Ermmaasa 13:18 - Wolaytta Bible

¹⁸ GODAI tana, “Kawuwaassinne kawuwaa aayeessi, kaweessi hagaadan yaagada yoota; 'Intte bonchcho alleeqo kallachchai intte huuphiyaappe kunddido gishshau, intte kawotaa araataappe duge wodhdhite.

Ermmaasa 13:18 Iomraidhean Croise

Kawotu Maxaafaa Naa77anttuwaa 24:12

Yihudaa Kawoi Yo7aakiini, a aayyiyaa, a ashkkarati, a halaqatinne kawo keettaa oosanchchati ubbati Baabiloone kawuwaayyo kushiyaa immidosona. Yo7aakiini kawotido hosppuntta laittan, Baabiloone kawoi Yo7aakiina qachchiis.

Kawotu Maxaafaa Naa77anttuwaa 24:15

Naabukadanaxoori Yo7aakiina omooddidi, Baabiloone efiis; aara kawiyo a aayyiyo, a maccaasata, a oosanchchatanne biittan de7iya gita asaa ubbaa ekkidi biis.

Hanidabaa Odiya Naa77antto Maxaafaa 33:12

Minaasee tuggatido wode, GODAA ba Xoossaa maaduwaa woossiis; ba aawatu Xoossaa sinttan banatettaa keehippe kaushshiis.

Hanidabaa Odiya Naa77antto Maxaafaa 33:19

Qassi a woosainne Xoossai ayyo woosettidobai, i oottido nagarainne naaqoi ubbai, Minaasee bana kaushshanaappe kase oottido goinniyo xoqqa sohotinne Asheeri misiletanne ba goinniyo eeqata i essido sohoti ubbai Hananabaa Yootiyaageetu Taarikiyaa Maxaafan xaafetti uttidosona.

Hanidabaa Odiya Naa77antto Maxaafaa 33:23

SHin a aawai Minaasee banatettaa kaushshidoogaadan, i banatettaa GODAA sinttan kaushshibeenna; Amooni naaquwaa yaa yaa darissiis.

Kessaabaa 10:3

Yaagin Muuseenne Aarooni kawuwaakko gelidi a, “GODAI, Ibraawetu Xoossai nena hagaadan yaagees; 'Neeni taayyo azazettennan aude gakkanaassi ixxuutee? Taayyo oottana mala ta asaa yedda.

Kessaabaa 39:28

Qassi huuphiyan xaaxiyo shaasheta, qophetanne garssaara maayiyo maayota liiqo liinuwaappe daddidi giigissidosona.

Leemiso Maxaafaa 27:24

Aissi giikko, duretettai merinau de7enna; kallachchaikka yeletaappe yeletau aadhdhennan agganau danddayees.

Isiyaasa 3:20

huuphiyan wottiyo alleequwaa, qesiyan qachchiyo sanssalataa, xeessan gixxiyo danccuwaa, shittuwaa xaaramusiyaa, kitaafaa,

Isiyaasa 3:26

Xiyoone penggetun de7iya asai yeekkananne zilaalana; mela attidi, biittan uttana.

Isiyaasa 47:1

GODAI hagaadan yaagees; “Bii Baabiloone geela7ee, duge wodhdha; wodhdhada baanan utta. Bii Kaladaawetu na7ee, ne kawotaa araataa aggada sa7an utta. Aissi giikko, hagaappe sinttanau neeni saaphotiyaaronne baalotiyaaro geetettakka.

Ermmaasa 22:24

GODAI hagaadan yaagees; “Ta de7oi ero! Neeni Yo7aqeema na7ai, Yihudaa Kawoi Yo7aakiini, ta ushachcha kushiyan de7iya ta attamiyo migido gidiyaakkonne ta nena kessa yeggana.

Ermmaasa 22:26

Taani nenakka nena yelida ne aayyiyookka intte yeleta biitta gidenna hara biittau olana; olin intte naa77aikka yan haiqqana.

Ermmaasa 29:2

Hagee hanidoogee, Kawoi Yo7aakiini, kawiyaa a aayyiyaa, a oosanchchati, Yihudaanne Yerusalaame halaqati, kushe oosuwaa hiillatinne birataa qoxxiyaageeti Yerusalaameppe kiyi simmiina.

Ermmaasa 36:16

I nabbabido qaalaa ubbaa siyidosona; siyidi ubbaikka yayyidi, issoi issuwaa xeellidi, Baaruka, “Ha qaalaa ubbaa nuuni kawuwaassi odanau koshshees” yaagidosona.

Ermmaasa Zilaassaa 1:6

Xiyooni puulai ubbai ippe qaarettiichchiis; i halaqatikka maataa miyo sohuwaa xayida gaaraa mala gididosona. Eti wolqqa xayidi, banttana yedettiyaageetu sinttappe baqatidosona.

Ermmaasa Zilaassaa 1:9

I tunatettai i afalaa xeeraa baqqi oiqqiis. Sinttappe ba bolli hananabaa a qoppabeikku. Hegaa gishshau, i kunddettai daganttiyaagaa. A, “Abeet GODAU, ta tuggaa be7a! Ta morkketi tana xoonidosona” ginkka, o minttettiyaabi issoinne baawa.

Ermmaasa Zilaassaa 2:10

Xiyooni cimati co77u giidi, biittan utti aggidosona; bantta huuphiyan baanaa qolidi, waaruwaakka maayidosona. Yerusalaame geela7oti sa7au duge hokkidosona.

Ermmaasa Zilaassaa 5:16

kallachchai nu huuphiyaappe kunddiichchiis. Nuuni nagaraa oottido gishshau, nuuyyo aayye7ana!

Hizqqeela 16:12

Qassi ne siiriyan gutichchaa, ne haittankka gutichchaa, ne huuphiyankka lo77o kallachchaa wottaas.

Hizqqeela 21:26

Ubbaa Haariya GODAI hagaadan yaagees; 'Ne huuphiyaappe kallachchaa dentta; ne huuphiyan xaaxidoogaakka qaara. Hagaappe sinttanau kaseegaadan hananabi baawa; ziqqi giidaagee xoqqu gaana; xoqqu giidaageekka ziqqi gaana.

Hizqqeela 24:17

Oola, shin ne ooliyaa asi siyoppo; haiqqidabau kayyottoppa. Neeni ne huuphiyan xaaxiyoogaa xaaxa; ne gediyankka caammaa wotta. Ne doonaa kammoppa; shochchaakka mooppa” yaagiiddi yiis.

Hizqqeela 24:23

Intte huuphiyaa xaaxeeta; intte gediyan caammaa wotteeta. Kayyottekketa woikko yeekkekketa. SHin intte intte nagaraa gaasuwan gilqqananne issoi issuwaayyo oolana.

Hizqqeela 44:18

Eti bantta huuphiyan liinuwaa shaashiyaa xaaxona; bantta xeessankka liinuwaa suriyaa gixxona. Banttana cawayiyaabaa aibanne maayoppona.

Daaneela 5:20

SHin i otorettido wodenne a wozanai muumido wode, ba kawotaa araataappe wodhdhiis; a bonchchoikka qaarettiis.

Yoonaasa 3:6

Odoi Nanawe kawuwaakkokka gakkiis; gakkin i ba kawotaa araataappe wodhdhidi, kawotaa maayuwaa maayidoogaakka qaaridi, waaruwaa maayidi, bidinttan uttiis.

Maatiyoosa 18:4

Simmi ha guutta na7aadan, bana kaushshiya ooninne saluwaa kawotettan ubbaappe aadhdhiyaagaa.

Yaaqooba 4:10

Godaa sinttan intte huuphiyaa toochchite; qassi i inttena xoqqu xoqqu oottana.

Koiro PHeexiroosa 5:6

Xoossai ba lo77o wodiyan inttena xoqqu oottana mala, wolqqaama Xoossaa kushiyaappe garssaara inttena toochchite.