Ermmaasa 10:7 - Wolaytta Bible

⁷ Abeet kawotettatu Kawuwau, nena bonchchennan agganai oonee? Nena bonchchanau bessees; aissi giikko, aadhdhida eranchcha asaa giddooninne eta kawotettaa ubbaa giddon ne mali baawa.

Ermmaasa 10:7 Iomraidhean Croise

Kawotu Maxaafaa Naa77anttuwaa 17:39

Hegaa aggidi, GODAAYYO intte Xoossaayyo goinnite. Intte morkketu ubbaappe inttena ashshanaagee tana” yaagidi azaziis.

Hanidabaa Odiya Koiro Maxaafaa 16:25

Aissi giikko, GODAI gita; aaro galatai ayyo bessees. Xoossatu ubbaappe aadhdhidi, i yayettanau bessees.

Asttiri Maxaafaa 1:13

Hegaa gishshau, kawoi gita maatai de7iyo laappun Parssenne Meedoona sunttata xeesidi gelissiis. Eti Karshshaana, SHetaara, Adimaata, Tarsseesa, Mereesa, Marssananne Mamukaana geetettoosona. He asati aadhdhida eranchchanne he biittaa higgiyaanne de7uwaa wogaa minttidi eroosona. Hagaa malabaassi kawoi ubba wodekka eta oichchees.

Mazamure Maxaafaa 147:5

Nu Godai gita; a wolqqai daro; a akeekai likkiyaappe aadhdhiyaagaa.

Mazamure Maxaafaa 22:28

Aissi giikko, kawotiyo maatai GODAABAA; kawotettata i haarees.

Mazamure Maxaafaa 47:3

Dere asaa nuuppe garssaara, kawotettatakka nu gediyaappe garssaara wottidi, nuuyyo haarissees.

Mazamure Maxaafaa 72:11

Kawotu ubbai ayyo gulbbatona; kawotettati ubbai ayyo kiitettona.

Mazamure Maxaafaa 76:7

SHin abeet Xoossau, neeni yashshaasa! Ne hanqqoi suullido wode, ne sinttan oonee eqqanai?

Mazamure Maxaafaa 86:8

Abeet Godau, xoossatu giddon ne mali baawa; ne oosuwaa mala oosoikka baawa.

Mazamure Maxaafaa 86:9

Abeet Godau, neeni medhdhido kawotettaa asai ubbai yiidi, ne sinttan gulbbatana; eti ne sunttaa bonchchana.

Mazamure Maxaafaa 89:6

Saluwan GODAARA likkettanau danddayiyai oonee? Saluwaa meretettatu giddon qassi GODAA mali oonee?

Kessaabaa 8:10

Yaagin kawoi, “Wontto” yaagiis. Yaagin Muusee, “Nu GODAA Xoossaa malai ooninne bainnaagaa neeni erana mala, neeni giidoogaadan hanana.

Kessaabaa 9:14

Hinna xayikko, ne bolli, ne sunttatu bollinne ne asaa bolli ta boshaayyo de7iya kumetta wolqqaa taani kiittana; biittan sa7an ta mali bainnaagaa neeni hegan erana.

Isiyaasa 2:4

Kawotettatuppenne kawotettatuppe gidduwan i pirddananne daro asatu palamaa shaakkana. Eti bantta bisuwaa marasha, bantta tooraakka baaca kessanau qoxxana. Kawotettai kawotettaa bolli bisuwaa denttenna. Hegaappe guyyiyan eti mulekka olaa timirttiyaa tamaarokkona.

Ermmaasa 10:6

Abeet GODAU, ne mali ooninne baawa. Neeni gita; ne sunttaikka gitanne wolqqaama.

Ermmaasa 5:22

Laa intte taayyo aissi yayyekketii? Intte ta sinttan aissi kokkorekketii? Aissi giikko, taani shaahetaa abbaayyo zawa, merinau a pinttenna dirssa oottaas. Beetati pushakettikkokka xoonanau danddayokkona. Eti guummikkokka pinnanau danddayokkona.

Daaneela 2:27

Oichchin Daaneeli hagaadan yaagidi zaariis; “Kawuwau, neeni oichchido xuuraa qonccissanau danddayiya aadhdhida eranchchi, shareechchoi, murunniyaabi, woikko maliyaabi baawa.

Daaneela 2:28

SHin xuurata qonccissiya issi Xoossai saluwan de7ees. Wurssetta gallassatun hananabaa i nena bessiis. Ne arssan zaqqullada, neeni aimottido aimoinne ajjuutai hagaa.

Imbbaaqooma 3:2

Abeet GODAU, neeni kase oottidobaa taani siyada yayyaas. Abeet GODAU, nu wodiyankka he oosota zaarettada ootta; eti nu wodiyankka erettona. Neeni hanqqettiyo wode ne maarotaa qoppa.

Zakkaariyaasa 2:11

He wode daro Aihuda gidenna kawotettati GODAARA gaittidi, a asa gidana; ikka eta giddon de7ana. Qassi inttekka Ubbaappe Wolqqaama GODAI tana inttekko kiittidoogaa he wode erana.

Milkkiyaasa 1:11

Qassikka Ubbaappe Wolqqaama GODAI hagaadan yaagees; “Awai mokkiyoosaappe biidi wulliyoosaa gakkanaashin, ta sunttai kawotettatu giddon gita. Soho ubban asati taayyo ixaanaa cuwayoosona; geeshsha yarshshuwaakka yarshshoosona; aissi giikko, ta sunttai kawotettatu giddon gita” yaagees.

Luqaasa 12:5

SHin intte oossi yayyanaakko, taani inttena erissana; woridoogaappe guyyiyan, gaannabiyan olanau wolqqai de7iyoogaassi yayyite; ee assi yayyite gais.

Koiro Qoronttoosa 8:6

ubbabaa medhdhidaagee nuuni ayyo de7iyoogee, issi Xoossai, Aawai, nuussi de7ees. Qassi ubbabai aani merettidoogeenne nuuni aani de7iyoogee issi Godai, Yesuus Kiristtoosikka nuussi de7ees.

Yaasu Maxaafaa 4:24

Hegaa i oottidoogee sa7an de7iya asai ubbai GODAA wolqqai ai keena gitakko eranaassanne inttekka GODAU, intte Xoossau, merinau yayyanaassa” yaagiis.

Ajjuutaa 11:15

Hegaappe guyyiyan, laappuntta kiitanchchaikka ba malkkataa punniis. Saluwan, “Sa7aa kawotettai ha77i nu Godaassanne a Kiristtoosassa; qassi merinaappe merinaa gakkanaassi i haarana” yaagiya wolqqaama cenggurssai siyettiis.

Ajjuutaa 15:4

Godau, neeyyo yayyennainne ne sunttaa bonchchennai oonee? Aissi giikko, geeshshai ne xalaalaa. Asa zare ubbai yiidi, ne sinttan goinnana; aissi giikko, ne xillo oosoi ubbaayyo qoncciis” yaagidi zammaroosona.