Ermmaasa 14:8 - Wolaytta Bible

⁸ Abeet Israa7eeli naagiyo ufaissau, metuwaa wodiyan a ashshiyaagoo, neeni biittan imattadan, issi qamma aqanau gelida ogiyaasadan aissi hanai?

Ermmaasa 14:8 Iomraidhean Croise

Mazamure Maxaafaa 10:1

Abeet GODAU, aissi haakkada eqqai? Metuwaa wodiyan aissi neeni geemmai?

Mazamure Maxaafaa 138:7

Taani meto giddoora hemettikkokka, neeni tana saro ashshaasa. Ta morkketu hanqquwaa bolli ne kushiyaa miccaasa; ne ushachchan tana ashshaasa.

Mazamure Maxaafaa 46:1

Xoossai nuuni naagetti attiyo sohonne nuuyyo wolqqa. Nuna metoi gakkiyo wode, maaddanau i ubbaton matan de7ees.

Mazamure Maxaafaa 46:2

Hegaa gishshau, biittai qaaxxiyaakkokka, woi dereti abban kunddiyaakkokka, nuuni yayyokko.

Mazamure Maxaafaa 50:15

Yaatada, metuwaa gallassi tana xeesa. Taani nena ashshana; neenikka tana bonchchana” yaagees.

Mazamure Maxaafaa 71:5

Aissi giikko, abeet Ubbaa Haariya GODAU, neeni taani ufaissan naagiyoogaanne ta yelagatettaa wodiyaappe doommada, taani ammanettiyoogaa gidadasa.

Mazamure Maxaafaa 9:9

GODAI un77ettidaageetuyyo baqati attiyoobaa; meto wodiyankka geli attiyo soho.

Mazamure Maxaafaa 91:15

I tana xeegiyo wode, taani ayyo koyana. Metuwan taani aara issippe gidana; taani a ashshananne bonchchana.

Isiyaasa 33:2

Abeet GODAU, nuna maara; nuuni nena naagoos; maallado maallado nuussi wolqqa gida; metuwaa wodekka nuna ashshiyaagaa gida.

Isiyaasa 43:11

“Tanattennee; taani GODAA. Taappe attin, hara ashshiyaabi baawa.

Isiyaasa 43:3

Aissi giikko, taani nena Ashshiyaagaa Israa7eela Geeshshaa, GODAA ne Xoossaa. Taani Gibxxe neeyyo wozo oottada, Toophphiyaanne Saaba ne laamiyaa immana.

Isiyaasa 45:15

Abeet Xoossau, Israa7eela Ashshiyaagoo, tumuppe neeni nena genttiya Xoossaa.

Isiyaasa 45:21

Ane yootite; intte mootuwaa shiishshite; etikka ane issippe zorettona. Adussa wodiyaappe kase hagaa odidai oonee? Benippe hagaa awaajjidai oonee? Tana GODAA gidikkinaayye? Taappe attin hara Xoossi baawa. Taani xillo Xoossaanne Ashshiyaagaa. Taappe hari baawa.

Isiyaasa 63:8

GODAI odiiddi, “Eti tumu ta asatanne ta naata gidiyo gishshau, tana cimmanau koyokkona” yaagiis. Hegaa gishshau, i eta Ashshiyaagaa gidiis.

Ermmaasa 16:19

Abeet GODAU, ta wolqqau, ta wolqqaama miixau, metuwaa gallassan taani baqata attiyo sohuwau, kawotettati sa7aa gaxaappe neekko yaana. Yiidi hagaadan yaagana; “Nu aawati pattennanne maaddenna worddo xoossatu xalaalaa laattidosona.

Ermmaasa 17:13

Abeet GODAU, Israa7eeli ufaissan naagiyoogoo, nena aggida ubbati yeellatana. Nena aggidi wora biyaageeti, nena GODAA, de7o haattaa pulttuwaa aggido gishshau, eti biittan xaafettana.

Ermmaasa 30:7

Aayye7ana! He gallassai hanttaara gallassa; hegaa mala gallassi mulekka baawa. He gallassai Yaaqooba zaretussi meto wode gidana. Gidikkonne eti hegaappe attana” yaagees.

Ermmaasa 50:7

Demmida ubbai eta dechchiis. Eta morkketi, 'Nuuni ainne mooribookko; hagee metoi ubbai eta gakkidoogee, eti GODAA, bantta shemppo sohuwaa, bantta maizza aawatu hidootaa naaqqido gishshaassa' yaagidosona.

Yuu7eela 3:16

“GODAI Xiyoonen gididi guummana; Yerusalaamenkka ba cenggurssaa sissana; saloinne sa7ai kokkorana. SHin GODAI ba asaassi Israa7eelassi baqati attiyo sohonne qato gidana.

Zakkaariyaasa 9:12

Inttenoo sinttanaa ufaissai de7iyo qasho asatoo, intte qatuwau simmite; kaseegaa gishshaa dakko aquwaa intteyyo immanaagaa hachchi taani intteyyo awaajjais.

Yesuusi Kiittidoogeetu Oosuwaa 28:20

Taani inttenaara gaittanaunne haasayanau inttena xeesidoogee hegaassa; aissi giikko, Israa7eela asai ufaissan naagiyoogaa gishshataassi taani ha sanssalatan qashettaas” yaagiis.

Koiro Ximootiyoosa 1:1

Nuna ashshiya Xoossainne nuuni be7ana giidi ufaissan naagiyo Yesuus Kiristtoosi azazido azazuwaadan, Yesuus Kiristtoosi kiittidoogaa gidida taani PHauloosi,

Daannatu Maxaafaa 19:17

He cima bitanee katamaa asai yaa7aa uttiyo sohuwan uttida bitaniyaa be7idi, “Auppe yaadii? Au bai?” yaagidi oichchiis.