Ermmaasa 17:18 - Wolaytta Bible

¹⁸ Tana yedettiyaageeta yeellaya; shin tana yeellayoppa. Eta dagantta; shin tana daganttoppa. Eta bolli meto gallassaa eha; eta naa77u kushe qixaatiyaa qaxxaya.

Ermmaasa 17:18 Iomraidhean Croise

Iyyooba Maxaafaa 16:14

Olanau woxxiya olanchchaadan, i tana zaari zaaridi masunxxissees.

Mazamure Maxaafaa 35:4

Ta shemppiyo woranau koyiyaageeti yeellatonanne kauyyona; ta bolli iitabaa maqettiyaageeti kauyyidi guyye simmona.

Mazamure Maxaafaa 35:8

Erennan de7ishin, eta bollan bashshai puttu go. Eti wottido piree eta oiqqo; eti bashshan kunddona.

Mazamure Maxaafaa 40:14

Tana woranau koyiyaageeti mulekka yeellatonanne kauyyona. Taani qohettanaagaa amottiyaageeti kauyyidi guyye simmona.

Mazamure Maxaafaa 70:2

Tana woranau koyiyaageeti yeellatonanne kauyyona. Taani qohettanaagaa amottiyaageeti, kauyyidi guyye simmona.

Mazamure Maxaafaa 71:1

Abeet GODAU, taani neekko baqatais; audenne tana yeellayoppa.

Ermmaasa 1:17

“SHin neeni ne huuphiyau giiga! Dendda eqqada, taani nena azaziyoogaa ubbaa etayyo oda. Etayyo yayyoppa. Neeni etayyo yayyikko, taani nena eta sinttan gujja yashissana.

Ermmaasa 11:20

SHin abeet Ubbaappe Wolqqaama GODAU, xillo pirddiyaagoo, asaa wozanaa kahaa qoriyaagoo, neeni eta bolli ne haluwaa kessiyoogaa tana bessa. Aissi giikko, taani ta qohuwaa neeyyo magannaas.

Ermmaasa 12:3

SHin abeet GODAU, neeni tana eraasa. Tana be7aasa; taani neeyyo ai qoppiyaakko paaccaasa. SHukkiyo dorssatudan, neeni he iita asata goochchada kessa! SHuhaa gallassau eta dummayada wotta!

Ermmaasa 14:17

Ta azzanuwaabaa taani asaayyo hagaadan yaagada yootana mala, GODAI tana azaziis; “'Ta asai daro deshettidi, keehippe mazunxxido gishshau, ta aifeti qamminne gallassi shemppennan afuxxona.

Ermmaasa 16:18

Taani eta iitatettaanne eta nagaraa gishshaa etau naa77u kushiyaa zaarana. Aissi giikko, eti bantta ixettida eeqatun, he aha milatiyaageetun ta biittaa tunissidosonanne bantta sheneyiya misiletun ta laataa kunttidosona” yaagees.

Ermmaasa 17:13

Abeet GODAU, Israa7eeli ufaissan naagiyoogoo, nena aggida ubbati yeellatana. Nena aggidi wora biyaageeti, nena GODAA, de7o haattaa pulttuwaa aggido gishshau, eti biittan xaafettana.

Ermmaasa 17:16

Neeni eta bolli iitabaa kiittana mala, taani mulekka nena denttettabeikke; eti metootana gallassaa taani amottabeikke. Ta doonaappe kiyida qaalaa neeni eraasa.

Ermmaasa 17:19

GODAI tana hagaadan yaagiis; “Ba, Yihudaa kawoti katamaa geliyoonne kiyiyo Biniyaama Penggiyaa giyo penggiyaaninne hara Yerusalaame penggetu ubban baada eqqa.

Ermmaasa 20:11

SHin GODAI yashissiya toora qaraadan tanaara de7ees. Hegaa gishshau, tana yedettiyaageeti xubettana; eti tana xoonokkona. Etau giigenna gishshau, eti gita yeellaa yeellatana. Eta kaushshai mulekka dogettenna.

Zaarettido Wogaa 33:11

Abeet GODAU eta kushee oottidobaa anjja; eti oottiyo ubbaban ne ufaittiyoogaa etau qonccissa. Eta bolli denddiyaabaa mentteretta ola; eta morkketa naa77antta denttoppa” yaagiis.

Ajjuutaa 18:6

A immidoogaa keenaa zaaridi, iyyo immite. A oottidoogaayyo naa77u kushiyaa iyyo qanxxite. A intteyyo giigissido ushshaappe naa77u kushe mattoyiya ushshaa i burccukkuwaa kunttite.