Ermmaasa 20:12 - Wolaytta Bible

¹² Abeet Ubbaappe Wolqqaama GODAU, xillota paacciyaagoo, wozanaa kahaa be7iyaagoo, neeni ta morkketu bollan ta haluwaa kessada tana bessa. Aissi giikko, taani ta mootuwaa neeyyo aattaas.

Ermmaasa 20:12 Iomraidhean Croise

Hanidabaa Odiya Naa77antto Maxaafaa 24:22

Kawoi Yo7aashi Zakkaariyaasa aawai Yoodaahee baayyo oottido kehatettaa hassayennan aggidi, a na7aa Zakkaariyaasa worissiis. Zakkaariyaasi haiqqiiddi, “GODAI hagaa be7idi, halo kesso” yaagiis.

Mazamure Maxaafaa 11:5

GODAI xilluwaa qorees. SHin iitatanne hanttaarabaa siiqiyaageeta i keehippe ixxees.

Mazamure Maxaafaa 139:23

Abeet Xoossau, tana qorada, ta wozanaa era; tana paaccada, ta qofaa era.

Mazamure Maxaafaa 17:3

Neeni qamman tana xomoosadasa; ta wozanaa paaccadasa. SHin paaccadakka; ta bolli ainnekka demmakka. Taani hara asatudan iita qaalaa haasayikke; taani ne azazuwaa naagiyo gishshau, gene ogiyaa kaallabeikke.

Mazamure Maxaafaa 54:7

Aissi giikko, neeni tana ta meto ubbaappe ashshadasa; ta morkketi xoonettiyoogaa ta aifiyan be7aas.

Mazamure Maxaafaa 58:10

Haluwaa kessiyoogaa be7iyo wode, xilloti ufaittana. Iitatu suuttan bantta tohuwaa meecettana.

Mazamure Maxaafaa 59:10

Ta Xoossai aggenna ba siiquwan taakko yaana; ta Xoossai ta morkketa xooniyoogaa i tana bessana.

Mazamure Maxaafaa 62:8

Asau, Xoossan ubba wode ammanettite; i nuuyyo qato gidiyo gishshau, intte metuwaa ayyo yootite.

Mazamure Maxaafaa 7:9

Qofaanne wozanaa qorada eriya xillo Xoossau, iitatu geniyaa neeni xaissa. SHin xilluwaa sarotan mintta wotta.

Mazamure Maxaafaa 86:4

Abeet Godau, taani ta shemppuwaappe nena woossiyo gishshau, tana, ne ashkkaraa ufaissa.

Isiyaasa 37:14

Hizqqiyaasi dabddaabbiyaa kiitettida asatuppe ekkidi nabbabiis. Nabbabido dabddaabbiyaa GODAA Beeta Maqidasiyaa ekki efiidi, GODAA sinttan micciis.

Isiyaasa 38:14

Taani cirashuwaadaaninne haatta kafuwaadan waassaas; haraphphedankka zuuzummaas. Ta aifeti saluwaa pude xeelliiddi xeelliiddi daafuridosona. Abeet Godau, taani un77ettaas; neeni tana ha un77uwaappe kessa!” yaagaas.

Ermmaasa 11:20

SHin abeet Ubbaappe Wolqqaama GODAU, xillo pirddiyaagoo, asaa wozanaa kahaa qoriyaagoo, neeni eta bolli ne haluwaa kessiyoogaa tana bessa. Aissi giikko, taani ta qohuwaa neeyyo magannaas.

Ermmaasa 12:8

Ta doorettida asai taayyo bazzon de7iya gaammo mala gidiis. I ta bolli gudiis; hegaa gishshau, taani a ixxaas.

Ermmaasa 17:10

Taani GODAI asau ubbau a ogiyaadaaninne a oosuwaadan zaaranau, asaa wozanaa qoraisinne a kahaa paaccais” yaagees.

Ermmaasa 17:18

Tana yedettiyaageeta yeellaya; shin tana yeellayoppa. Eta dagantta; shin tana daganttoppa. Eta bolli meto gallassaa eha; eta naa77u kushe qixaatiyaa qaxxaya.

Koiro PHeexiroosa 2:23

Asi bana cayiyo wode, zaaridi cayibeenna; waayettiyo wodekka manddibeenna. SHin xillo pirddiya Xoossaayyo bana aattidi immiis.

Koiro PHeexiroosa 4:19

Hegaa gishshau qassi, Xoossai giidoogaadan waayettiyaageeti lo77obaa oottiiddi, bantta shemppuwaa hadaraa banttana medhdhida ammanettiya Xoossau immona.

Ajjuutaa 18:20

He katamiyaa xayido gishshau, saluwau, ufaitta! Geeshshatoo, Yesuusi kiittidoogeetoo, hananabaa yootiyaageetoo, ufaittite! Aissi giikko, a inttena oottidobaa gishshau Xoossai o pirddiis.

Ajjuutaa 2:23

Taani i naatakka worana; qassi woosa keetta ubbaikka taani asa qofanne amo eriyaagaa gidiyoogaa erana; taani intteyyo intte oosuwaa malaa immana.

Ajjuutaa 6:10

Eti bantta qaalaa xoqqu oottidi, “Ubbaa Haariya Godau, geeshshau, tumanchchau, sa7an de7iya asaa bolli aude pirdduutee? Qassi nu suuttaa aude achchuutee?” yaagidosona.

Sameela Maxaafaa Koiruwaa 1:15

Yaagin Haanna hagaadan yaagada ayyo zaaraasu; “CHii, ta godau, taani keehi metootanchcha maccaasa; taani ta shemppuwaappe GODAA woossaisippe attin, woine eessaa woikko mattoyiya ushshaa uyabeikke.