Ermmaasa 17:23 - Wolaytta Bible

²³ Gidikkonne, eti siyibookkona; bantta haittaakka taakko yeggibookkona. Eti siyennaaninne taappe tamaarennan ixxidosona.

Ermmaasa 17:23 Iomraidhean Croise

Mazamure Maxaafaa 50:17

Neeni ta timirttiyaa ixxoohoo; ta qaalaakka haitta bollaara aattoohoo.

Leemiso Maxaafaa 1:3

Eti aadhdhida eratettan, de7ana de7uwaa, xillotettaa, suure pirddaanne suuretettaa tamaarissiyaageeta,

Leemiso Maxaafaa 1:5

Aadhdhida eranchchati ha leemisota siyidi, eraa gujjoosona; akeekanchcha asatikka lo77o zoriyaa ekkoosona.

Leemiso Maxaafaa 29:1

Daroton seerin ixxidi, morgge zozzida urai hassayennan meqqana; he urau paxoikka baawa.

Leemiso Maxaafaa 5:12

Qassi hagaadan yaagana; “Taani timirttiyaa aissi ixxidanaashsha! Ta wozanaikka seeraa aissi karideeshsha!

Leemiso Maxaafaa 8:10

“Biraa aggidi, ta zoriyaa doorite; muruta worqqaakka aggidi, eratettaa doorite.

Isiyaasa 48:4

Aissi giikko, neeni yootin siyennaagaa, ne morggee birataa mala gidiyoogaa, ne som77oikka nahaasiyaa giyo birataadan leeqqamennaagaa taani eraas.

Ermmaasa 11:10

Eti kase ta qaalaa siyennan ixxida bantta maizza aawatu nagarau guyye simmidosona. Eti hara xoossatuyyo goinnidosonanne etayyo oottidosona. Israa7eela asatikka Yihudaa asatikka taani kase eta maizza aawatuura maacettido maachchaa kanttidosona.

Ermmaasa 19:15

“Ubbaappe Wolqqaama GODAI, Israa7eela Xoossai hagaadan yaagees; 'Siyite, taani ha katamaa bollinne a heeran de7iya moottatu ubbaa bolli ehaana giido iitabaa ubbaa eta bolli ehaana hanais. Aissi giikko, eti morgge zozza gididi, taani yootidobaa siyennan ixxidosona' yaagees” yaagiis.

Ermmaasa 32:33

Eti bantta som77uwaa aggidi, bantta zokkuwaa taayyo zaaridosona. Taani eta zaara zaarada tamaarissikkokka, eti siyibookkonanne seeraakka ekkibookkona.

Ermmaasa 35:15

Qassi taani zaara zaarada hananabaa yootiya ta ashkkarata ubbaa inttekko yeddaas; yeddin eti, “Intte ubbaikka intte iita ogiyaappe ha77i simmite; intte oosuwaakka loittite; hara xoossatussi goinnoppitenne oottoppite. Yaatikko, taani GODAI intteyyoonne intte maizza aawatuyyo immido biittan intte de7ana” yaagidosona. SHin intte taani odiyoogaa siyanau intte haittaa taakko yeggekketa.

Ermmaasa 5:3

Abeet GODAU, ne aifeti tumaa xeellokkonaayye? Neeni eta dechchadasa, shin eta sakkibeenna. Neeni eta kinchcherettadasa, shin eti seeraa ekkennan ixxidosona. Eti bantta som77uwaa zaallaappe aatti minttidi, bantta nagaraappe simmennan ixxidosona.

Ermmaasa 6:8

Nenoo Yerusalaamee, taani nena seeriyoogaa ekka. Ekkennan ixxikko, taani neeppe shaahettananne ne biittaa issi asinne de7enna baadine biitta kessana” yaagees.

Ermmaasa 7:28

Hegaa gishshau, Ermmaasaa, neeni etayyo hagaadan yaaga; 'GODAU ba Xoossau azazettenna woikko seerin simmenna kawotettai hagaa. Tumai xayiis; tumai eta inxxarssaappe bayiis.

Hizqqeela 20:13

“'“SHin Israa7eela asai ha bazzuwankka ta bollan makkalidosona. Azazettida ubbau de7uwaa immiya ta wogaadan hemettibookkona; ta higgiyaakka menttidosona; ta Sambbataakka daro tunissidosona. Yaatin, taani bazzon ta hanqquwaa eta bolli gussada, eta wurssanau qoppaas.

Hizqqeela 20:16

Aissi giikko, eti eeqau goinnidi, ta higgiyaa ixxido gishshaassa, ta wogaadan hemettibeenna gishshaassanne ta Sambbataakka tunissido gishshaassa.

Hizqqeela 20:21

“'“SHin he naatikka ta bollan makkalidosona; azazettiya asa ubbau de7uwaa immiya ta wogaadan hemettibookkona; ta higgiyaakka eti naagibookkona; ta Sambbataakka tunissidosona. Yaatin, taani bazzon ta hanqquwaa eta bolli gussanau, ta yiilluwaakka eta bolli wurssanau qoppaas.

Sofonaasa 3:7

Taani hagaa ubbaa Yerusalaamessi oottada, 'Simmi ta asai tana bonchchana; taani seeriyo seeraakka ekkana; taani azazidobaakka dogenna' yaagaas. SHin eti kaseegaappekka yaa yaa bantta oosuwan tuniiddi biidosona” yaagees.

Yesuusi Kiittidoogeetu Oosuwaa 7:51

“Intte aiba morgge zozzida asee? Intte wozanai Xoossaa qaalaa ekkanau aiba dammidee? Intte haittaikka aiba tullidee? Ubba wode Geeshsha Ayyaanaassi azazettennan ixxeeta.

Daannatu Maxaafaa 6:10

Yaatada taani inttena, “Taani GODAA intte Xoossaattennee; intte eta biittaa laattido Amooretu xoossatuyyo goinnoppite” yaagada yootaas. SHin intte ta qaalaa siyennan ixxideta' yaagees” yaagiis.