Eranchchaa Maxaafaa 3:7 - Wolaytta Bible

⁷ Peeranau wodee de7ees; sikkanaukka wodee de7ees. Co77u gaanau wodee de7ees; qassi haasayanaukka wodee de7ees.

Eranchchaa Maxaafaa 3:7 Iomraidhean Croise

Doomettaabaa 37:29

Roobeeli ollaakko simmidi, Yooseefi yan bainnaagaa be7ido wode, azzanidi ba maayuwaa pooshshiis.

Doomettaabaa 37:34

Yaagidi Yaaqoobi azzanidi, ba maayuwaa peeriis; ba xeessan waaruwaa gixxidi, ba na7aayyo daro gallassaa yeekkiis.

Doomettaabaa 44:18

Yaagin Yihudai akko shiiqidi a, “Ta godau, taani issi qaala haasayana mala nena woossais; tana ne ailliyaa hanqqettoppa; aissi giikko, neeni kawuwaa mala.

Doomettaabaa 44:34

Na7ai bainnan taani waanada guyye ta aawaakko simmanee? CHii, tana ta aawai seelettana seelaa bessoppa” yaagiis.

Sameela Maxaafaa Naa77anttuwaa 1:11

Hegaappe guyyiyan, Daawitinne Daawita asai azzanidi, bantta maayuwaa dafidi pooshshidosona.

Sameela Maxaafaa Naa77anttuwaa 3:31

Daawiti Yoo7aabanne aara de7iya asa ubbaa, “Intte maayuwaa pooshshite; maaqiyaa maayite; Abaneera halaa sinttan hemettiiddi yeekkite” yaagiis. Kawoi Daawiti halaa kaallidi biis.

Kawotu Maxaafaa Koiruwaa 21:27

Akaabi ha haasayaa siyido wode, ba maayuwaa pooshshidi, waaruwaa maayiis; yaatidi xoomiis. Waaruwaa maayosaara zin77iis; azzaniiddi hemettiis.

Kawotu Maxaafaa Naa77anttuwaa 18:36

SHin asai issi qaalanne ayyo zaarennan co77u giis. Aissi giikko, kawoi eta, “Ayyo ainne zaaridi odoppite” yaagi wottiis.

Kawotu Maxaafaa Naa77anttuwaa 5:7

Israa7eela kawoi dabddaabbiyaa nabbabido sohuwaara dagammidi, ba maayuwaa pooshshidi, hagaadan yaagiis, “Taani a woranaunne pattanaunne Xoosseeyye? Taani issi asa a hanttaara goga harggiyaappe pattana mala, ha bitanee taakko aissi kiittii? I tanaara ooyettanau gaasuwaa koyiyoogaa be7ite” yaagiis.

Kawotu Maxaafaa Naa77anttuwaa 6:30

Kawoi maccaasiyaa yootidoogaa siyidi, ba maayuwaa pooshshi oliis. Yaatidi i gimbbiyaa bollaara aadhdhishin, garssa baggaara i maayido waaruwaa asai be7iis.

Asttiri Maxaafaa 7:4

Aissi giikko, taaninne ta asai issoinne attennan wuri haiqqanau baizettida. Nuuni baizettidoogee macca aillenne attuma aille gididi de7anaassa gidiyaakko, taani co77u gaana; aissi giikko, hegaa mala metoi kawuwaa waissanau bessiyaabaa gidenna” yaagaasu.

Iyyooba Maxaafaa 2:13

Hegaappe guyyiyan, eti aara laappun gallassaanne laappun qammaa biittan uttidosona. A sahoi keehi daridoogaa eti be7ido gishshau, ayyo ai asinne qaalanne qaattibeenna.

Mazamure Maxaafaa 39:2

SHin taani duudedan co77u gaas; taani harai atto lo77obaa haasayiyoogaara agginkka, ta waayee yaa dariis.

Eranchchaa Maxaafaa 3:6

Koyidi demmanau wodee de7ees; bashshanaukka wodee de7ees. SHiishshi oiqqanau wodee de7ees; laalanaukka wodee de7ees.

Isiyaasa 36:21

SHin asai issi qaalanne ayyo zaarennan co77u giis. Aissi giikko, kawoi eta, “Ayyo ainne zaaridi odoppite” yaagi wottiis.

Ermmaasa 36:24

Ha qaalaa ubbaa siyidikka kawoinne aara oottiya halaqati ainne yayyibookkona; woikko azzanidi, bantta maayuwaa pooshshibookkona.

Ermmaasa 8:14

Yaagin asati hagaadan yaagoosona; “Nuuni co77u giidi aissi uttiyoonii? Ane issippe shiiqite; hini gimbbettida katamata gelidi, yan haiqqoos. GODAI nu Xoossai nuna haiquwau pirddirggiis; nuuni a bolli nagaraa oottido gishshau, nuuyyo uyanau woriya haattaa immirggiis.

Ermmaasa Zilaassaa 3:28

GODAI metuwaa ehiyo wode, i co77u giidi, barkka utti aggo.

Yuu7eela 2:13

Intte wozanaappe attin, intte maayuwaa pooshshoppite” yaagees. GODAAKKO, intte Xoossaakko, simmite; aissi giikko, i qaretainne maarotai kumidoogaa; hanqquwau eesotennaagaanne siiqoi daridoogaa; i inttena qaxxayanau yeemottennaagaa.

Amoxa 5:13

Hegaa gishshau, hagaa mala wodiyan cincca asi co77u gees; aissi giikko, wodee iita.

Amoxa 8:3

Ubbaa Haariya GODAI hagaadan yaagees; “He gallassi kawo keettan yexxiyo yettai yeehuwau laamettana; haiqqida asaa ahai mule sohuwan darana; qassi co77u gin, yan han olettana” yaagees.

Mikiyaasa 7:5

Ne shooruwaa ammanoppa; ne laggiyaakka ammanettoppa. Neeni qoommada aqiyo ne keettaayeessi odiyoobaakka akeekada oda.

Yesuusi Kiittidoogeetu Oosuwaa 4:20

Aissi giikko, nuuni be7idobaanne siyidobaa yootennan agganau danddayokko” yaagidi yaa7au odidosona.

Yesuusi Kiittidoogeetu Oosuwaa 9:39

Kiittin PHeexiroosi denddidi, etaara biidi gakkin, pooqiyaa pude a kessidi, kifiliyaa gelissidosona. Am77e maccaasati ubbai yeekkiiddinne Dorqqa etaara de7iyo wode oottido qamisetanne afalata ubbaa PHeexiroosa bessiiddi, a yuuyi aadhdhidi eqqidosona.

Sameela Maxaafaa Koiruwaa 10:16

Yaagin Saa7ooli ba aawaa ishaayyo, “Hareti beettidoogaa Sameeli nuuyyo geeshshidi yootiis” yaagiis; shin Sameeli, “Kawo gidaasa” giidi ayyo odidoogaa yootibeenna.