Ermmaasa 22:3 - Wolaytta Bible

³ GODAI hagaadan yaagees; “Suure pirddaanne xillobaa oottite. Bonqqettidaageeta huqqunniyaageetu kushiyaappe ashshite. Betetu bolli, aawai bainna naatu bollinne azinati haiqqido maccaasatu bolli genebaa woikko makkalabaa oottoppite. Qassi xillo asa suuttaa ha sohuwan gussoppite.

Ermmaasa 22:3 Iomraidhean Croise

Sameela Maxaafaa Naa77anttuwaa 23:3

Israa7eela Xoossai haasayiis; Israa7eela Zaallai tana hagaadan yaagiis; 'Xillotettan deriyaa haariya kawoi, Xoossaassi yayyiiddi kawotiya kawoi

Iyyooba Maxaafaa 22:9

Am77eta mela kushe yeddadasa; aawi bainnaageetakka huqqunnadasa.

Iyyooba Maxaafaa 24:9

“Iita asati aawai bainna na7aa aayee xanttaa xammiyoosaappe dafi ekkoosona; hiyyeesatu guutta naatakka acuwaayyo oiqqoosona.

Mazamure Maxaafaa 68:5

Xoossai ba de7iyo geeshsha sohuwan, aawi bainna naatussi aawa; qassi azinai haiqqido maccaasata naagiyaagaa.

Mazamure Maxaafaa 82:4

Hiyyeesatanne metootanchchata ashshite; iitatu kushiyaappe eta wotti ekkite.

Mazamure Maxaafaa 94:21

Xillota woranau eti issippe yaa7oosona; geeshshata haiquwau pirddoosona.

Mazamure Maxaafaa 94:6

Eti am77etanne beteta woroosona; aawai bainnaageetakka siifoosona.

Kessaabaa 22:21

Betidi yiida asa qohoppite woikko un77oppite; aissi giikko, inttekka Gibxxe biittan bete gididi de7ideta.

Kessaabaa 22:22

Azinai haiqqido am77iyoonne aawai haiqqido hiyyeesaa un77oppite.

Leemiso Maxaafaa 23:10

Beni zawaa shoddoppa; qassi aawi bainna naatu gadiyaa zawaa sugoppa;

Leemiso Maxaafaa 6:17

karidi xeelliya aifiyaa, worddotiya inxxarssaa, ashkke asata woriya kushiyaa,

Isiyaasa 1:23

Intte daannati makkalanchchatanne kaisotu exata gididosona; eti ubbatikka mattaayiyaa dosoosonanne miishshaa yedettoosona; aawi bainnaageetussi pirddokkona; azini haiqqido maccaasatu mootoi etakko shiiqenna.

Isiyaasa 58:6

“Taani doorido xoomaa hagaa be7ite: pirddan naaqqidi qachchidoogeetu sanssalataa lefettiyoogaa, qambbaraa gonniyaa birshshiyoogaa, huqqunnettidaageeta huqqunnuwaappe kessiyoogaanne qambbara ubbaa menttiyoogaa.

Isiyaasa 58:7

Qassi taani doorido xoomai namisettidaagau intte qumaa shaakkiyoogaa, keetti bainna hiyyeesata soo ekkiyoogaa, kallottidaageeta be7iyo wode, maizziyoogaa, maaduwaa koyiya intte dabbuwaappe intte sinttaa genttennan aggiyoogaa.

Ermmaasa 19:4

Aissi giikko, asati tana aggidosona; eti woikko eta aawati, woikko Yihudaa kawoti erenna hara xoossatussi xuuggiyo yarshshuwaa yarshshiyoogan ha sohuwaa tunissidosona. Eti xillo asatu suuttaa ha sohuwan kunttidosona.

Ermmaasa 21:12

Inttenoo, Daawita zaretoo, GODAI inttena hagaadan yaagees; “Wonttin wonttin suure pirddite; bonqqettidaageeta huqqunniyaageetu kushiyaappe ashshite. Hinna xayikko, intte iita oosuwaa gaasuwan ta hanqqoi tamadan eexxi kiyana; ooninne a toissenna” yaagees' yaaga” yaagiis.

Ermmaasa 22:17

SHin harabaa aggidi, ne aifeenne ne wozanai jaamiyoogee ne go77aa demmanaassanne xillo suuttaa gussanaassa, asa suganaassanne huqqunnanaassa.

Ermmaasa 26:16

Yaagin halaqatinne asai ubbai qeesetuyyoonne hananabaa yootiyaageetuyyo hagaadan yaagidosona; “Ha bitanee haiqqanau bessenna! Aissi giikko, i GODAA nu Xoossaa sunttan nuuyyo yootiis” yaagidosona.

Ermmaasa 5:28

Eti orddenne modhdho gididi diccidosona. Eta iita oosuwaassi zawai baawa. Eti aawi bainna naata shatinttanau eta gishshaa mootettokkona; hiyyeesatu maataakka naagibookkona.

Ermmaasa 7:23

SHin taani etayyo ha azazuwaa immaas; 'Taayyo azazettite. Yaatikko, taani intte Xoossaa gidana; inttekka ta asaa gidana. Intteyyo lo77ana mala, taani inttena azaziyo oge ubban hemettite' yaagaas.

Ermmaasa 9:24

SHin ceeqqiya urai ooninne tana eriyoogaaninne akeekiyoogan ceeqqo. Aggenna siiquwaa, suure pirddaanne xillotettaa sa7aa bollan oottiya GODAA, tana eriyoogan ceeqqo. Aissi giikko, taani hageetan ufaittais. Taani GODAI hagaa odaas” yaagees.

Ermmaasa Zilaassaa 3:36

qassikka shilootan pirddaa geellayoosona. Eti Godai hegaa ubbaa be7enna giidi qoppiyoonaayye?

Hizqqeela 18:12

i hiyyeesaanne manqquwaa huqqunnees; i asabaa bonqqees; acuwaassi oiqqidobaa zaarenna; eeqaukka goinnees; tunabaakka oottees;

Hizqqeela 18:7

oonanne huqqunnana xayikko, acuwaassi oiqqidobaa guyye zaarikko, issi uraanne bonqqana xayikko, bau de7iyaagaappe namisettida asa mizikko, kallottidaagaa maizzikko,

Hizqqeela 22:7

Ne giddon de7iyaageeti bantta aawaanne bantta aayyiyo bonchchokkona; eti betetakka huqqunnidosona; am77etanne aawu aaya bainna naata naaqqoosona.

Hizqqeela 45:9

“'Ubbaa Haariya GODAI hagaadan yaagees; “Inttenoo, Israa7eela halaqatoo, intteyyo ha77i gidana! Intte makkaliyoogaanne asaa huqqunniyoogaa aggite; suure pirddaanne xillotettaa oottite. Ta asaa eta laata biittaappe xoqollidi gooddiyoogaa aggite. Taani Ubbaa Haariya GODAI hagaa odais.

Yuu7eela 3:19

“Gibxxe biittai baisa gidana; Eedooma biittaikka booddila bazzo gidana. Aissi giikko, eti Yihudaa asaa bolli iitabaa oottidosona; qassi Yihudaa biittan xillo asaa suuttaakka gussidosona.

Wogaabaa 19:15

“'Pirddaa pirddaidda geellayoppa; hiyyeesaa a hiyyeesatettaa gishshau maaddada pirddoppa; duriyaakka a duretettaa gishshau yayyada aggoppa. SHin ne shooruwaayyo tumatettan pirdda.

Amoxa 5:15

Iitabaa ixxite. Lo77obaa dosite. Pirddaa gutarankka suure pirddaa pirddite. Yaatikko, ooni erii, GODAI, Ubbaappe Wolqqaama Xoossai Yooseefa zerettatuppe attida amaridaageetussi qarettanaakkonne.

Amoxa 5:24

SHin suure pirddai pultto haattaadan, xillotettaikka to77enna shaafaa haattaadan goggo.

Mikiyaasa 3:11

A halaqati mattaayiyan pirddoosona; a qeeseti damoozan tamaarissoosona; qassi a hananabaa yootiyaageetikka miishshaa qanxxin murunnoosona. SHin yaatidikka, “GODAI nu giddon de7ees gidennee? Nu bolli aiba iitabaikka yeenna” yaagidi an ammanettoosona.

Mikiyaasa 6:8

Hai asau, GODAI neeyyo lo77obaa odi wottiisttenne. GODAI neeppe koyiyoogee aibee giikko, neeni suurebaa oottanaagaa, aggenna siiquwaa bessanaagaanne ashkketettan ne Xoossaara hemettanaagaa.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Maatiyoosa 23:23

“Lo77o milatiya iitatoo, higgiyaa tamaarissiyaageetoonne Parisaawetoo, intteyyo aayye7ana. Aissi giikko, karetta sawuwaappe, katikallaappenne okashiyaappe asirataa intte immeeta; shin higgiyan de7iya keehi koshshiyaageeta aggi bayeeta; hegeeti pirddaa, maarotettaanne xillotettaa. Haratakka aggennan, intte oottanau bessiya yohoti hegeeta.

Zaarettido Wogaa 10:18

I aawu bainna naatussinne am77etussi eta pirddaa kessees; betiyaakka siiqidi, qumaanne maayuwaa ayyo immees.

Zaarettido Wogaa 24:17

“Kare biitta asatu pirddaanne aawu aaya bainnaageetu pirddaa geellayoppa; am77ee maayuwaa a tal77idobau gaada oiqqoppa.

Zaarettido Wogaa 24:7

“Ba isha gidiya Israa7eela asa wuuqqi efiidi, aille kessiya asi woikko harau baizziya ai asinne haiqqo. Hegaadan oottiyoogan intte giddoppe iitaa diggeeta.

Zaarettido Wogaa 25:1

“Naa77u asati ooyettidi pirdda keettaa yiikko, daannati geeshshaa ne likke giidi, naaqqidaagaa ne mooranchcha giidi pirddona.

Zaarettido Wogaa 27:19

“'Betiyaa, aaya aawu bainna naatu pirddaanne am77ee pirddaa geellayiya asi qanggettidaagaa gido' yaagin, asai ubbai, 'Amin77i' yaago.

Yaaqooba 1:27

Xoossaa Aawaa sinttan pokkoi bainna geeshsha ammanoi hagaa; hegee augee giikko, aaya aawi bainna naatanne waayettiya am77eta maaddanaagaanne sa7aa nagaraa qitaappe ba huuphiyaa naaganaagaa.