Ermmaasa 14:16 - Wolaytta Bible

¹⁶ Qassi eti hananabaa yootiyo asai koshaanne olaa gaasuwan haiqqana; eta ahai karen Yerusalaame ogiyan olettana. Eta woikko eta maccaasaa, eta attuma naata woikko eta macca naata moogiyaabi xayana. Taani etayyo bessiya waayiyaa eta bolli tigana” yaagiis.

Ermmaasa 14:16 Iomraidhean Croise

Leemiso Maxaafaa 1:31

Hegaa gishshau, eti bantta oottido oosuwaa aifiyaa maana; bantta halchchido halchchuwaa aifiyaakka kallana.

Isiyaasa 51:20

Ne naati labbanidosona; eti gitiyaa giddon gelida genesseedan, oge ubbaa gaxan kunddidosona. Eti GODAA hanqquwaaninne ne Xoossaa seeran kumidosona.

Isiyaasa 9:16

Ha asaa kaalettiyaageeti, wora kaalettoosona; eta kaalliyaageetikka baloosona.

Ermmaasa 16:4

Eti hanttaara harggiyan haiqqana; etayyo yeekettenna, woikko eti moogettokkona; eta ahai biittaa bollan pito mala gidana. Eti bisuwaaninne koshan wurana; eta ashoi saluwaa kafotuyyoonne sa7aa do7atuyyo quma gidana” yaagiis.

Ermmaasa 18:21

Hegaa gishshau, eta naata koshau aattada imma; etakka bisuwau aattada imma. Eta maccaasatikka na7i bainnaageetanne am77e gidona. Eta attumaasatikka woriya harggiyan gaittona; eta wodallatikka olan siifettona.

Ermmaasa 20:6

Qassi neeni Paashihuurikka ne son de7iya asai ubbai omoodettidi, Baabiloone baana. Neeni wordduwaa hananabaa yootido ne laggetu ubbaarakka yan haiqqananne yan moogettana' yaagees” yaagiis.

Ermmaasa 27:15

GODAI hagaadan yaagees; 'Taani eta kiittabeikke; shin eti ta sunttan, “Hananabaa” giidi wordduwaa yootoosona. Hegaa gishshau, taani inttena laaggada kessana; inttekka intteyyo hananabaa yootiyaageetikka xayana' yaagees” yaagaas.

Ermmaasa 4:18

Yihudaa asatoo, intte hanoinne intte oosoi hagaa ubbaa intte bolli ehiis. Hagee intteyyo qixaate. I ai keesa cammiyaabee! Intte wozanaa ai keesa caddiyaabee!

Ermmaasa 5:31

Hananabaa yootiyaageeti wordduwaa yootoosona; qeesetikka eta zoriyan aissoosona. Ta asaikka hegaa malabaa dosees! SHin wurssettan waanuuteetii?” yaagees.

Ermmaasa 7:33

He wode he asatu ahai saluwaa kafotuyyoonne sa7aa do7atuyyo quma gidana; eta yashissidi yedettiyaabi de7enna.

Ermmaasa 8:1

GODAI hagaadan yaagees; “He wodiyan Yihudaa kawotu meqettai, halaqatu meqettai, qeesetu meqettai, hananabaa yootiyaageetu meqettainne Yerusalaamen de7iya asatu meqettai ubbai duufuwaappe maxettidi kiyana.

Ermmaasa 8:2

Kiyidi eti siiqido, kiitettido, kaallido, zoriyaa oichchidonne goinnido awau, aginaunne saluwaa xoolintte ubbau micettana. Eta meqettai shiiqenna woikko moogettenna; shin biittaa bollan pito mala gidana.

Ermmaasa 9:20

Inttenoo, maccaasatoo, GODAA qaalaa siyite! Intte haittai a doonaappe kiyiya qaalaa ezggo. Intte macca naata zilaassaa tamaarissite; shooriyaa shooriyo koissaa tamaarissu.

Ermmaasa 9:22

GODAI tana hagaadan yaagidi azaziis; “GODAI hagaadan yaagees; 'Asaa ahai pituwaadan dembban laalettana; eti cakkiyaageeti cakkidi olido kattaa mala; eta ooninne shiishshenna' yaaga” yaagidi azaziis.

Hizqqeela 39:14

Laappun aginaappe guyyiyan, attida ahai de7ikko, biittai geeyanaadan, yuuyi yuuyidi attida ahaa mooganau, asai doorettana.

Amoxa 7:17

Hegaa gishshau, GODAI hagaadan yaagees; 'Ne machchiyaa katamaa giddon shaaramuxa gidana; ne attuma naatinne ne macca naati bisuwan haiqqana; ne biittaikka wodoruwan shaakettana; qassi neeni ne huuphiyaukka allaga biittan haiqqana. Israa7eela asaikka bantta biittaappe omoodettidi tuma baana' yaagees” yaagiis.

Maatiyoosa 15:14

Etabau hirggoppite; eti qooqe kaalettiya qooqeta; qooqee qooqe kaalettikko, naa77aikka ollan kunddana” yaagiis.

Ajjuutaa 16:1

Hegaappe guyyiyan, laappun kiitanchchatuyyo, “Biidi Xoossaa hanqquwaa laappun keriyaappe sa7an gussite” yaagidi, Beeta Maqidasiyaappe haasayiya wolqqaama cenggurssaa taani siyaas.