Ermmaasa 16:10 - Wolaytta Bible

¹⁰ “Neeni ha qaalaa ubbaa ha asaayyo odiyo wode, eti nena, 'GODAI aissi hagaa mala gita iitabaa nu bolli awaajjidee? Nuuni ai mooridoo? GODAAYYO, nu Xoossaayyo, nuuni oottido nagari aibee?' yaagana.

Ermmaasa 16:10 Iomraidhean Croise

Ermmaasa 11:17

Taani, inttena tokkida Ubbaappe Wolqqaama GODAI intte bolli iitabaa ehaanau awaajjaas. Aissi giikko, Israa7eela asatinne Yihudaa asati Ba7aalayyo ixaanaa cuwayidi, tana yiilloyidosona.

Ermmaasa 13:22

Neeni ne wozanan, 'Hagee ubbai ta bolli aissi gakkidee?' giikko, ne maayoi daahettidoogeekka nena asi daafidoogeekka ne nagarai darido gishshaassa.

Ermmaasa 2:23

Neeni waanada, 'Taani tunabeikke; taani Ba7aala eeqatuyyo goinnanau woxxabeikke' gaanau danddayai? Ane neeni wombban hanidobaa xeella; neeni oottidobaanne akeeka. Neeni yaanne haanne wottaa jaamiya gaameelee mala.

Ermmaasa 2:35

'Taani xillo; tumuppe GODAI ta bolli hanqqettenna' yaagaasa. Neeni, 'Taani nagara oottabeikke' giyo gishshau, taani ne bollan pirddana.

Ermmaasa 44:3

Hegee hanidoogee eti iita oosuwaa oottidi, tana hanqqetissido gishshaassa. Eta gidin, inttena gidin, woi intte maizza aawata gidin, ooninne erenna hara xoossaassi ixaanaa cuwayidi, ayyo goinnidosona.

Ermmaasa 5:19

Asai nena, 'GODAI nu Xoossai nu bolli hagaa ubbaa aissi oottidee?' giidi oichchiyo wode, neeni etayyo, 'Intte tana, GODAA aggidi, inttesan imatta xoossatussi oottidoogaadan, hegaadan inttekka asasan imatta asatussi oottana' yaaga” yaagiis.

Ermmaasa 9:11

GODAI hagaadan yaagees; “Yerusalaame katamaa taani qolettida keelanne worakanati geessiyo ona oottana. Yihudaa katamatakka ooninne de7enna baisa soho oottana” yaagees.

Hoose7a 12:8

Efireemi, “Taani daro dure; taani taayyo aquwaa demmaas. Ta aquwaa ubbaa giddon tanan eti bala woikko nagara gidiyaabaa demmokkona” yaagiis.