Ermmaasa 17:14 - Wolaytta Bible

¹⁴ Abeet GODAU, tana patta; taani paxana. Tana ashsha; taani attana. Aissi giikko, neeni taani galatiyoogaa.

Ermmaasa 17:14 Iomraidhean Croise

Mazamure Maxaafaa 106:47

Abeet GODAU, nu Xoossau, nuna ashsha. Nuuni ne geeshsha sunttaa galatanaadaaninne ne bonchchuwan ceeqettanaadan, kawotettatu giddoppe nuna shiishsha.

Mazamure Maxaafaa 109:1

Abeet taani galatiyo Xoossau, neeni taayyo co77u gooppa.

Mazamure Maxaafaa 119:94

Taani nebaattennee; tana ashsha; aissi giikko, taani ne wogaa naaganau koyais.

Mazamure Maxaafaa 148:14

A bagga gidiya, ayyo matattiya Israa7eela asati a galatana mala, i eta minttiis. GODAA galatite!

Mazamure Maxaafaa 54:1

Abeet Xoossau, ne sunttan tana ashsha; ne wolqqan tana shatintta.

Mazamure Maxaafaa 6:2

Abeet GODAU, taani labbannido gishshau, tana maararkkii. Abeet GODAU, ta meqettati tana sahuwan woriyo gishshau, tana patta.

Mazamure Maxaafaa 6:3

Ta shemppiyaa daroppe un77ettaasu; shin GODAU, tana maaddanau neeni aude gakkanaassi gam77uutee?

Mazamure Maxaafaa 6:4

Abeet GODAU, neeni simmada, tana ashsha; ne siiquwaa daruwan tana kessa ekka.

Mazamure Maxaafaa 60:5

Neeni siiqiyoogeeti attana mala, ne ushachcha kushiyan nuna ashsha; neeni nuussi alla.

Isiyaasa 6:10

Ha asaa wozanaa dammetta; eta haittaakka tulissa; eta aifiyaakka qilimmissa; hegee xayikko, eti bantta aifiyan be7ana; bantta haittan siyana; bantta wozanankka akeekana; yaatidi eti taakko simmananne paxana” yaagiis.

Ermmaasa 15:20

Taani nena ha asaayyo nahaasiyaa giyo birataara gimbbettida gimbbe oottana. Eti nenaara olettana; shin nena xoonokkona. Aissi giikko, taani GODAI nena ashshanaunne wotta ekkanau nenaara de7ais.

Ermmaasa 3:23

Nuuni keratu huuphiyaaninne deretu huuphiyan eeqau goinniyoogee tumuppe cimo. Tumuppe nuuyyo, Israa7eelatuyyo atotettai GODAANA, nu Xoossaana.

Ermmaasa 30:17

Taani intteyyo kehissana; intte masunttaakka pattana. Aissi giikko, eti inttena, 'Hageeti olettidaageeta; Xiyoone asaabaa wudiyaabi baawa' yaagoosona. Taani GODAI hagaa odais” yaagees.

Ermmaasa 31:18

“Efireema zareti azzanidi, hagaadan yaagidi odiyoogaa tumuppe taani siyaas; 'Neeni nuna xurqqayettibeenna mirgguwaadan wadhdhadasa; nuunikka keedida. Neeni GODAA nu Xoossaa gidiyo gishshau, ane nuna zaara; nuuni neekko simmana.

Ermmaasa 33:6

“Gidikkonne, taani ha katamaanne an de7iya asaa zaarada pattana; eta payyatettaakka zaarana; keehi daro saruwaanne woppa de7uwaa taani etayyo immana.

Qoodaabaa 12:13

Yaagin Muusee, “Hai Xoossau, o pattarkkii!” yaagidi GODAAYYO waassiis.

Maatiyoosa 14:30

SHin wolqqaama carkkuwaa be7idi yayyiis; haattai bana mituwaa doommido wode, ba qaalaa xoqqu oottidi, “Ta Godau tana ashsharkkii!” yaagiis.

Maatiyoosa 8:25

Erissiyo ashkkarati akko biidi, xiskkuwaappe denttidosona; denttidi a, “Godau, nuuni xayoos; nuna ashsharkkii” yaagidosona.

Zaarettido Wogaa 10:21

Intte intte aifiyan be7ido he gitanne yashshiya maalaalissiyaabata, intteyyo oottidaagee i intte galataattenne; qassi intte Xoossaattenne.

Zaarettido Wogaa 32:39

“'GODAI tanattenne. Ta xallai Xoossaa. Taappe attin, hara xoossi baawa. Woriyaagee, de7uwaakka immiyaagee tana; taani masunxxissada, taani pattana; ta kushiyaappe ooninne ashshenna.