Eranchchaa Maxaafaa 4:10 - Wolaytta Bible

¹⁰ Qassi, naa77aappe issoi kunddikko issoi denttees; shin barkka de7iya urai kunddikkonne a denttiyaabi bainna gishshau, au aayye7ana!

Eranchchaa Maxaafaa 4:10 Iomraidhean Croise

Doomettaabaa 4:8

Hegaappe guyyiyan, Qaayeeli ba ishaa Aabeela, “Ane dembbaa boos” yaagiis. Biidi eti dembban de7ishin, Qaayeeli ba ishaa Aabeela bolli denddinne wori aggiis.

Sameela Maxaafaa Naa77anttuwaa 11:27

A kayyottiyo wodee polettoogaappe guyyiyan, Daawiti o ba soo kiittidi ehiissiis. Ehiissin a ayyo machcho gidaasu; yaatada ayyo attuma na7aa yelaasu. SHin Daawiti oottido oosoi GODAA sinttan iitabaa gidiis.

Sameela Maxaafaa Naa77anttuwaa 14:6

Taayyo ne ashkkareeyyo naa77u attuma naati de7oosona. Eti issoi issuwaara dembban warettidosona; eta shaakkanau issi asinne xayin, issoi hinkkuwaa shocidi woriis.

Kessaabaa 32:21

Hegaappe guyyiyan, Muusee Aaroona, “Ha asai nena waatiinee neeni eta hagaa mala gita nagarau kaalettidoi?” yaagiis.

Eranchchaa Maxaafaa 4:11

Meego wodiyan naa77ai issippe zin77ikko ho77ees; shin barkka zin77iya uraa auppe ho77anau danddayii?

Eranchchaa Maxaafaa 4:9

Issuwaa gidiyoogaappe naa77a gidiyoogee lo77o; aissi giikko, eta oosoi issuwaagaappe aadhdhidi, lo77o aifiyaa immanau danddayees.

Galaatiyaa 6:1

Ta ishanttoo, intte Ayyaanan de7iyaageeti issi urai ai mooro oottidi, beettikkonne, ashkketetta ayyaanan a suurissite; qassi intte paacettenna mala, intte huuphiyaa naagite.

Koiro Tasalonqqe 4:18

Hegaa gishshau, ha haasayan issoi issuwaa minttettite.

Koiro Tasalonqqe 5:11

Hegaa gishshau, intte qassi ha77i oottiyoogaadan, issoi issuwaa minttettitenne maaddite.

Sameela Maxaafaa Koiruwaa 23:16

Saa7oola na7aa Yonaataani denddidi, Daawitakko Horeesha biis; biidi Daawita GODAN wolqqaa demmanaadan minttettiiddi,