Eranchchaa Maxaafaa 8:13 - Wolaytta Bible

¹³ Iitati Xoossaassi yayyenna gishshau, sarotettai etassi baawa; Xoossaassi eti yayyenna gishshau, eta bareekka kuwaadan qaammana.

Eranchchaa Maxaafaa 8:13 Iomraidhean Croise

Iyyooba Maxaafaa 14:2

I ciishshaadan ciyyidi, sohuwaarakka qoqqofetti aggees; qassi gam77ennan kuwaadan eesuwan aadhdhiichchees.

Iyyooba Maxaafaa 18:5

“Nagaranchchatu de7oi xomppee to7iyoogaadan to7anaagee geeshsha; i naa77antto mulekka eexxenna.

Iyyooba Maxaafaa 21:30

Eti, 'Iita asati bashshaa gallassi boshettennan attoosona; Xoossaa hanqqoi qoncciyo gallassikka eti kessi ekkana' yaagoosona.

Mazamure Maxaafaa 11:5

GODAI xilluwaa qorees. SHin iitatanne hanttaarabaa siiqiyaageeta i keehippe ixxees.

Mazamure Maxaafaa 144:4

Asi issiton carkkiya carkko mala; a gallassatikka aadhdhiya kuwaa mala.

Mazamure Maxaafaa 37:1

Iitaa oottiyaageetu gishshau yiillotoppa. Nagaraa oottiyaageeta annaacoppa.

Mazamure Maxaafaa 39:5

Neeni ta laittaa qii takkaaro kessadasa. Ta baree ne sinttan bainnabaa mala; tumaappe asi ubbi issiton shemppiyo carkko mala.

Mazamure Maxaafaa 55:23

SHin Abeet Xoossau, neeni iita asata ciimma ollan duge olana. Suuttaa gussiyaageetinne cimmiyaageeti bantta daana laittau baggaanne de7okkona; shin taani nenan ammanettana.

Eranchchaa Maxaafaa 3:14

Xoossai oottidobai ubbai merinau de7iyaabaa gidiyoogaa taani eraas; i oottidobaa bollan gujjanau woikko appe haa guuttanau danddayettenna. Xoossai hegaa oottidoogee, asai baayyo yayyidi bonchchanaassa.

Eranchchaa Maxaafaa 5:7

Daro aimuwaa aimottikkonne woikko qassi darobaa haasayikkonne he ubbaikka hada; hegaa gishshau, neeni hegaa aggaagada Xoossaassi yayya.

Eranchchaa Maxaafaa 6:12

Hada gididi, kuwaadan coo aadhdhiya guutta laittaa baagaa asi waatidi aattanau koshshiyaakko eriyai oonee? Qassikka asi haiqqidi biichchin, salo gufantton hananau de7iyaabaa asassi odanau danddayiyai oonee?

Eranchchaa Maxaafaa 7:15

Ha hada gidida laittan taagan darobaa taani be7aas. Hegeekka, geellai ba geellatettaa oottiiddi, adussa laittaa de7iyo wode, xillotettaa oottiya xilloi qantta laittan haiqqees.

Eranchchaa Maxaafaa 7:18

Ha ubbankka Xoossaassi yayyiya urai, meto ubbaappe xoonuwan kiyanau danddayiyo gishshau, neeni daro iita woikko daro xillonne gidennan giddo asa gida.

Eranchchaa Maxaafaa 8:8

SHemppoi shaahettidi biyo gallassi oiqqidi, teqqanau danddayiya asi baawa; woikko haiqoi ba gallassan yeennaadan digganau danddayiya asikka baawa. Hegee ooninne kessi ekkanau danddayenna ola. Hegaa gishshau, haiquwaa sinttan iitatetti iitaa oottiya uraa ashshi ekkenna.

Isiyaasa 3:11

Iitatuyyo aayye7ana! Etau iitana; aissi giikko, eti bantta kushiyaa oosuwaa waagaa ekkana.

Isiyaasa 30:13

ha nagarai intteyyo za77idi wodhdhiya, akeekennan eesuwan kunddiya adussa gimbbiyaa mala gidana.

Isiyaasa 57:21

Ta Xoossai, “Iitatussi saroi baawa” yaagees.

Isiyaasa 65:20

“Yerusalaame giddon hagaappe sinttanau, guutta wode xalaala de7idi haiqqiya qii na7i, woikko ba laittaa wurssennan haiqqiya cima asi de7enna. Xeetu laittaara haiqqiya urai daro yelagan haiqqiis geetettana; xeetu laittaa gattennan haiqqiyaagee qanggettidabaadan qoodettana.

Ermmaasa 44:10

Intte hachchi gakkanaashin, inttenatettaa ziqqissibeekketa; taassikka yayyibeekketa. Qassi taani inttessinne intte maizza aawatussi immido higgiyaaninne wogan bibeekketa' yaagees.

Milkkiyaasa 3:18

He wode intte zaarettidikka xilluwaappenne nagaranchchaappe gidduwan de7iya zawaanne Xoossaassi azazettiyaageetuppenne azazettennaageetuppe gidduwan de7iya zawaa be7ana” yaagees.

Yohaannisa 5:29

Siyidi eti duufuwaappe gaxi kiyana; lo77obaa oottidaageeti de7anau denddana; qassi iitabaa oottidaageeti pirddettanau denddana.

Yaaqooba 4:14

Wontto intte de7oi ai hananaakkonne erekketa; guutta wodiyau intte beettidi, guyyeppe xayiya cuwa mala.

Naa77antto PHeexiroosa 2:3

Wordduwaa tamaarissiya hegeeti miishshau yaaretiyoogan bantta medhdhi ekkido haisiyan inttena bonqqana; beniisappe doommidi, eta pirddai giigi uttiis; eta xaissiyaagee beegottidi naagees.