Eranchchaa Maxaafaa 5:8 - Wolaytta Bible

⁸ Issi kawotettai ba biittan de7iya hiyyeesata naaqqishiininne pirddaa geellayishin neeni be7ikko, darin maalaalettoppa. Issi issi halaqau appe bollaara sunttettidi, a xeelliya hara halaqai de7ees. Qassi eta naa77aappekka bollaara sunttettidi, eta xeelliya hara halaqatikka de7oosona.

Eranchchaa Maxaafaa 5:8 Iomraidhean Croise

Hanidabaa Odiya Naa77antto Maxaafaa 26:10

Ayyo bargguwaaninne dembban cora mehee de7iyo gishshau, he sohotun adussa gimbbiyaa gimbbiis; gimbbidi daro ollaa bookkiis. I qassi goshshaa dosiyo gishshau, keratuuninne aradda gadiyan ayyo daro goshshanchchatinne woiniyaa turaa tokkiyaageeti de7oosona.

Iyyooba Maxaafaa 24:23

Xoossai eti saro de7anaadan oottikkokka, eta ogiyaa wochchees.

Mazamure Maxaafaa 12:5

GODAI, “Hiyyeesati un77ettido gishshaunne, metootanchchatu ooliyaa gishshau, ha77i taani denddana. Taani eti amottiyo sarotettan eta wottana” yaagees.

Mazamure Maxaafaa 55:9

Abeet Godau, taani katamaa giddon ooshshaanne waretaa be7ido gishshau, iitatu haasayaa balbbuqa.

Mazamure Maxaafaa 82:1

Xoossai saluwaa yaa7aa shiishshees. SHiishshidi xoossatu giddon hagaadan yaagidi pirddees;

Mazamure Maxaafaa 83:18

Ne xalaalai GODAA gidiyoogaa, ne Ubbaappe Xoqqiya Xoossai sa7aa ubbaa haariyoogaa eti erona.

Mazamure Maxaafaa 95:3

Aissi giikko, GODAI wolqqaama Xoossaa, xoossatu ubbaa bolli wolqqaama kawo.

Leemiso Maxaafaa 22:16

Baayyo aquwaa gujjana giidi, hiyyeesaa naaqqiyaageenne duriyaassi imuwaa immiyaagee naa77aikka hiyyeesana.

Leemiso Maxaafaa 24:12

Neeni, “Nuuni hagaa eribookko” yaagikko, wozanaa eriyaagee i be7ennee? Ne de7uwaa naagiyaagee erennee? Asa ubbau a oosuwaa oosuwaadan zaarennee?

Leemiso Maxaafaa 8:17

“Taani tana siiqiyaageeta siiqais; tana minttidi koyiyaageetikka demmana.

Eranchchaa Maxaafaa 3:16

Qassi taani, salo gufantton geeshsha pirddaa sohuwan iitatettai, xillotettaa sohuwankka nagarai de7iyoogaa be7aas.

Eranchchaa Maxaafaa 4:1

Taani qassikka, salo gufantton asi asa ai keenaa naaqqiyaakkonne xeellaas. Naaqettidaageeti banttana minttettiyaabaa xayidi yeekkoosona. Naaqqiyaageetussi gita maatai de7iyoogaappe attin, naaqettiyaageeta maaddiyaabi ooninne baawa.

Eranchchaa Maxaafaa 5:9

Harai attin, kawuwaa gidikkonne, goshshaappe beettiya aifeti xayikko, woppan de7anau danddayenna.

Eranchchaa Maxaafaa 7:7

Sugetta oosoi aadhdhida eranchchaa eeyya kessees; maganxxuwaa asappe ekkiyoogeekka wozanaa bashshees.

Eranchchaa Maxaafaa 8:9

Salo gufantton haniyaabaa ubbaa taani akeekada qoppiyo wode, issi asi bau de7iya haariyo maataa hara asa qohanau go7ettiyoogaa be7aas.

Isiyaasa 10:12

Godai Xiyoone Deriyaa bollinne Yerusalaame bolli ba oottiyo ooso ubbaa polidoogaappe guyyiyan, Asoore biittaa kawuwaa a ayyuwaunne a otoruwau qaxxayana.

Isiyaasa 37:36

He gallassi qammi GODAA kiitanchchai kiyidi, Asoore asai dunkkaanidosan, issi xeetanne hosppun tammanne ichchashu sha7u attumaasaa woriis. Yaatin, asai maallado suuridi be7iyo wode, haiqqida asaa ahai hegan kumiis.

Isiyaasa 5:7

Ubbaappe Wolqqaama GODAA woiniyaa turaa sohoi Israa7eela asaa. Yihudaa asai i ufaittiyo darkkuwaa. Eti suure pirddoosona giidi naagiis; shin suuttaa gussidosona. Xillotettaa oottoosona giidi naagiis; shin waaso gidiis.

Isiyaasa 57:15

Aissi giikko, merinau de7iyaagee, gitai, xoqqan de7iyaagee, a sunttaikka Geeshshaa geetettiyoogee, hagaadan yaagees; “Taani xoqqu giidanne geeshsha sohuwan de7ais; gidikkonne, bantta oottido nagarau azzanidi simmiyaageetuuranne banttana ziqqi oottiyaageetuura de7ais. Yaatada taani bantta oottido nagarau azzanidi simmiyaageetu ayyaanaanne banttana ziqqi oottiyaageetu wozanaa ooraxissais.

Hizqqeela 18:18

SHin a aawai ba ishantta wolqqan bonqqido gishshaunne ba asaa giddon iitaa oottido gishshau, ba nagaran haiqqana.

Amoxa 5:12

Aissi giikko, intte naaqoi aappunakkonne intte nagaraikka ai keena gitakko taani erais. Intte xillota naaqqeeta; mattaayiyaakka ekkeeta; qassi gutaran hiyyeesatu pirddaa geellayeeta.

Amoxa 6:12

Parati zaallaa bollan piriixanau danddayiyoonaa? Woi qassi goshshanchchai booraa waaxidi, abbaa goyanau danddayii? SHin intte tumu pirddaa marzziyau, xillotettaa aifiyaakka camuwau laammideta.

Mikiyaasa 2:9

ta asaa giddon de7iya maccaasata eta lo77o keettaappe laaggidi kesseeta; ta anjjuwaakka eta naatu bollappe merinau ekkirggeeta.

Zakkaariyaasa 8:6

Ubbaappe Wolqqaama GODAI, 'Hagee ha77i ha asaappe attidaageetussi maalaalissiyaabaa gidikkonne, taayyo maalaalissiyaabaa gidenna' yaagees.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Luqaasa 1:32

I gita gidana; qassi Ubbaappe Bolla Xoossaa Na7a geetettana; Godai ayyo a aawaa Daawita kawotettaa immana;

Luqaasa 1:35

Kiitanchchai zaaridi Mairaamo, “Geeshsha Ayyaanai ne bolli yaana; Ubbaappe Bolla Xoossaa wolqqai nenan shemppana; hegaa gishshau, ne yelana geeshsha na7ai Xoossaa Na7aa geetettana.

Luqaasa 1:76

“Ta na7au, neeni Godaa ogiyaa giigissanau appe sinttau biyo gishshau, Ubbaappe Bolla Xoossaassi oottiya hananabaa yootiyaagaa geetettana.

Yesuusi Kiittidoogeetu Oosuwaa 12:23

Heeroodisi Xoossaa bonchchibeenna gishshau, sohuwaarakka Godaa kiitanchchai a dechchin, guxuniyan meetettidi, haiqqi bayiis.

Roome 11:33

Xoossaa duretettai ai keena daroo? A hayyoinne a eratettai ai keena xoqqee? A pirddaa yootanai oonee? I ba oottiyoogaa aissi oottiyaakko, oonee akeekiyai?

Yaaqooba 2:13

Aissi giikko, asa maaribeenna uraa Xoossai maarennan pirddana; maarotettai pirddaa xoonees.

Koiro PHeexiroosa 4:12

Ta dabbotoo, intte giddon tamadan xuuggidi paacciya waayee yiyaagaa oorattabai haniyaabaadan garamettoppite.

Koiro Yohaannisa 3:13

Ta ishatoo, ha sa7aa asai inttena ixxikko, oorattabaa gooppite.