Ermmaasa 1:11 - Wolaytta Bible

¹¹ GODAA qaalai taakko yiidi, “Ermmaasaa, neeyyo aibi beettii?” yaagiis. Yaagin taani zaarada, “Lauze giyo mittaappe kiyida gatimai beettees” yaagaas.

Ermmaasa 1:11 Iomraidhean Croise

Doomettaabaa 30:37

Yaaqoobi deeshsha loomiyaappe, gumariyaappenne xanqqarssaappe qayye gatimaa kessidi, poquwaa poqqi poqqidi, giddo bootta zawaa qaaridi gazzayiis.

Isiyaasa 55:11

ta doonaappe kiyiya qaalaikka hegaa mala. I taani halchchidoogaa polana; qassi kiittidoogaa oottanaappe attin, taakko coo simmenna.

Ermmaasa 24:3

GODAI tana, “Ermmaasaa, hegee neeni be7iyoogee aibee?” yaagidi oichchiis. Oichchin taani, “Balasiyaa teeraa be7ais. Lo77o teerai keehippe lo77o; iita teerai qassi maanau giigenna keehippe iita” yaagada odaas.

Hizqqeela 12:25

Taani GODAI ta oottanaagaa yootais; hegeekka gam77ennan polettana. Inttenoo, makkalanchcha asatoo, taani yootiyoobaa ubbaa intte laittan taani polana. Taani Ubbaa Haariya GODAI hagaa odais” yaagiiddi yiis.

Hizqqeela 12:28

Hegaa gishshau, neeni etau hagaadan yaaga; 'Ubbaa Haariya GODAI hagaadan yaagees; “Taani yootiyo qaalai polettanaappe attin, issoikka gam77enna. Taani Ubbaa Haariya GODAI hagaa odais” yaagees' yaaga” yaagiiddi yiis.

Hizqqeela 7:10

“'Gallassai hageeho! Gakkiis! Intte pirddai gakkiis! Intte iitatettai aaciis; intte otoroikka ciiyiis.

Amoxa 7:8

Eqqidi GODAI tana, “Amoxaa, ha neeni xeelliyoogee aibee?” yaagidi oichchiis. Oichchin taani, “Tumbbiyaa” yaagaas. Yaagin Godai tana, “Be7a, taani ta asaa Israa7eela giddon tumbbiyaa yeggais; taani eta qaxxayennan aadhdhikke.

Amoxa 8:2

I tana, “Amoxaa, ha neeni be7iyoogee aibee?” yaagidi oichchiis. Oichchin taani, “Teeri kumido keeshiyaa be7ais” yaagaas. Yaatin GODAI taayyo hagaadan yaagiis; “Ta asaa Israa7eelassi wurssettai gakkiis; hagaappe sinttanau taani eta qaxxayennan aadhdhikke” yaagiis.

Zakkaariyaasa 4:2

I tana, “Neeni be7iyoogee aibee?” yaagiis. Yaagin taani, “Taani worqqa xalaalaappe oosettida xomppiyaa wottiyo ballaa be7ais; a xeeran zaitiyaa xaaroi de7ees; qassi a bollan laappun xomppeti de7oosona; he laappun xomppetussikka laappun laappun shappoti de7oosona.

Zakkaariyaasa 5:2

Kiitanchchai tana, “Ha neeni be7iyoogee aibee?” yaagidi oichchiis. Oichchin taani, “Taani issi xaaxetti uttida paalliya maxaafaa be7ais; ayyo zananai laatamu wara; gomppaikka tammu wara” yaagaas.

Qoodaabaa 17:8

Wonttetta gallassi Xoossaa Dunkkaaniyaa giddo Muusee gelido wode, Leewa zare gidiya Aaroona xam77ai aacidaagaa, gumbbidaagaa, ciyyidaagaanne ciyidi lauziyaa giyo mitta aifiyaa aifidaagaa be7iis.