddo ajjuutaa, pattenna kaayuwaanne qoppi ekkidi yootiyo worddobaa.

Ermmaasa 18:13

Hegaa gishshau, GODAI hagaadan yaagees; “'Hagaa malabaa siyi ereetii?' yaagidi ane kawotettatu giddon lal77ite. Geela7iyaa Israa7eela keehippe sheneyiyaabaa oottaasu.

Ermmaasa 20:16

He bitanee GODAI qarettennan aatti yeggidi xaissido katamatudan hano. He bitanee maallado waasuwaa, gallassa seetan, “Olai gakkiis!” giyo oduwaa siyo.

Ermmaasa 23:17

Tana kariyaageeta eti, 'GODAI, “Intte saro de7ana” yaagees' yaagoosona. Qassi bantta wozanaa muumetettaa kaalettiyaageeta ubbaa eti, 'Intte bolli aiba iitabinne yeenna' yaagoosona” yaagees.

Ermmaasa 23:22

Eti taani zoriyoosan eqqidabaa gidiyaakko, ta qaalaa ta asaassi yootana shin! Eti eta iita ogiyaappenne eta iita oosuwaappe zaarana shin!” yaagees.

Ermmaasa 23:32

Taani GODAI hagaa odais! Wordduwaa aimottidi, hananabaa yootiyaageetu bolli taani de7ais. Eti he aimuwaa yootidi, bantta wordduwaaninne bantta ceequwan ta asaa wora kaalettoosona. Taani eta kiittabeikke woikko, 'Yootite' gabeikke. Eti ha asaa ainne maaddokkona. Taani GODAI hagaa odaas” yaagees.

Ermmaasa 29:21

“'Hananabaa' giidi intteyyo GODAA sunttan worddobaa yootiya Qolaaya na7aa Akaababaanne Ma7iseeya na7aa Xidiqiyaabaa Ubbaappe Wolqqaama GODAI, Israa7eela Xoossai hagaadan yaagees; 'Taani eta Baabiloone Kawuwaa Naabukadanaxoorayyo aattada immana. Intte xeellishin, i eta worana.

Ermmaasa 29:23

Aissi giikko, eti Israa7eelan pala nagaraa oottidosona. Eti bantta shoorotu maccaasaa laggettidosona; yaatidi taani eta azazabeenna worddobaa ta sunttan haasayoosona. Hegaa eriyaagee tana; hegau taani markka. Taani GODAI hagaa odaas' yaagees” yaagiis.

Ermmaasa 36:2

“Issi xaatta maxaafaa ekkada, taani Yoosiyaasa wodiyan koiro neeyyo odido gallassaappe doommada, hachchi gakkanaassi Israa7eela bolli, Yihudaa bollinne hara kawotettatu ubbaa bolli haasayido qaalaa ubbaa xaafa.

Ermmaasa 49:18

Sadoominne Gamoori bantta yuushuwan de7iya katamatuura bayiyo wode hanidoogaadan, ooninne yan de7enna; asi mulekka yan uttenna. Taani GODAI hagaa odais.

Ermmaasa Zilaassaa 4:6

Ta asaa gakkida qixaatee o kusheenne bochchennaaninne qoppennan aadhdhi wodhdhida Sadooma katamaa asaa gakkida qixaatiyaappekka dariis.

Hizqqeela 13:16

Israa7eelan de7iya, Yerusalaamebaa hananabaa yootidaageeti, saroi bainnan ayyo saruwaa be7idaageeti, eti de7okkona' yaagais. Taani Ubbaa Haariya GODAI hagaa odais” yaagees' yaaga.

Hizqqeela 13:19

Issi kophphe bangga woikko issi baso oitta demmanau, yeellayiyaabaa oottidi, ta asaa sinttan tana kaushsheeta. Hegaa giyoogee intte haiqqanau bessennaageeta woridi, attanau bessennaageeta ashsheeta giyoogaa. Yaatidi ta asaassi wordduwaa odeeta; etikka intte wordduwaa siyoosona” yaagees.

Hizqqeela 22:25

Eta halaqati ba woridobaa gudiiddi mentterettiya gaammo mala; eti asaa woroosona; miishshaa gidin, hara buquraa gidin, ubbaa banttau ekkoosona; eti daro maccaasaa am77e kessidosona.

Hoose7a 6:10

Taani Israa7eela asan daganttiyaabaa be7aas. Efireema giddon shaaramuxatettai de7ees; Israa7eelikka tuniis.

Amoxa 4:11

GODAI, “Sadoomanne Gamoora katamata xaissidoogaadan, intteppekka darota xaissaas; ha attida inttekka tamaappe eexxiiddi attida xiifa mala; shin intte hegankka taakko simmibeekketa” yaagees.

Mikiyaasa 1:5

Hagee ubbai haniyoogee Yaaqooba zaretu mooruwaa gishshaassanne Israa7eela asaa nagaraa gishshaassa. Yaaqooba zaretu mooruwaassi gaaso gididai oonee? Eta katamaa Samaariyaa gidennee? Yihudaa asai goinniyo xoqqa sohoi awee? Yerusalaame gidenneeyye?

Mikiyaasa 3:11

A halaqati mattaayiyan pirddoosona; a qeeseti damoozan tamaarissoosona; qassi a hananabaa yootiyaageetikka miishshaa qanxxin murunnoosona. SHin yaatidikka, “GODAI nu giddon de7ees gidennee? Nu bolli aiba iitabaikka yeenna” yaagidi an ammanettoosona.

Sofonaasa 3:4

An de7iya hananabaa yootiyaageeti otoranchchanne genanchcha. A qeesetikka geeshshabaa tunissiyaageeta; qassi eti GODAA higgiyaa banttau injjetiyaagaadan, mirqqidi birshshoosona.

Zakkaariyaasa 13:2

He gallassi taani eti naa77antto hassayettennaadan, eeqatu sunttaa biittaappe xaissana. Qassi hananabaa yootiyaageetanne tuna ayyaanaa biittaappe xaissana. Taani Ubbaappe Wolqqaama GODAI hagaa odais.

Milkkiyaasa 1:1

GODAI Milkkiyaasa baggaara Israa7eela asaassi yootido hiraagaa qaalai hagaa.

Maatiyoosa 11:24

taani intteyyo odais; pirddaa gallassi Xoossai neeppe Sadoomayyo pirddaa kehissana” yaagiis.

Zaarettido Wogaa 32:32

Eta woinee Sadooma woiniyaappenne, Gamoora shooqaappe yiidaagaa. Eta teerai marzze; eta wurccoikka cammiyaagaa.

Koiro Ximootiyoosa 4:2

Hagaa mala timirttee zoriya wozanai taman bonqqida biratan xuuggidobaadan donjjillida worddanchcha asatu baggaara yiis.

Naa77antto PHeexiroosa 2:6

Xoossai Sadoomanne Gamoora giyo katamata biitta bidintta oottidi, xuuggi xaissidi, nagaranchcha gidiyaageeta gakkanabau leemiso oottiis.

Yihudaa 1:7

Hegaadan Sadoomanne Gamoora giyo katamatuuninne eta heeran de7iya katamatun de7iya asai he kiitanchchatudan shaaramuxidosonanne shaaramuxanau keehi qaaqqatidosona; hegeeti merinaa taman eexxidi, haratuyyo leemiso gididosona.

Ajjuutaa 11:8

Eta Godai masqqaliyaa bollan misimaariyan xishettidi kaqettido katamaa wogga ogiyan eta ahai zin77ana. He katamai leemisuwan Sadooma woi Gibxxe geetettidi xeesettees.

Ajjuutaa 19:20

He do7ai a sinttan Xoossai oottiyo malaataa oottida wordduwaa hananabaa yootiyaagaara issippe ohettiis. Do7aa malaatai de7iyoogeetanne do7aa misiliyau goinnidaageeta i balettidoogee he oottiyo malaatatuuna. Do7ainne wordduwaa hananabaa yootiyaagee naa77aikka dinniyaara eexxiya tama abban paxa yegettidosona.

Ajjuutaa 21:8

SHin yayyiyaageeti, ammanennaageeti, tunati, shemppo woriyaageeti, shaaramuxiyaageeti, bitiyaageeti, eeqassi goinniyaageetinne worddotiyaageeti ubbai de7iyo sohoi tamainne dinnee eexxiyo abbaa gidana. Hegee naa77antto haiqo” yaagiis.

Ajjuutaa 22:15

SHin kanati, bitiyaageeti, shaaramuxiyaageeti, shemppuwaa woriyaageeti, eeqassi goinniyaageetinne bantta haasayaaninne bantta oosuwan worddotiyaageeti kareera de7oosona.