Eranchchaa Maxaafaa 4:8 - Wolaytta Bible

⁸ Hegeekka issi barkka de7iya bitaniyaabaa; ayyo attuma na7i woikko ishi baawa. SHin i daafuriyo daafurau zawi baawa; qassi baayyo de7iyaaban alenna. I barkka bana oichchiiddi, “I ta hagaa oossi daafuriyaanaa? Tana ta huuphiyaa aibissi ufaissaa diggiyaanaa?” yaagidi oichchiis. Hegeekka qassi hadabaanne tugga de7o.

Eranchchaa Maxaafaa 4:8 Iomraidhean Croise

Doomettaabaa 2:18

Hegaappe guyyiyan GODAI Xoossai, “Bitanee barkka de7iyoogee lo77o gidenna; taani ayyo injjetiyaabaanne a maaddiyaabaa kessana” yaagiis.

Mazamure Maxaafaa 39:6

Tumaappe asai eeshuwaadan hemettees; tumaappe coo mela simerettees. I aquwaa shiishshees; shin ekkana asa erenna.

Mazamure Maxaafaa 39:7

“Abeet Godau, ha77i simmi, taani naagiyoobai aibee? Taani ufaissaa oottiyoi nenaana.

Leemiso Maxaafaa 27:20

Haiqoinne bashshi kalli erokkona; hegaadankka, asa amoi kallenna.

Eranchchaa Maxaafaa 1:13

Taani biittan sa7an de7iyaabaa ubbaa qora qorada eranaunne aadhdhida eratettan pilgga xeellanau ta qofaa qachchaas. Yaatada asaa ubbaassi Xoossai immido de7oi keehippe daafurssiyaabaanne ufaissennabaa gidiyoogaa akeekaas.

Eranchchaa Maxaafaa 1:8

Ubbabaikka salettiyaabaa. Salettiyaabai i woisa keenaa salettiyaakkokka odi wurssanau danddayettenna. Aifee xeellidi, kalli erenna; haittaikka siyidi, tau gidiis gi erenna.

Eranchchaa Maxaafaa 2:21

Asi ba de7ido laittan bau de7ida aadhdhida eratettan, eraaninne hiillan daafuridi demmidobaa ubbaa ainne daafuribeennaagau yeggidi bees. Hegeekka qassi, hadanne likke gidennabaa.

Eranchchaa Maxaafaa 2:23

I ba de7uwaa laittan daafuriyo daafurai ubbai azzanoppenne kayyoppe harabaa ainne au gujjenna; harai atto qammikka a huuphee qofaappe shemppenna; gido shin, he ubbaikka hada.

Eranchchaa Maxaafaa 4:7

Qassi taani, salo gufantton hada gididabaa issi harabaakka be7aas.

Eranchchaa Maxaafaa 5:10

Bira dosiya uraassi biri gidi erenna; duretanau siiqiya uraikka miishshaa kalli erenna. SHin ha ubbaikka hada.

Eranchchaa Maxaafaa 5:9

Harai attin, kawuwaa gidikkonne, goshshaappe beettiya aifeti xayikko, woppan de7anau danddayenna.

Isiyaasa 5:8

Sohoi xayin, intte xalaalai biittaa bolli de7ana gakkanaashin, keettaa keettaa bolli gujjiyaageetoo, gadiyaa gadiyaara gattiyaageetoo, intteyyo aayye7ana!

Isiyaasa 55:2

Intte miishshaa quma gidennabau aibissi kesseetii? Kalissennaban intte wolqqaa aibissi wursseetii? Ane loittidi, taani odiyoogaa ezggite; lo77obaa miite; qassi modhdhuwan intte asatettaa ufaissite.

Maatiyoosa 11:28

“Daafuranchchatoo, deexuwaa tookkiyaageetoo, ubbati taakko haa yiite; taani inttena shemppissana.

Luqaasa 12:20

“SHin Xoossai a, ‘Laa ha eeyyau, neeni hachchi qamma haiqqaasa; yaatin, ha neeni shiishshidobai oossi gidanee?’ yaagiis.

Koiro Yohaannisa 2:16

Aissi giikko, ha sa7an de7iya ubbabai, hegeekka: asatettaa amoi, aifen xeellidi qaaqqatiyoogeenne miishshan ceeqettiyoogee ha sa7aappe yiidoogaappe attin, Xoossaappe yibeenna.