Ermmaasa 10:25 - Wolaytta Bible

²⁵ Ne hanqquwaa nena erenna kawotettatu bollinne ne sunttaa xeesenna asatu bolli tiga. Aissi giikko, eti Yaaqooba asaa miidosona; eti eta ashshennan mi bayidosonanne eta aawaa biittaa xaissidosona.

Ermmaasa 10:25 Iomraidhean Croise

Iyyooba Maxaafaa 18:21

Audekka iita asatu wurssettai hegaa mala; Xoossaa erennaageetu qaadaikka hegaa mala” yaagiis.

Mazamure Maxaafaa 14:4

GODAI, “Hageeti ta asaa bonqqi miidi de7iya iita asati tumu ainne erokkonaa? Eti tana woossokkona” yaagiis.

Mazamure Maxaafaa 147:20

I hara kawotettaa asaassi hagaa oottibeenna; eti a pirddaa erokkona. GODAA galatite!

Mazamure Maxaafaa 27:2

Iita asati, ta ixotinne ta morkketi tana woranau taakko horddofiyo wode, eti banttau xubettidi kunddana.

Mazamure Maxaafaa 69:24

Ne hanqquwaa eta bolli tiga; ne suulo hanqqoi eta yedettidi oiqqo.

Isiyaasa 43:22

“SHin nenoo Yaaqoobaa, neeni ta sunttaa xeesabaakka; nenoo Israa7eelaa, neenikka tana salettadasa.

Isiyaasa 64:7

Ne sunttaa xeesiyai, woikko nena mintti oikkanau koyiyai baawa. Aissi giikko, neeni ne sinttaa nuuppe genttadasa; nuna nu nagaraa gishshau, agga bayadasa.

Isiyaasa 9:12

Awai mokkiyo baggaappe Sooriyaa biittaa asatinne awai wulliyo baggaappe Pilisxxeema biittaa asati bantta doonaa hanggidi, Israa7eela miidosona. He ubbankka GODAA hanqqoi simmibeenna; a kusheekka biron denddidosan de7ees.

Ermmaasa 11:1

GODAAPPE Ermmaasayyo yiida qaalai hagaa;

Ermmaasa 30:16

“SHin inttena biittaa kessi miida ubbati meetettana; intte morkketi ubbatikka omooduwau baana. Inttena bonqqidaageeti bonqqettana; inttebaa olan ekkidaageetubaakka olan ekkana.

Ermmaasa 50:17

“Israa7eeli gaammoi yedettidi laalido dorssaa mala. Koiro Asoore kawoi a ashuwaa miis; wurssettan qassi Baabiloone Kawoi Naabukadanaxoori a meqettaa xoggiis.

Ermmaasa 50:7

Demmida ubbai eta dechchiis. Eta morkketi, 'Nuuni ainne mooribookko; hagee metoi ubbai eta gakkidoogee, eti GODAA, bantta shemppo sohuwaa, bantta maizza aawatu hidootaa naaqqido gishshaassa' yaagidosona.

Ermmaasa 8:16

Nu morkketu paraa daarettai Daana giyo kataman siyettees; eta korima paratu caagettan biittai ubbai qaaxxees. Biittaanne biittan de7iyaabaa ubbaa, katamaanne kataman de7iya asaa ubbaa mi xaissanau yiidosona” yaagoosona.

Ermmaasa Zilaassaa 2:22

Gibiraa gallassau xeegiyoogaadan, neeni tana daganttiyaageeta ubbasaappe xeegadasa. GODAA hanqquwaa gallassan kessi ekki paxa attidai issoinne baawa. Taani ta kiyuwan ishalissada dichchido naata ubbaa morkkee wori xaissiis.

Sofonaasa 1:6

GODAA kaalliyoogaa aggidi guyye simmidaageeta, GODAA koyibeennaageetanne oichchibeennaageetakka taani xaissana” yaagees.

Sofonaasa 3:8

GODAI hagaadan yaagees, “Ane taani pirddiyo gallassai gakkanaashin, guuttaa takki giite. Aissi giikko, taani deretanne kawotettata shiishshanau qachchaas; shiishshada ta hanqquwaa suuluwaa eta bolli gussana. Sa7ai muleerakka ta hanqquwaa taman xuugettana.

Zakkaariyaasa 1:15

Taani Aihuda gidenna kawotettatu bolli guuttaa hanqqettaas; shin ha77i eta bolli daro hanqqettaas. Aissi giikko, eti ishaluwan uttidi, Aihudatu tuggaa darissidosona.

Yohaannisa 17:25

“Xillo Aawau, sa7ai nena erenna; shin taani nena erais. Qassi neeni tana kiittidoogaa hageeti eroosona.

Yesuusi Kiittidoogeetu Oosuwaa 17:23

Aissi giikko, taani intte goinniyoogaa xeellaidda aadhdhishin, ‘Erettenna Xoossaassi’ geetettidi xaafettida yarshshuwaa sohuwaa qassi demmaas; hegaa gishshau, ha intte erennan goinniyoogaa taani inttessi yootais.

Koiro Qoronttoosa 15:34

Xillotettaakko simmite. Nagara oottoppite. Intteppe issi issi asai Xoossaa erenna; taani hagaa inttena yeellayanau gais.

Koiro Tasalonqqe 4:5

Xoossaa erenna ammanenna asatudan, keehi amottiyoogan ekkanau bessenna.

Naa77antto Tasalonqqe 1:8

Qassi Xoossai bana erennaageetanne nu Godaa Yesuus Kiristtoosa wonggeliyaa mishiraachchuwaayyo azazettennaageeta qaxxayana.

Ajjuutaa 16:1

Hegaappe guyyiyan, laappun kiitanchchatuyyo, “Biidi Xoossaa hanqquwaa laappun keriyaappe sa7an gussite” yaagidi, Beeta Maqidasiyaappe haasayiya wolqqaama cenggurssaa taani siyaas.